سندھ ہائی کورٹ نے پولیس کو لاپتہ افراد کی گمشدگی کا مقدمہ از خود درج کرنے کا حکم دے دیا۔ لاپتہ افراد کی بازیابی سے متعلق درخواستوں پر سماعت ہوئی ، جسٹس نعمت اللہ نے کہا کہ لاپتہ افراد کے اہلخانہ پولیس کے پاس نہیں آتے تو نہ آئیں، اگر کوئی گم گیا ہے تو ریاست کی مدعیت میں مقدمہ درج کیا جائے، پولیس کی ذمے داری ہے مقدمہ درج کر کے تحقیقات کا آغاز کرے۔ عدالت نے سچل سے لاپتہ شہری راشد اور نسیم کی گمشدگی کے مقدمات درج کرنے کا حکم دیتے ہوئے 4 ہفتوں میں پولیس اور دیگر اداروں سے رپورٹ طلب کر لی۔ سندھ ہائی کورٹ نے جے آئی ٹیز اور صوبائی ٹاسک فورس کے اجلاس طلب کرنے کی بھی ہدایت کر دی۔

کریڈٹ: انڈیپنڈنٹ نیوز پاکستان-آئی این پی

غیر قانونی تارکین وطن کی واپسی کا سلسلہ جاری ہے، مزید 2398 افراد واپس چلے گئے ۔ پاکستان نے ہمیشہ ایک ذمہ دار اور بہترین ہمسایہ ملک ہونے کا کردار ادا کیا جسکی دنیا میں کوئی مثال نہیں ملتی، پاکستان نے جس فراخدلی سے افغان باشندوں کو اپنے ملک میں پناہ دینے کے ساتھ ساتھ روزگار کے سارے مواقع مہیا کیے اس امر کو عالمی سطح پر سراہا گیا۔ 31 اکتوبر کی ڈیڈ لائن ختم ہونے کے بعد صرف غیر قانونی تارکین وطن کا پاکستان سے محفوظ اور باعزت انخلا یقینی بنایا گیا، افغان باشندوں کی باعزت طریقے سے افغانستان واپسی کیلئے دیگر اقدامات کے علاوہ ان کی عارضی رہائش کے لئے مختلف اضلاع میں تمام سہولیات سے آراستہ ٹرانزٹ کیمپس قائم کئے گئے ہیں۔ چمن اور طورخم بارڈر پر روزانہ کی بنیاد پر ہزاروں افغان باشندے اپنے وطن واپس جا رہے ہیں اور پاکستان کی فراخدلی کا شکریہ ادا کر رہے ہیں، غیر قانونی طور پر مقیم غیر ملکیوں کی ملک بدری سے ملکی معیشت پر مثبت اثرات مرتب ہو رہے ہیں۔ 17 نومبر کو مزید 2398 غیر قانونی باشندے اپنے ملک چلے گئے، واپس جانیوالوں میں 691 مرد، 558 خواتین اور 1149 بچے شامل تھے۔ اب تک افغانستان روانگی کے لیے 213 گاڑیوں میں 490 خاندانوں کی اپنے وطن واپسی عمل میں لائی گئی ہے جبکہ کل 232862 غیر قانونی طور پر رہنے والے تارکین کی اپنے وطن واپسی ہوچکی ہے۔

کریڈٹ: انڈیپنڈنٹ نیوز پاکستان-آئی این پی

سابق وزیر داخلہ شیخ رشید نے کہا ہے کہ ہفتے میں ساری دنیا کو پتہ چل جائے گا کہ ہمارے خلاف کتنے مقدمات درج ہیں، چلے سے 3 دن پہلے مجھ پر ایک بھی مقدمہ نہیں تھا، 68 کیسز ابھی تک میدان میں آ چکے ہیں، باقی اللہ بہت بڑا ہے ۔انسداد دہشتگردی عدالت کے باہر میڈیا سے گفتگو کرتے ہوئے شیخ رشید نے کہا کہ آج 23 کیسز کی سماعت ہوئی، جن میں جی ایچ کیو حملہ، حساس ادارے پر حملہ، آرمی ادارے پر حملہ سمیت سانحہ 9 مئی کے تمام کیسز شامل ہیں۔ انہوں نے کہا کہ چلے سے پہلے کوئی کیس نہیں تھا، چلے کے بعد کیسز پر کیسز بن گئے۔ آج 23 مقدمات میں سرکار نے مزید تیاری کی استدعا کی ہے،سرکار کا اصرار تھا کہ ایک ہفتہ مزید دیا جائے۔ ضمانتوں میں 25 نومبر تک توسیع کر دی گئی ہے۔25 نومبر کو صبح یہاں اور دوپہر میں اسلام آباد میں ٹرائل ہو گا۔ سابق وفاقی وزیر داخلہ کا کہنا تھا کہ لاہور ہائی کورٹ راولپنڈی بینچ کے جسٹس چوہدری عبدالعزیز نے تمام ضمنی مقدمات کا ریکارڈ طلب کرلیا ہے۔ ہفتے بھر میں ساری دنیامیں پتا چل جائے گا کہ ہمارے خلاف کتنے مقدمات درج ہیں۔ چلے سے 3 دن پہلے مجھ پر ایک بھی مقدمہ نہیں تھا۔ 68 کیسز اب تک میدان میں آ چکے ہیں،باقی اللہ بہت بڑا ہے۔

کریڈٹ: انڈیپنڈنٹ نیوز پاکستان-آئی این پی

انسداد دہشتگردی عدالت نے 9 مئی کے مقدمات میں شیخ رشید اور راشد شفیق کی ضمانتوں میں 25 نومبر تک توسیع کر دی۔ انسداد دہشتگردی عدالت کے جج ملک اعجاز آصف نے شیخ رشید احمد اور راشد شفیق کی درخواست ضمانتوں پر سماعت کی۔سماعت کے موقع پر شیخ رشید اپنے وکیل سردار عبدالرزاق ایڈووکیٹ کے ہمراہ جج ملک اعجاز آصف کے روبرو عدالت میں پیش ہوئے۔ انسداد دہشتگردی عدالت نے 9 مئی کے مقدمات میں شیخ رشید اور راشد شفیق کی ضمانتوں میں 25 نومبر تک توسیع کر دی۔انسداد دہشت گردی عدالت راولپنڈی نے 50 ہزار روپے کے مچلکوں کے عوض 18 نومبر تک ضمانت منظور کی تھی۔ اس موقع پر شیخ رشید اور شیخ راشد شفیق بھی انسداد دہشت گردی عدالت راولپنڈی پہنچے تھے۔

کریڈٹ: انڈیپنڈنٹ نیوز پاکستان-آئی این پی

سموگ کے باعث صوبائی دارالحکومت لاہور سمیت پنجاب کے 10 اضلاع سمارٹ لاک ڈاون نافذ کر دیا گیا۔ پرونشل ڈیزاسٹر منیجمنٹ اتھارٹی نے سمارٹ لاک ڈاون کا نوٹیفکیشن جاری کر دیا جس کے مطابق ہفتہ سے 10 اضلاع میں لاک ڈاون ہو گا، لاہور، ننکانہ، شیخوپورہ، قصور، گوجرانوالہ، گجرات، سیالکوٹ، نارووال، حافظ آباد اور منڈی بہاالدین میں لاک ڈاون نافذ کیا گیا ہے۔ نوٹیفکیشن کے مطابق 10 اضلاع میں ہفتے کے روز نقل و حرکت محدود ہوگی، تمام سرکاری اور نجی سکول، کالجز اور یونیورسٹیز بند رہیں گے اور آن لائن کلاسز کی اجازت ہوگی جبکہ بازار، دوکانیں، جم، سینما گھر اور دفاتر 3 بجے کے بعد کھولے جا سکیں گے۔ دوسری جانب چند دن قبل ہونے والی بارش کے بعد سے لاہور کی فضائی آلودگی میں اضافہ ریکارڈ کیا جا رہا ہے، صوبائی دارالحکومت کو دنیا کا آلودہ ترین شہر قرار دیا گیا جہاں گزشتہ صبح 7 بجے پارٹیکولیٹ میٹرز کی تعداد 374 ریکارڈ کی گئی ہے۔ واضح رہے کہ بدھ کو نگران وزیر اعلی پنجاب نے سموگ کی صورتحال سے نمٹنے کیلئے اہم اجلاس طلب کیا تھا جس میں ہفتے کے روز سکول، کالج اور یونیورسٹیاں بند رکھنے اور کاروباری مراکز کھلنے کیلئے اوقات کار کے تعین کے حوالے سے فیصلے ہوئے تھے۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی کے شریک چیئرمین آصف علی زرداری سے برطانوی ہائی کمشنر جین میریٹ اور ڈپٹی ہائی کمشنر سارہ مونے نے ملاقات کی جس میں اہم امور پر تبادلہ خیال کیا گیا۔ سابق صدر مملکت نے شاہ چارلس کے جنم دن کے حوالے سے اظہار مسرت کا پیغام دیا جبکہ آصف زرداری نے ڈیوڈ کیمرون کے وزیر خارجہ بننے پر بھی نیک تمناوں کا اظہار کیا۔ آصف زرداری نے دوران ملاقات غزہ میں اسرائیلی جارحیت کے خاتمے کے لئے برطانیہ سے مصالحتی کردار ادا کرنے کا مطالبہ کیا جبکہ ملاقات میں سابق صدر اور برطانوی ہائی کمشنر جین میریٹ کے درمیان دوطرفہ تعلقات کے فروغ پر بھی بات چیت ہوئی۔ سابق صدر آصف زرداری اور برطانوی ہائی کمشنر جین میریٹ کے درمیان ملاقات کے موقع پرسینیٹر سلیم مانڈوی والا اور ڈاکٹر عاصم بھی موجود تھے۔

کریڈٹ: انڈیپنڈنٹ نیوز پاکستان-آئی این پی

ایران کی القدس فورس کے کمانڈر اسماعیل قآنی نے کہا ہے کہ ایران اسرائیل کے ساتھ حماس کی جنگ میں جو بھی کرسکے گا وہ کرے گا، ایرانی قدس فورس کے سربراہ نے حماس کے عسکری ونگ القسام بریگیڈ کے کمانڈر محمد ضیف کے نام اپنے پیغام میں کہا کہآپ کے بھائی مزاحمت میں آپ کے ساتھ کھڑے ہیں، آپ کے بھائی دشمن کو موقع نہیں دیں گے کہ وہ اپنے غلط عزائم میں غزہ یا اسرائیل میں کامیاب ہوں ۔واضح رہے محمد ضیف حماس کے عسکری ونگ کے سربراہ ہیں، قدس فورس کے کمانڈر نے مزید کہا 'ہم اپنے برادرانہ عہد پر متحد انداز میں قائم ہیں اور آپ کو یقین دلاتے ہیں کہ ہم اس تاریخی جنگ میں جو بھی کرنا پڑا کریں گے۔'

کریڈٹ: انڈیپنڈنٹ نیوز پاکستان-آئی این پی

حماس کے عسکری ونگ القسام بریگیڈز نے بیت حانون میں ایک سرنگ کے دھانے پر بوبی ٹریپ دھماکے کی ویڈیو جاری کر دی جس میں ایک افسر سمیت کم سے کم پانچ اسرائیلی ہلاک اور متعدد زخمی ہوگئے،القسام بریگیڈز کا کہنا ہے کہ اس کے جنگجوں نے اسرائیلی انجینئرنگ کور کے اہلکاروں کو ٹریپ کیا جس کے بعد انہیں سرنگ میں بم دھماکے سے ہلاک کر دیا،عزالدین القسام بریگیڈز نے کہا کہ انہوں نے بیت حانون میں النصر مسجد کے قریب سرنگوں میں سے ایک کو کھول دیا۔ اسے دیکھ کر اسرائیلی آرمی انجینیرنگ کا ایک گروپ بوبی ٹریپ کی طرف آیا جہاں انہیں دھماکے سے اڑا دیا گیا،انہوں نے کہا کہ اسرائیل نے اعتراف کیا کہ آپریشن میں ایک افسر سمیت 5فوجی مارے گئے،ویڈیو میں کم از کم چار اسرائیلی فوجیوں کو دکھایا گیا ہے۔ وہ ایک کیمرے کے قریب آ رہے ہیں جس کے ساتھ ہی ایک دھماکہ ہوتا ہے جسکے بعد ویڈیو بند ہوجاتی ہے،القسام نے ویڈیو میں نشاندہی کی کہ یہ آپریشن 10نومبر کا ہے۔

کریڈٹ: انڈیپنڈنٹ نیوز پاکستان-آئی این پی

اسرائیلی اپوزیشن لیڈر یائر لاپڈ نے کہا ہے کہ اب وقت آگیا ہے کہ وزیر اعظم نیتن یاہو اور انتہا پسندوں کی حکومت کو تبدیل کردیا جائے، یاھو حکومت ختم کرکے لیکود پارٹی کی قیادت میں اتحادی حکومت بنانے کے لیے وسیع حمایت حاصل کی جائے گی، انہوں نے کہا میں سمجھتا ہوں کہ 120سیٹوں والی کنیسٹ کے ارکان کی بڑی اکثریت ایسی ایسی مخلوط حکومت کی حمایت کرے گی،لیپڈ نے سوشل میڈیا پلیٹ فارم پر لکھا کہ لیکود پارٹی اسرائیل میں حکمران اتحاد کی سب سے بڑی جماعت ہے جس میں انتہا پسند قوم پرست اور مذہبی جماعتیں شامل ہیں، ان جماعتوں کے پاس کنیسٹ میں 64سیٹیں ہیں، یائر لاپڈ نے جنگ کے آغاز میں نیتن یاہو کی تشکیل کردہ جنگی کابینہ میں شامل ہونے سے انکار کر دیا تھا۔ انہوں نے کہا کہ ہم اگلے سال ایک اور انتخابی دور کے متحمل نہیں ہو سکتے۔

کریڈٹ: انڈیپنڈنٹ نیوز پاکستان-آئی این پی

ملائیشیا کے سابق وزیراعظم مہاتیر بن محمد نے کہا ہے کہ غزہ پر اسرائیل کا فوجی حملہ ایک غیر متناسب ردعمل ہے، اور اس تنازعے کو حماس کے ساتھ مذاکرات اور دو ریاستی حل کے ذریعے ہی حل کیا جا سکتا ہے،عرب نیوز کو دیے گئے انٹرویو میں ان کا کہنا تھا کہ یہ پچھلے نکبہ سے بھی بدتر ہے کیونکہ یہ جنگ نہیں ہے، یہ محض ایک انسانیت سوز ظلم ہے،ہم فوجیوں کو آپس میں لڑتے ہوئے نہیں دیکھ رہے۔ ہم دیکھ رہے ہیں کہ اسرائیلی فوجی شہریوں کو مار رہے ہیں۔ یہ جنگ نہیں ہے۔ یہ ایک انسانی تباہی ہے،مہاتیر محمد نے کہا کہ اسرائیل کو یہ حق نہیں کہ فلسطینی شہریوں کو بے دریغ قتل کرے،اب تک اسرائیلی فورسس 12ہزار سے زیادہ فلسطینیوں کو ہلاک کر چکے ہیں۔ یہ اسرائیل کے دفاع کو محفوظ بنانے کا طریقہ نہیں ہے،اسرائیل کے لیے مغربی حمایت میں کمی آنا شروع ہو گئی ہے۔ غزہ میں شہریوں کی ہلاکتوں میں مسلسل اضافہ ہو رہا ہے، جس سے فوری جنگ بندی، انسانی امداد کی راہداریوں کے قیام، اور طویل عرصے سے مذاکرات کے لیے بڑھتے ہوئے مطالبات سامنے آ رہے ہیں،مہاتیر محمد نے کہا کہ 7اکتوبر کو حماس کا حملہ ناگزیر تھا، کیونکہ اسرائیل پہلے سے کیے گئے معاہدوں کو برقرار رکھنے میں ناکام رہا،انہوں نے کہا کہ 70سال سے اسرائیلی فلسطینیوں پر ظلم کر رہے ہیں، ان کی زمینیں چھین کر ان پر بستیاں تعمیر کر رہے ہیں، مہاتیر محمدنے کہا کہ خطے کے عرب اور اسلامی ممالک کو فلسطینی خواتین اور بچوں کو پناہ دینے کی پیشکش کرنی چاہیے۔

کریڈٹ: انڈیپنڈنٹ نیوز پاکستان-آئی این پی

کیمپس سے کھیت تک،چین اورپاکستان کے درمیان زرعی تعاون مزید مستحکم ہو گیا ، چین کی ہواژونگ زرعی یونیورسٹی ، یونیورسٹی آف ایگریکلچر فیصل آباد اور ایریڈ ایگریکلچر یونیورسٹی کے درمیان تعلیمی تعاون اور طلبا کے تبادلے کے پروگرام کے لئے علیحدہ ایم او یو پر دستخط ہو گئے۔ چائنہ اکنامک نیٹ کے مطابق چوتھا بیلٹ اینڈ روڈ انیشی ایٹو(بی آر آئی)چین پاکستان ایگریکلچرل فورم کامیابی کے ساتھ منعقد ہوا جس کا اہتمام یونیورسٹی آف ایگریکلچر فیصل آباد(یو اے ایف)پاکستان کے انسٹی ٹیوٹ آف ہارٹی کلچرل سائنس نے کیا۔ بہت سے معروف سائنسدانوں اور زرعی ماہرین کی کثیر تعداد نے ذاتی طور پر یا آن لائن شرکت کی اور 80 سے زیادہ معیار ی پریزنٹیشن دیں ۔ چائنہ اکنامک نیٹ کے مطابق ان کا تعلق یو اے ایف، پی ایم اے ایس ایریڈ ایگریکلچر یونیورسٹی راولپنڈی، ہواژونگ ایگریکلچر یونیورسٹی (ایچ زیڈ اے یو)، چائنیز اکیڈمی، چائنیز اکیڈمی آف ایگریکلچرل سائنسز(سی اے اے ایس)، سنکیانگ ایگریکلچر یونیورسٹی وغیرہ جیسے متعدد زرعی یونیورسٹیوں اور اداروں سے تھا ۔ چائنہ اکنامک نیٹ کے مطابق ہواژونگ زرعی یونیورسٹی چین نے یونیورسٹی آف ایگریکلچر فیصل آباد اور ایریڈ ایگریکلچر یونیورسٹی کے ساتھ تعلیمی تعاون اور طلبا کے تبادلے کے پروگرام کے لئے علیحدہ ایم او یو پر دستخط کیے ۔ ان معاہدوں کے تحت پانچ طالب علم مکمل مالی اعانت سے چلنے والے اسکالرشپس کے تحت ہیں اور ایکسچینج پروگرام کے تحت پاکستان کے پانچ اور چین کے پانچ طالب علم ایک سال کے لیے پارٹنر یونیورسٹیوں کا دورہ کر سکتے ہیں۔ یو اے ایف میں انٹومولوجی کے ایسوسی ایٹ پروفیسر ڈاکٹر عابد علی کے مطابق چینی ماہرین نے زرعی تحقیق، کارپوریٹ فارمنگ، گرین انرجی، تعلیم اور مواصلات سمیت مختلف شعبوں میں سروے کیے۔ جبکہ یو اے ایف نے سی اے اے ایس کے مندوبین کو گندم اور مکئی کے مخلوط آٹے سے روٹی کے پروٹین مواد اور صحت کے فوائد کو بہتر بنانے کی ٹیکنالوجی کا اشتراک کرنے کی دعوت دی۔ چائنہ اکنامک نیٹ کے مطابق فورم کے فوری بعد ایچ زیڈ اے یو اور یو اے ایف نے پاکستان میں سموگ کے مسئلے کو کم کرنے کے لئے پائیدار میونسپل سالڈ ویسٹ مینجمنٹ اور چاول کی پرالی کی بائیوڈی گریڈیشن کے لئے بلیک سولجر فلائی لاروا کے ماحول دوست کردار پر مشترکہ طور پر کام کرنے پر توجہ مرکوز کی۔

کریڈٹ: انڈیپنڈنٹ نیوز پاکستان-آئی این پی

لاہورمیں میٹرو بس پھرحادثے کاشکار ہوگئی۔وزیرٹرانسپورٹ پنجاب ابراہیم مراد نے واقعہ کا نوٹس لیتے ہوئے رپورٹ طلب کرلی۔ کچہری سٹیشن پرڈرائیور کی غفلت و ناتجربے کاری کے باعث بس سٹیشن کے پلیٹ فارم سے ٹکرا گئی۔،حادثے میں کوئی جانی نقصان نہیں ہوا مگر ٹکر کے باعث میٹرو بس بری طرح متاثر ہوئی۔ وزیر ٹرانسپورٹ ابراہیم حسن مراد نے واقعہ کا نوٹس لیتے ہوئے میٹرو انتظامیہ سے رپورٹ طلب کر لی،ان کا کہنا ہیپولیس نے بس ڈرائیور کو گرفتار کر لیا ہے۔ڈرائیوروں کی آئی ٹیسٹنگ کی رپورٹ مرتب کی جائے۔

کریڈٹ: انڈیپنڈنٹ نیوز پاکستان-آئی این پی

چین کے شہر چینگڈو میں فوڈ سیکیورٹی ایجوکیشن اینڈ ٹیکنالوجی انوویشن الائنس کا افتتاح کر دیا گیا ۔ سیچوان ایگریکلچرل یونیورسٹی ( ایس اے یو) کی جانب سے شروع کیے گئے اس اتحاد میں چین، پاکستان، تھائی لینڈ، بنگلہ دیش، لاس، یونان اور ارجنٹائن کی کل 27 یونیورسٹیوں اور اداروں نے شمولیت اختیار کی ہے ۔چائنا اکنامک نیٹ کے مطابق اس کا مقصد بیلٹ اینڈ روڈ روٹ سے منسلک ممالک کے درمیان غذائی تحفظ، زرعی سائنس اور ٹیکنالوجی اور تعلیم میں تبادلے اور تعاون کو گہرا کرنا ہے ۔ چائنا اکنامک نیٹ کے مطابق معلوم ہوا ہے کہ اتحاد میں تعلیمی وسائل کا اشتراک، مشترکہ لیبارٹریوں کے قیام اور اہم زرعی شعبوں میں بین الاقوامی سائنسی منصوبوں کے قیام کی منصوبہ بندی کی جارہی ہے۔

کریڈٹ: انڈیپنڈنٹ نیوز پاکستان-آئی این پی

عدالت کے حکم پر ہوم سیکریٹری, حکومت پنجاب اور سپرنٹڈنٹ اڈیالہ جیل کی طرف سے چوہدری پرویز الہی کو ہائیکورٹ کے حکم پر B کلاس سمیت تمام سہولتیں دینے کی یقین دہانی کی رپورٹ جمع کروا دی۔لاہور ہائیکورٹ راولپنڈی بنچ کے فاضل جسٹس صداقت علی خان نے چوہدری پرویز الہی کی Bکلاس سمیت تمام سہولتیں دینے کی حکومت پنجاب کی یقین دہانی کے بعد رٹ پیٹشن کو نمٹا دیا۔ لاہور ہائیکورٹ راولپنڈی بنچ کے فاضل جسٹس صداقت علی خان کے روبرو سابق وزیراعلی پنجاب چوہدری پرویز الہی کی اڈیالہ جیل میں ناروا سلوک اور Bکلاس نہ دینے کے خلاف رٹ پیٹشن کی سماعت ہوئی۔جہاں چوہدری پرویز الہی کی طرف سے سردار عبدالرازق خان ایڈووکیٹ پیش پوہے ۔اس موقع پر دوران سماعت بتایا گیا کہ عدالت کے حکم پر ہوم سیکریٹری, حکومت پنجاب اور سپرنٹڈنٹ اڈیالہ جیل کی طرف سے رپورٹ داخل کردی گئی۔ جس میں چوہدری پرویز الہی کو ہائیکورٹ کے حکم پر B کلاس سمیت تمام سہولتیں دینے کی یقین دہانی کرادی گئی ۔دوران سماعت سردار عبدالرازق ایڈووکیٹ نے فاضل عدالت سے استدعا کی کہ چوہدری پرویز الہی کو گھر کے کھانے اور فیملی سے ہفتے میں دو دفعہ ملاقات کی اجازت دی جائے ۔کلاس بی کے مطابق چوہدری پرویز الہی کو گھر کے کھانے اور اور فیملی سے دو دفعہ ملاقات کی اجازت ہوگی ۔جس کے بعد فاضل عدالت نے چوہدری پرویز الہی کی Bکلاس سمیت تمام سہولتیں دینے کی حکومت پنجاب کی یقین دہانی کے بعد رٹ پیٹشن کو نمٹا دیا۔

کریڈٹ: انڈیپنڈنٹ نیوز پاکستان-آئی این پی

احتساب عدالت نے 190 ملین پانڈ کیس میں پی ٹی آئی چیئرمین عمران خان کا چار روزہ جسمانی ریمانڈ منظور کرلیا۔ اسلام آباد کی احتساب عدالت کے روبرو 190 ملین پانڈ کیس کی سماعت اڈیالہ جیل میں ہوئی۔ جج نے نیب کی درخواست منظور کرتے ہوئے عمران خان کا چار روزہ جسمانی ریمانڈ منظور کرلیا۔ اسپیشل پراسیکیوٹر نیب سردار مظفر عباسی نے منگل تک جسمانی ریمانڈ ملنے کی تصدیق کرتے ہوئے کہا ہے کہ عدالت نے چیئرمین پی ٹی آئی کو 21 نومبر تک ہمارے حوالے کیا ہے، نیب طے کرے گا اب تحقیقات کیسے کرنی ہیں۔

کریڈٹ: انڈیپنڈنٹ نیوز پاکستان-آئی این پی

چیف جسٹس پاکستان نے نیشنل جوڈیشل آٹومیشن کمیٹی از سر نو تشکیل دے دی۔ سپریم کورٹ کی جانب سے جاری اعلامیے کے مطابق نیشنل جوڈیشل آٹومیشن کمیٹی کی تشکیل نو کا مقصد عدلیہ کی کارکردگی میں بہتری لانا ہے۔ نیشنل جوڈیشل آٹومیشن کمیٹی کے سربراہ جسٹس منصور علی شاہ ہونگے جبکہ جسٹس محمد علی مظہر، ہائیکورٹ اور شرعی عدالت کا ایک ایک جج بھی کمیٹی کے رکن ہوں گے۔ اعلامیہ کے مطابق کمیٹی عدالتی کارروائی اور عدالتی ریکارڈ کو ڈیجیٹلائیز کرنے کیلئے کام کرے گی۔ انصاف کے حصول میں بہتری لانے اور کیس منیجمنٹ سسٹم کی بہتری کیلئے موبائل ایپلیکیشن متعارف کرائیجائیں گے۔ نیشنل جوڈیشل آٹومیشن کمیٹی ریسرچ اور قانونی عمل میں خودکاری لانے کیلئے منصوعی زہانت کی ٹیکنالوجی متعارف کرائے گی۔نیشنل جوڈیشل آٹومیشن کمیٹی نیشنل جوڈیشل پالیسی میکنگ کمیٹی کی ذیلی کمیٹی ہے۔ نیشنل جوڈیشل پالیسی میکنگ کمیٹی کے چیئرمین چیف جسٹس ن قاضی فائز عیسی ہیں۔

کریڈٹ: انڈیپنڈنٹ نیوز پاکستان-آئی این پی

اس وقت ایک دلکش موقف سعودی عرب کی مملکت، اس کی قیادت، اس کے عوام، کی قیادت میں قابل احترام موقف ہے۔ دو مقدس مساجد کے متولی اور ان کے قابل اعتماد ولی عہد - اللہ ان کی مدد کرے۔ انہوں نے فلسطین میں خوفناک واقعات اور اس کے سنگین نتائج کے حوالے سے ایک عمدہ موقف اختیار کیا ہے۔ انہوں نے غزہ اور پورے فلسطین میں اپنے بھائیوں کی مدد کے لیے ایک فراخدلانہ مقبول مہم چلانے کی ہدایت کی ہے۔- اس عظیم مقصد کے حوالے سے شاندار اور ثابت قدم موقف، غیر معمولی عرب اور اسلامی سربراہی اجلاس کا کامیاب انعقاد، اور اس کا پر عزم حتمی بیان تاریخی موقف کے مطابق ہے۔ فلسطینی عوام کو مختلف آزمائشوں اور مشکلات میں جن کا سامنا کرنا پڑا ہے ان کی سرکردہ حمایت میں مملکت کی طرف سے۔- ہمارے خدا، تقریریں لمبی ہیں، اور فلسطین میں ہمارے بھائیوں کے لیے مصیبت مزید بڑھ گئی ہے۔ اے اللہ، ان کی مدد فرما اور ان کی فتح کو تیز کر، اے غالب، اے طاقتور، اے اللہ، غزہ میں ہمارے مظلوم بھائیوں کی مدد فرما۔ ہم تیری عظمت کی پناہ مانگتے ہیں کہ وہ محفوظ رہیں، اے اللہ ہماری سرزمین میں سلامتی عطا فرما، ہمارے قائدین اور حکمرانوں کی اصلاح فرما، ہمارے امام اور حرمین شریفین کے متولی کی مدد فرما۔ اس کی رہنمائی فرما جس میں تو راضی ہو، اسے ہدایت عطا فرما اور اس کے جانشین کی حفاظت فرما۔ اسے اس کام میں کامیابی عطا فرما جو آپ کو پسند ہو اور ملک اور اس کے لوگوں کے لیے فائدہ مند ہو۔- اے اللہ، ہماری سرحدوں کی حفاظت کرنے والے ہمارے سپاہیوں کا ساتھ دے، ہماری سیکورٹی فورسز کی رہنمائی فرما۔ شہدا کو قبول فرما، زخمیوں کو شفا دے، ان کے زخموں کا علاج فرما، ان کے مقصد اور حکمت عملی کی رہنمائی فرما، انہیں ان کے دشمنوں پر فتح عطا فرما۔ اے اللہ ہم بارش کی نعمت پر تیری حمد کرتے ہیں۔ ہمارے لیے اس میں اضافہ فرما اور اسے ملک اور اس کے لوگوں کے لیے خیر و برکت کا ذریعہ بنا۔

کریڈٹ: انڈیپنڈنٹ نیوز پاکستان-آئی این پی

پاکستان میں قومی لوک تہوار دیہی ایس ایم ایز کے لیے بہترین کاروباری مرکز بن سکتے ہیں اور قومی اور بین الاقوامی دونوں سطحوں پر ان کی تشہیر سے ریاستی خزانے کو خاطر خواہ آمدنی حاصل ہو سکتی ہے، یہ بات وفاقی وزیر برائے قومی ورثہ وثقافت جمال شاہ نے ویلتھ پاک سے گفتگو کرتے ہوئے کہی۔قومی لوک تہواروں یا ثقافتی تجارتی میلوں کے بارے میں بات کرتے ہوئے، انہوں نے کہا کہ ملک بھر کے دستکار اور کاروباری ایس ایم ایز عام طور پر اپنی مصنوعات کی نمائش کے لیے ان میں شامل ہوتے ہیں۔پاکستان کی کل آبادی کا تقریبا 68فیصددیہی علاقوں میں مقیم ہے اور یہ پلیٹ فارم ان کے لیے مواقع اور پائیدار روزی کمانے کے لیے ایک بہترین گنجائش پیش کرتے ہیں۔جمال شاہ نے کہا کہ یہ میلے دیہی معیشت خصوصا کاٹیج انڈسٹری کو بہتر بنانے میں اہم کردار ادا کرتے ہیں۔ یہ ایک طرح کے دیہی مقامی تجارتی میلے ہیں جو مقامی مصنوعات کی نمائش کے لیے ایک اچھا پلیٹ فارم پیش کرتے ہیں۔ یہاں سے، چھوٹے پیمانے پر پروڈیوسرزمقامی کاریگروں کو شہری اور بین الاقوامی دونوں منڈیوں تک براہ راست رسائی حاصل ہوتی ہے۔ انہوں نے کہاکہ یہ تہوار دیہی برادریوں کو زیادہ آمدنی حاصل کرنے کے لیے رہنمائی کرنے کا ایک اچھا طریقہ ہیں۔ ان میلوں میں شرکت سے دیہی کاریگروں اور کاریگروں کی حوصلہ افزائی ہوتی ہے کہ وہ اپنی مہارت اور مصنوعات کو بہتر بنائیں۔ وہ اسٹیک ہولڈرز، پروڈیوسرز، سرکاری اہلکاروں اور خریداروں کے متنوع گروپ تک بھی رسائی حاصل کرتے ہیں۔ اس قسم کا ربط ایک قسم کا نیٹ ورک بناتا ہے جو نہ صرف دیہی صنعت کاروں کے لیے بلکہ دیگر ایس ایم ایز کے لیے بھی نئے مواقع فراہم کرتا ہے۔روایتی باورچی بھی ان میلوں کا حصہ ہیں۔ ملک کے تقریبا تمام حصوں سے، وہ ان میلوں میں شامل ہوتے ہیں، اپنی مہارت دکھاتے ہیں اور کاروبار حاصل کرتے ہیں۔ ثقافتی تحفظ بھی اس قسم کی نیم ثقافتی کاٹیج انڈسٹری کا ایک حصہ ہے۔ دیہی اداروں اور کاٹیج انڈسٹریز کا فروغ روزگار پیدا کرنے، بے روزگاری میں کمی اور غربت کے خاتمے کا ذریعہ ہے۔جمال شاہ نے مزید کہا کہ خواتین کاٹیج انڈسٹری اور دیہی معاشی سرگرمیوں میں اہم کردار ادا کرتی ہیں۔

وہ ان تہواروں میں اپنی مصنوعات بھی لاتے ہیں اور نئے کاروباری روابط حاصل کرتے ہیں۔ قومی لوک تہواروں میں کامیاب شرکت کاٹیج انڈسٹریز کی ساکھ کو بھی بڑھاتی ہے تاکہ وہ اپنے ہتھکنڈوں کو بڑھانے کے لیے سرکاری قرضے اور گرانٹ حاصل کر سکیں۔ اچھی مراعات، سبسڈیز، اور بنیادی ڈھانچے کی ترقی کے لیے ان سرگرمیوں سے حکومتی تعاون بھی حاصل ہوتا ہے۔تمام ایس ایم ایزسرکاری اداروں، غیر سرکاری اداروں، اور دیگر اسٹیک ہولڈرز کی کوآرڈینیشن ان کے کمزور نکات پر نظر رکھتے ہوئے ان تہواروں کو کامیاب بنانے کے لیے اہم ہے۔ اس شعبے کو مضبوط بنانے کے لیے صلاحیت سازی کی پالیسیاں بھی بنائی جا سکتی ہیں اور مناسب اسکریننگ کے بعد ضروری تربیت بھی دی جا سکتی ہے۔مضبوط پہلوں کو مناسب پریزنٹیشن، مارکیٹنگ اور ویلیو ایڈیشن کے ذریعے مزید بڑھایا جا سکتا ہے۔ وفاقی وزیر نے مزید کہا کہ یہ تہوار ثقافتی تبادلے کو فروغ دینے اور سیاحت کو فروغ دینے کا ذریعہ بھی ہیں۔نیشنل فوک فیسٹیول کی اہمیت کے بارے میں اپنے خیالات کا اظہار کرتے ہوئے، راولپنڈی چیمبر آف کامرس اینڈ انڈسٹری کے میڈیا اور کمیونیکیشن کے سربراہ ذوالفقار احمد نے کہا کہ اس قسم کا تہوار جسے مقامی زبان میں "لوک میلہ" کہا جاتا ہے۔ اس قسم کے تہواروں یا نمائشوں کا اہتمام کاٹیج انڈسٹری کے لیے کیا جاتا ہے۔ وہ دستکاروں، ایس ایم ایز اور چھوٹے پیمانے پر کام کرنے والے کاروباری افراد، خاص طور پر خواتین کے لیے مواقع لاتے ہیں۔ دیگر ممالک کی طرح وفاقی دارالحکومت سمیت تمام صوبوں میں ان کے لیے جگہیں مقرر کی جائیں۔ اس سے دیہی شعبے کی حوصلہ افزائی ہوگی کہ وہ اپنی صلاحیتیں ظاہر کریں اور پائیدار روزی کمائیں۔ملک میں کاٹیج انڈسٹریز پر توجہ مرکوز کرنا ضروری ہے کیونکہ وہ محنت کش ہیں اور بے روزگاری کو کم کرنے میں مدد کرتی ہیں۔کم از کم 80فیصددیہی آبادی کاٹیج انڈسٹری پر منحصر ہے۔ اس کے لیے کم سرمائے کی ضرورت ہوتی ہے لیکن بڑے پیمانے پر کام کے مواقع فراہم کرتا ہے۔ پاکستان کو زیادہ سے زیادہ لوگوں کو راغب کرنے کے لیے خوشی کی سرگرمیوں کے ساتھ تجارتی میلوں کی شکل میں مقامی تہواروں کو فروغ دے کر اس شعبے کو فروغ دینے پر توجہ دینی چاہیے۔

کریڈٹ: انڈیپنڈنٹ نیوز پاکستان-آئی این پی

پاک چائنا ٹیکنیکل اینڈ ووکیشنل انسٹی ٹیوٹ تعلیم اورپیشہ ورانہ تربیت میں دونوں ممالک کے درمیان نتیجہ خیز ہم آہنگی کی ایک روشن مثال ہے۔انسٹی ٹیوٹ آف سٹریٹجک سٹڈیز اسلام آباد کے چائنہ پاکستان سٹڈی سنٹر کے ڈائریکٹر ڈاکٹر طلعت شبیر نے یہ بات ویلتھ پاک سے سے گفتگو کرتے ہوئے کہی۔انہوں نے کہاکہ گوادر میں پاک چین ٹیکنیکل ووکیشنل انسٹی ٹیوٹ کا قیام صوبہ بلوچستان کے نوجوانوں کو تکنیکی تربیت اور پیشہ ورانہ مہارتیں فراہم کرنے کے تناظر میں خاص اہمیت کا حامل ہے، خاص طور پر گوادر کے بڑھتے ہوئے بندرگاہی شہر پر توجہ دی جائے گی۔ یہ اقدام خطے کے لیے امید کی کرن کی نمائندگی کرتا ہے جس میں تعلیم، ہنر کی ترقی اور اقتصادی ترقی کے کئی اہم پہلوں کو حل کیا گیا ہے۔ شینڈونگ انسٹی ٹیوٹ آف کامرس اینڈ ٹیکنالوجی گوادر پورٹ اتھارٹی گوادر یونیورسٹی اور چائنا اوورسیز پورٹس ہولڈنگ کمپنی نے آپریشنل معاہدے پر دستخط کیے جو مشترکہ کوششوں اور مشترکہ وژن کے ثبوت کے طور پر کام کرتا ہے۔ گوادر میں تعلیم اور ہنر کی ترقی کو فروغ دینے کے لیے مختلف اسٹیک ہولڈرزکام کر رہے ہیں۔انسٹی ٹیوٹ کی سب سے نمایاں خصوصیات میں سے ایک مفت تعلیمی پروگرام فراہم کرنے کا عزم ہے۔ ان پروگراموں میں چھ ماہ کے مختصر کورسز اور تین سالہ ڈپلومہ پروگرام شامل ہیں۔ یہ رسائی اس بات کو یقینی بناتی ہے کہ تعلیم مالی رکاوٹوں سے محدود نہ ہو، شمولیت کو فروغ دے اور ہر طالب علم کو قیمتی مہارت اور علم حاصل کرنے کا مساوی موقع فراہم کرے۔

انہوں نے مزید کہا کہ فارغ التحصیل طلبا کو گوادر پورٹ، فری زون انڈسٹری اور سی پیک کے دیگر منصوبوں میں ملازمت حاصل کرنے کے سنہری مواقع میسر ہوں گے۔انہوں نے کہا کہ گوادر نے حال ہی میں ترقیاتی منصوبوں کی ایک لہر دیکھی ہے جس سے روزگار اور کاروبار کی نئی راہیں کھل رہی ہیں۔ویلتھ پاک سے بات کرتے ہوئے سی پی ای سی کے ایگزیکٹیو ڈائریکٹر اور پالیسی ڈویژن کے سربراہ ڈاکٹر لیاقت علی شاہ نے کہا کہ بی آر آئی کے سب سے اہم عوامل میں سے ایک دونوں ممالک کے پسماندہ علاقوں کی ترقی تھی، یعنی پاکستان کا صوبہ بلوچستان اور سنکیانگ شامل ہے۔ چین سی پیک کے ساتھ، گوادر مختلف صنعتی شعبوں کے لیے ایک اہم مرکز میں تبدیل ہونے کے لیے تیار ہے۔ ان شعبوں میں آٹوموبائل، موبائل فون، ٹیکسٹائل اور بہت کچھ کے لیے مینوفیکچرنگ یونٹ شامل ہیں۔ گوادر میں صنعتی سرگرمیوں میں توسیع کی توقع ہے۔ اقتصادی ترقی کو آگے بڑھانا اور روزگار کے بے شمار مواقع پیدا کرناترجیح ہے۔ان صنعتوں کی ترقی اس کے ساتھ ایسے ہنر مند پیشہ ور افراد کی مانگ میں اضافہ کرتی ہے جو ہر شعبے کے لیے مخصوص جدید ترین ٹیکنالوجیز اور تکنیکوں سے بخوبی واقف ہیں۔ اس میں انجینئرنگ، مینوفیکچرنگ، الیکٹرانکس اور ٹیکسٹائل میں مہارت رکھنے والے افراد شامل ہیں۔پاک چائنا ٹیکنیکل ووکیشنل انسٹی ٹیوٹ اس مانگ کو پورا کرنے کے لیے اچھی پوزیشن میں ہے۔ ٹیکنیکل اور ووکیشنل تعلیم پر انسٹی ٹیوٹ کا بنیادی فوکس طلبا کو عملی مہارتوں سے آراستہ کرتا ہے جو ان ابھرتی ہوئی صنعتوں پر براہ راست لاگو ہوتا ہے اور انہیں ملازمت کے لیے تیار کرتا ہے ۔

کریڈٹ: انڈیپنڈنٹ نیوز پاکستان-آئی این پی

حکومت کی طرف سے جاری کردہ اعداد و شمار کے مطابق ستمبر اور اکتوبر 2023 میں پاکستان کی تجارت میں نمایاں تبدیلیاں آئیں۔ ویلتھ پاک کی رپورٹ کے مطابق اکتوبر کے لیے برآمدات 2,707 ملین ڈالر تک پہنچ گئیں، جو پچھلے مہینے کے مقابلے میں 9.33 فیصد نمایاں اضافہ کی نمائندگی کرتی ہے، جب برآمدات 2,476 ملین ڈالر تھیں۔ برآمدات میں یہ اضافہ بلاشبہ ایک مثبت علامت ہے جو ملک کی بیرونی تجارت میں اضافے کی نشاندہی کرتا ہے۔اس کے برعکس، اکتوبر کے لیے درآمدات 4,806 ملین ڈالر تک پہنچ گئیں، جو پچھلے مہینے کے 3,994 ملین ڈالر سے 20.33 فیصد زیادہ ہے۔ درآمدات میں یہ خاطر خواہ اضافہ غیر ملکی اشیا اور خام مال کی بڑھتی ہوئی مانگ کو نمایاں کرتا ہے، جس کی وجہ پاکستان کے بڑھتے ہوئے مینوفیکچرنگ اور صنعتی شعبوں کو قرار دیا جا سکتا ہے۔بڑھتی ہوئی درآمدات کے نتیجے میں پاکستان کا تجارتی توازن، جسے اکثر تجارتی خسارہ کہا جاتا ہے، نمایاں طور پر پھیل گیا۔ اکتوبر میں تجارتی خسارہ حیران کن حد تک پہنچ گیا جو38.27 فیصد زیادہ ہے۔بڑھتے ہوئے تجارتی خسارے کو عوامل کے امتزاج سے منسوب کیا جا سکتا ہے۔ درآمدات میں یہ اضافہ بتاتا ہے کہ پاکستان کی معیشت آگے بڑھ رہی ہے لیکن یہ ایک پائیدار تجارتی توازن برقرار رکھنے کے حوالے سے چیلنجز بھی کھڑی کر رہی ہے۔سالانہ تجارتی اعدادوشمار، اکتوبر 2023 سے اکتوبر 2022 کا موازنہ کرتے ہوئے، ملک کے معاشی منظر نامے کی ایک دلچسپ تصویر پیش کرتے ہیں۔اعداد و شمار کے مطابق، اکتوبر 2023 کے لیے برآمدات 2,707 ملین ڈالر تھیں، جو اکتوبر 2022 کے 2,384 ملین ڈالر کے مقابلے میں سال بہ سال 13.55 فیصد کی مضبوط ترقی کو ظاہر کرتی ہیں۔

برآمدات میں یہ قابل ذکر اضافہ ملک کی بین الاقوامی تجارتی مسابقت کے لیے ایک امید افزا علامت ہے۔اس کے برعکس درآمدات میں اضافہ زیادہ معتدل رہا ہے۔ اکتوبر 2023 میں، درآمدات 4,806 ملین ڈالر تک پہنچ گئیں، جو اکتوبر 2022 میں ریکارڈ کی گئی 4,581 ملین ڈالر سے 4.91 فیصد سالانہ اضافے کی نمائندگی کرتی ہے۔ اکتوبر 2023 کے لیے تجارتی خسارہ 2,099 ملین ڈالر رہا جو اکتوبر 2022 میں ریکارڈ کیے گئے 2,197 ملین خسارے سے 4.46فیصدکی کمی کو ظاہر کرتا ہے۔ سابق سینئر ماہر اقتصادیات اسٹیٹ بینک آف پاکستان ڈاکٹر خرم مغل نے کہا کہ یہ ڈیٹا پاکستان کی بین الاقوامی تجارت کے لیے ایک ملی جلی لیکن کسی حد تک مثبت مجموعی تصویر کی عکاسی کرتا ہے۔ انہوں نے کہا کہ برآمدات میں خاطر خواہ اضافہ ملک کی تجارتی مسابقت میں بہتری کا اشارہ ہے، جس کی وجہ پاکستانی مصنوعات کی عالمی مانگ اور برآمدات کو بڑھانے کے لیے حکومتی اقدامات سمیت مختلف عوامل سے منسوب کیا جا سکتا ہے۔تاہم یہ نوٹ کرنا ضروری ہے کہ تجارتی خسارہ، کم ہونے کے باوجود، تشویش کا باعث ہے۔ اس خسارے کو قابو میں رکھنے کے لیے پاکستان کی کوششیں طویل مدتی معاشی استحکام کے لیے اہم ہوں گی۔ پالیسی سازوں کو مستقبل میں پائیدار ترقی کو یقینی بنانے کے لیے برآمدات کو فروغ دینے اور درآمدات کا انتظام کرنے کے درمیان توازن قائم کرنے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی

اسرائیلی فوجی مغربی غزہ شہر میں فوجی آپریشن کرتے ہوئے۔(شِنہوا)

چین کے صدر شی جن پھنگ امریکہ کے شہر سان فرانسسکو میں برونائی کے سلطان حسن البولکیہ سے ملاقات کرتے ہوئے۔(شِنہوا)

افغانستان کے مغربی صوبے ہرات میں زلزلہ متاثرین کے لیے چین کےعطیہ کردہ امدادی سامان سے لدے کنٹینرز کھڑے ہیں۔(شِنہوا)

چین کے نائب وزیراعظم ژانگ گوو چھنگ شمالی صوبے شنشی کے شہر لیولیانگ کے ایک ہسپتال میں زخمیوں کی عیادت کر رہے ہیں۔(شِنہوا)

کمیونسٹ پارٹی آف چائنہ  کی مرکزی کمیٹی کے پولیٹیکل بیورو کی قائمہ کمیٹی کے رکن اور عوامی سیاسی مشاورتی کانفرنس (سی پی پی سی سی) کی قومی کمیٹی کے چیئرمین وانگ ہوننگ سی پی پی سی سی کی 14ویں قومی کمیٹی کے 11ویں چیئرپرسن کونسل کے بیجنگ میں ہونے والے اجلاس کی صدارت  کرتے ہوئے۔(شِنہوا)

سان فرانسسکو(شِنہوا)ایک امریکی ماہر نے کہا ہے کہ  امریکہ اور دیگر مغربی ممالک کو چین کی ترقی کو عالمی ترقی کو فروغ دینے  کی ایک مثبت قوت کے طور پر دیکھنا چاہیے۔

انسٹی ٹیوٹ فار چائنہ-امریکہ اسٹڈیزکے ایک ممتاز فیلو ڈینس سائمن نے  چینی صدر شی جن پھنگ اور امریکی صدر جو بائیڈن کے درمیان سان فرانسسکو میں ہونے والی سربراہی ملاقات کے حوالے سے  ایک ای میل انٹرویو میں کہا کہ مجموعی طور پر تعلقات میں استحکام کے لیے مدد کرتے ہوئے، دونوں رہنماؤں نے دوبارہ تعلقات کو راستے پرلانے کے لیے واضح مدد کی ہے۔

چیپل ہل میں یونیورسٹی آف نارتھ کیرولینا میں گلوبل بزنس اینڈ ٹیکنالوجی کے پروفیسر اور ڈیوک یونیورسٹی کے لاء اسکول میں سنٹر فار انوویشن پالیسی کے ایگزیکٹو ڈائریکٹر  سائمن نے اس امید کا اظہار کیا کہ  اس ملاقات سے ڈی کپلنگ اور ڈی لنکنگ کے بارے میں  ہونے والی باتیں ختم ہوجائیں گی ،دونوں ممالک اعتماد اور بھروسے کی نئی سطح قائم  کریں گے  جسے دونوں ملک  خاص طور پر لوگوں کے درمیان رابطوں اور عوامی سفارت کاری کے ذریعے سے بہتر تعلقات حاصل کر سکتے ہیں۔

سائمن نے کہا کہ یہ ایک بہت اہم ملاقات تھی کیونکہ ایسا لگتا ہے کہ یہ دونوں ممالک کے درمیان موجودہ کشیدگی کے تناظر میں درجہ حرارت کم کرنے میں کامیاب ہوئی  ہے۔ انہوں نے مزید کہا کہ دونوں رہنما اس بات پر یقین رکھتے ہیں کہ دونوں ممالک کے درمیان تصادم  غیر ضروری ہے۔ اس قسم کی واضح بات چیت کا کوئی متبادل نہیں ہوسکتا۔

گوانگ ژو(شِنہوا) چین کا رواں سال دنیا کا سب سے بڑا آٹوموبائل برآمد کنندہ بننا یقینی ہے، کیونکہ رواں سال کے پہلے 10 ماہ میں اس کی برآمدکی جانے والی گاڑیوں کی تعداد 39لاکھ  یونٹس تک پہنچ گئی ہے۔

ان خیالات کا اظہار چائنہ کونسل فار پروموشن آف انٹرنیشنل ٹریڈ  کی آٹو موٹیو ذیلی کونسل کے سربراہ وانگ شیا نےجمعہ کو شروع ہونے والی 21ویں گوانگ ژو بین الاقوامی آٹوموبائل نمائش میں کیا۔ وانگ نے کہا کہ چین کی آٹوموبائل انڈسٹری نے ایک پیچیدہ اور سنگین بین الاقوامی ماحول کے باوجود بین الاقوامی حیثیت حاصل کرنے کی طرف ایک ٹھوس قدم اٹھایا ہے۔ پہلی سہ ماہی میں،10لاکھ 70 ہزارگاڑیوں کی برآمد کے ساتھ چین جاپان کو پیچھے چھوڑتے ہوئے پہلی بار دنیا کا سب سے بڑا آٹوموبائل برآمد کنندہ بن گیا تھا،پہلے 10 ماہ میں برآمدات کا حجم  گزشتہ سال سے 59.7 فیصد اضافے سے 39لاکھ 20ہزاریونٹ رہا۔

چین ، جنوب مغربی صوبے گوئی ژو کے چھیان ڈونگ نان میاؤ اور ڈونگ خوداختیار پریفیکچر کی کاؤنٹی لائی شان میں میاؤ نسلی گروہ کے افراد میاؤ سال نو اور گوزانگ میلہ کی تقریبات کے دوران پریڈ میں شریک ہیں۔ (شِنہوا)