چین کے نائب صدر ہان ژینگ بیجنگ میں کان کنی گروپ ریو ٹنٹو کے چیئرمین ڈومینک بارٹن سے ملاقات کرتے ہوئے۔(شِنہوا)

چین کے نائب صدر ہان ژینگ بیجنگ میں کان کنی گروپ ریو ٹنٹو کے چیئرمین ڈومینک بارٹن سے ملاقات کرتے ہوئے۔(شِنہوا)

اقوام متحدہ (شِنہوا) اقوام متحدہ نے کہاہے کہ جنوبی سوڈان کی نصف سے زیادہ آبادی بھوک کا شکارہے۔

 اقوام متحدہ کے رابطہ دفتر برائے انسانی امور نے کہا کہ ایک اندازے کے مطابق16 لاکھ  بچوں کو جون 2024 تک شدید غذائی قلت کا سامناہوگا۔

 رابطہ دفترنے مزید کہا گیا کہ جنوبی سوڈان میں 74 لاکھ  لوگوں کی مدد کے لیے  رواں سال کی گئی امدادی اپیل کا صرف نصف فنڈ فراہم کیا گیا ، جس میں تقریباً 1 ارب ڈالر موصول ہوئے ہیں، امدادی کٹوتیوں کی وجہ سے امدادی راشن کو آدھا اور امداد کم کرنے پر مجبور ہیں۔ 

اقوام متحدہ کے قحط کی روک تھام اور رسپانس کوآرڈینیٹر رینا گیلانی اور جنوبی سوڈان کے لیے اقوام متحدہ کی قائم مقام کوآرڈینیٹر مارٹی ہیلین ورنی نے  ایک مشترکہ بیان میں کہا کہ دنیا جنوبی سوڈان میں غذائی عدم تحفظ اور غذائی قلت کی انتہائی صورتحال پر آنکھیں بند نہیں کر سکتی۔ 

دبئی (شِنہوا) متحدہ عرب امارات میں جاری اقوام متحدہ کی موسمیاتی کانفرنس میں متوقع حتمی معاہدے کے مسودے پر اتفاق رائے نہ ہونے پرمذاکرات کو مقامی وقت صبح 11 بجے کی مقررہ ڈیڈلائن سے آگے بڑھادیا گیا ہے۔

کوپ28 کے ڈائریکٹر جنرل ماجد السویدی نے میڈیا کو تازہ ترین صورتحال کے  بارے میں بریفنگ دیتے ہوئے کہاکہ  ہم سب وقت پرچیزوں کو ختم کرنا چاہتے ہیں، لیکن ہم سب سے زیادہ پرجوش نتیجہ چاہتے ہیں۔ السویدی نے کہا کہ ہمیں کوپ کے  سب سے اہم ترین ایجنڈے کا سامنا ہے۔ مسودے کے متن میں معدنی ایندھن کے حوالے سے چیزیں شامل کرنے کا حوالہ دیتے ہوئے  انہوں نے بتایا کہ کوپ پریذیڈنسی اورتمام  فریق کچھ  ایسا تاریخی کرنے کی کوشش کر رہے ہیں جو پہلے کبھی نہیں کیا گیا۔

  السویدی نے کہا کہ موسمیاتی کوششوں کے حوالے سے  دنیا اس وقت کہاں ہے اور اسے کہاں ہونا چاہیے تھا کے درمیان فرق کو ختم کرنے کے لیے ایک جامع منصوبہ بندی کی طرف کوششیں کی جا رہی ہیں۔ 

دبئی (شِنہوا) متحدہ عرب امارات میں جاری اقوام متحدہ کی موسمیاتی کانفرنس میں متوقع حتمی معاہدے کے مسودے پر اتفاق رائے نہ ہونے پرمذاکرات کو مقامی وقت صبح 11 بجے کی مقررہ ڈیڈلائن سے آگے بڑھادیا گیا ہے۔

کوپ28 کے ڈائریکٹر جنرل ماجد السویدی نے میڈیا کو تازہ ترین صورتحال کے  بارے میں بریفنگ دیتے ہوئے کہاکہ  ہم سب وقت پرچیزوں کو ختم کرنا چاہتے ہیں، لیکن ہم سب سے زیادہ پرجوش نتیجہ چاہتے ہیں۔ السویدی نے کہا کہ ہمیں کوپ کے  سب سے اہم ترین ایجنڈے کا سامنا ہے۔ مسودے کے متن میں معدنی ایندھن کے حوالے سے چیزیں شامل کرنے کا حوالہ دیتے ہوئے  انہوں نے بتایا کہ کوپ پریذیڈنسی اورتمام  فریق کچھ  ایسا تاریخی کرنے کی کوشش کر رہے ہیں جو پہلے کبھی نہیں کیا گیا۔

  السویدی نے کہا کہ موسمیاتی کوششوں کے حوالے سے  دنیا اس وقت کہاں ہے اور اسے کہاں ہونا چاہیے تھا کے درمیان فرق کو ختم کرنے کے لیے ایک جامع منصوبہ بندی کی طرف کوششیں کی جا رہی ہیں۔ 

بیجنگ(شِنہوا) چین نے کہا ہے کہ کچھ ممالک سیکورٹی کی آڑ میں سپلائی چین کو الگ اورمنقطع کرنے کا مطالبہ  اور"خطرے کو کم کرنے" کے نام پر تجارتی پابندیاں عائد کر رہے ہیں۔  وزارت خارجہ کی ترجمان نے کہا کہ اس سے دنیا مزید غیرمحفوظ ہو جائے گی اور مزید خطرات لاحق ہو جائیں گے۔ رپورٹس کے مطابق  آئی ایم ایف کی فرسٹ ڈپٹی منیجنگ ڈائریکٹر گیتا گوپی ناتھ نے گزشتہ روز کہا تھا کہ گزشتہ سال تقریباً 3ہزار تجارتی پابندیوں کے اقدامات عائد کیے گئے جو 2019سے تقریباً تین گنا زیادہ ہیں۔ اگر عالمی معیشت دو بلاکس میں تقسیم  ہوتی ہے توعالمی نقصانات کا تخمینہ عالمی جی ڈی پی کےتقریباً 2.5 سے 7 فیصد تک ہوگا ۔

وزارت خارجہ کی ترجمان ماؤ ننگ نے منگل کو اس سے متعلقہ ایک سوال کے جواب میں روزانہ کی نیوز بریفنگ میں بتایا کہ تجارتی تحفظ پسندی اشیاء، خدمات اور سرمائے سمیت  دیگر عوامل کے آزادانہ بہاؤ کے لیے سازگار نہیں ،یہ  وسائل کی تقسیم میں بگاڑ پیدا  او صارفین کے مفادات کو مجروح کرتا ہے۔ یہ پیداواری کارکردگی اور عالمی معیشت کی بحالی اور ترقی کے لیے بھی کوئی سود مند نہیں ہے۔

ترجمان نے کہا کہ تشویش کی  بات یہ ہے کہ کچھ ممالک سیکورٹی کے بہانے سپلائی چین کو الگ اور منقطع کرنے پر زور دے رہے ہیں، اور "ڈی رسکنگ" کے نام پر تجارتی پابندیاں عائد کر رہے ہیں۔ ترجمان نے کہا کہ اس سے دنیا مزید غیرمحفوظ ہو جائے گی اور مزید خطرات لاحق ہوں گے۔

بیجنگ (شِنہوا) چین نے فلپائن پر زور دیا کہ وہ اس کی خودمختاری کی خلاف ورزی اوراشتعال انگیزحرکتوں سے باز رہے، بے بنیاد الزام تراشی بند اور بحیرہ جنوبی چین میں امن و استحکام کو نقصان پہنچانے سے گریز کرے۔  وزارت خارجہ کی ترجمان ماؤ ننگ نے ان خیالات کا اظہاررین آئی جیاؤ کے پانیوں میں حالیہ ہنگامی صورتحال پرایک سوال کے جواب میں کیا۔ ترجمان نے کہا کہ 10 دسمبر کو ایک مال بردار جہاز، ایک سرکاری جہاز اور فلپائن کے دو کوسٹ گارڈ جہاز، چینی حکومت کی اجازت کے بغیر،ریف پر غیر قانونی طور پر  موجود جنگی جہازپر  تعمیراتی سامان کی ترسیل کے لیے چین کے نانشا چھونداوجزیرے میں رین آئی جیاؤ کے ملحقہ پانیوں میں گھس آئے۔

ماؤ نے مزید کہا کہ چائنہ کوسٹ گارڈ (سی سی جی) کے جہازوں کی وارننگ کو نظر انداز کرتے ہوئے، ایک فلپائنی بحری جہاز رین آئی جیاؤ جزیرے کی طرف آیا  اور خطرناک طریقے سے وہاں موجود  سی سی جی جہاز سے ٹکرایا۔  

جنین(شِنہوا) مغربی کنارے کے شہر جنین پر اسرائیلی ڈرون حملے میں کم از کم چار فلسطینی جاں بحق ہوگئے۔

 جنین گورنمنٹ ہسپتال کے ڈائریکٹر وسام بکر نے بتایا کہ  جاں بحق ہونے والے تین نوجوانوں کی لاشیں ہسپتال منتقل کر دی گئی ہیں  جب کہ چوتھے کی لاش کو جنین کے جنوب میں واقع قصبے قباطیہ کے ایک طبی مرکز میں بھیجا گیا ہے۔

فلسطینی سیکورٹی ذرائع نے بتایا کہ اسرائیلی فورسز نے منگل کے روز جنین شہر اور اس کے پناہ گزین کیمپ پر چھاپہ مارا، کئی گھنٹے تک جاری رہنے والی فوجی کارروائی اور شہر کے پرانے علاقے کے اندر نوجوانوں کے ایک گروپ پر بمباری کے لیے ڈرون کا استعمال کیا۔  ذرائع کے مطابق اسرائیلی فورسز نے پناہ گزین کیمپ سے درجنوں نوجوانوں کو گرفتاربھی کیا۔ 

بیجنگ (شِنہوا) چین کی سالانہ مرکزی اقتصادی امورکانفرنس پیر سے منگل تک بیجنگ میں منعقد ہوئی جس میں رہنماؤں نے 2024 کے لیے اقتصادی امورکے لیے ترجیحات کا فیصلہ کیا ہے۔  کمیونسٹ پارٹی آف چائنہ کی مرکزی کمیٹی کے جنرل سیکرٹری اورمرکزی فوجی کمیشن کے چیئرمین،صدر شی جن پھنگ نے کانفرنس سے اہم خطاب کیا۔ اجلاس میں بتایا گیا کہ 2023 میں اعلیٰ معیار کی ترقی میں ٹھوس پیش رفت کے ساتھ ملکی معیشت بحال ہوگئی ہے۔ اجلاس میں کہا گیا کہ ملکی معیشت میں مزید بحالی کے لیے  تاحال کچھ مشکلات اور چیلنجز پر قابو پانا باقی ہے۔

اجلاس میں مضبوط اعتماد کی ضرورت پرزوردیتے ہوئے کہا گیا کہ مجموعی طور پر، سازگار حالات ملکی ترقی کے ناموافق عوامل سے کہیں زیادہ ہیں اور اقتصادی بحالی کے بنیادی رجحان اور طویل مدتی مثبت نقطہ نظر میں کوئی تبدیلی نہیں آئی۔

بیجنگ (شِنہوا) چین نےغزہ میں انسانی بنیادوں پرفوری جنگ بندی کی قرارداد کوامریکہ کی جانب سے ویٹو کیے جانے  پرافسوس اورمایوسی کا اظہار کیا ہے۔

اقوام متحدہ کی سلامتی کونسل میں 8 دسمبر کو متحدہ عرب امارات کی طرف سے پیش کردہ جنگ بندی کی قرارداد پر رائے شماری  کرائی گئی، لیکن امریکہ کی جانب سے ویٹو کے باعث اسے منظور نہیں کیا گیا۔  وزارت خارجہ کی ترجمان ماؤ ننگ نے روزانہ کی پریس بریفنگ میں اس سے متعلق ایک سوال کے جواب میں  کہا کہ فلسطین اسرائیل تنازعہ میں حالیہ تشدد کے آغاز کے بعد سے گزشتہ دو ماہ میں تقریباً 20 ہزار شہری جاں بحق اور 10لاکھ  سے زیادہ بے گھر ہو چکے ہیں۔ ترجمان نے کہا کہ جنگ بندی اور لڑائی کا خاتمہ فی الحال اولین ترجیح ہے اور یہ وسیع بین الاقوامی امنگوں کی عکاسی کرتا ہے۔

بیجنگ (شِنہوا)  چین کی ریاستی کونسل نے ملکی اور غیر ملکی تجارت کی مربوط ترقی کو تیز کرنے کے لیے کئی ایک اقدامات متعارف کرائے ہیں۔ ریاستی کونسل کے مطابق،ملکی اور غیر ملکی تجارت کی مربوط ترقی کو تیز کرنا ایک نئے ترقیاتی ماڈل کی تشکیل اور اعلیٰ معیار کی ترقی کو فروغ دینے کے لیے ضروری ہے اور یہ کہ  اس کا اقتصادی ترقی کو فروغ دینے، ملکی طلب کو بڑھانے اور کاروباری اداروں کو مستحکم کرنے میں بھی اہم کردار ہے۔ 

بیجنگ(شِنہوا) چین میں نومبر کے آخر تک قومی ہائی ٹیک صنعتی ترقی کےزونز کی کل تعداد 178 تک پہنچ گئی ہے۔

چینی وزارت صنعت اور انفارمیشن ٹیکنالوجی کے محکمہ منصوبہ بندی کے ڈپٹی ڈائریکٹروو جیا شی نے بیجنگ میں پریس کانفرنس میں کہاکہ  اس سال کی پہلی تین سہ ماہیوں میں ان ہائی ٹیک زونز کی اقتصادی پیداوار 123 کھرب 30 ارب یوآن (17 کھرب 30 ارب ڈالر) تک پہنچ گئی جوگزشتہ سال کی نسبت 7.11 فیصد زیادہ ہے۔

وو نے کہا کہ قومی ہائی ٹیک زونز پر انحصار کرتے ہوئے متعدد ہائی ٹیک صنعتی کلسٹرز کو  پروان چڑھایا گیا ہے جو نئی صنعت کاری کی ترقی کو فروغ دینے اور صنعتی اور سپلائی چینز کی حفاظت کو یقینی بنانے میں ایک اہم قوت بن گئے ہیں۔

جاری کردہ ڈیٹا سے پتہ چلتا ہے کہ حالیہ برسوں میں قومی ہائی ٹیک زونز نے اعلیٰ معیار کی ترقی میں اہم کردار ادا کیا ہے جو اقتصادی ترقی کا ایک اہم انجن بن گئے ہیں۔

بیجنگ(شِنہوا)چینی محققین کے ایک گروپ نے چائے کے پودے کا پہلا پین-جینوم نقشہ بنایا ہے اور 22 اقسام کی پین-جینوم کی ترتیب مکمل کی ہے جس سے جینومکس کی مدد سے فصل کی افزائشِ نسل کو آسان بنایا گیا ہے۔

ڈیلی سائنس و ٹیکنالوجی کےمطابق چائے دنیا کی قدیم ترین فصلوں میں سے ایک ہے اور اسے مختلف قسم کے ذائقے دار مشروبات تیار کرنے کے لیے اگایا جاتا ہے تاہم ترتیب دینے والی ٹیکنالوجیز میں ترقی کے باوجود چائے کے کلیدی زرعی خصائص پر مشتمل جینیاتی میکانزم ابھی تک واضح نہیں ہیں۔

 چینی اکیڈمی آف ایگریکلچرل سائنسز کے تحت شینزین کے زرعی جینومکس انسٹی ٹیوٹ کے محققین اور دیگر اداروں نے پین جینوم کی ترتیب کے لیے چائے کے پودے کے وسیع جینیاتی تنوع کی نمائندہ 22 اقسام کا انتخاب کیا اور ایک مکمل پین جینوم نقشہ بنایا۔

بیجنگ(شِنہوا) چینی محققین نے ملک کے فینگ یُن موسمیاتی سیٹلائٹ کے ذریعے مشاہدہ کیا گیا ماحولیاتی امونیا گیس(این ایچ 3) کا پہلا  عالمی نقشہ کامیابی سے حاصل کر تے ہوئے عالمی امونیا کی مقدار معلوم کرنے کی صلاحیت کا مظاہرہ کیا ہے۔

عالمی این ایچ 3 کی نگرانی بہت اہم ہے کیونکہ یہ ایک کیمیائی طور پر فعال ٹریس گیس ہے جو ماحول اور موسمیاتی تبدیلیوں میں اہم کردار ادا کرتی ہے۔

تاہم امونیا کے ارتکاز کے روایتی مشاہدے کے طریقے قطبی علاقوں، صحراؤں، سمندروں اور جنگلات سے متعلقہ اعداد و شمار حاصل کرنا مشکل بنا دیتے ہیں۔

چائنیز اکیڈمی آف سائنسز کے تحت انسٹی ٹیوٹ آف ایٹموسفیرک فزکس کے محققین نے فینگ یُن-3ڈی  سیٹلائٹ پر موجود ہائپر اسپیکٹرل انفراریڈایٹموسفیرک ساؤنڈر(ایچ آئی آر اے ایس) سے این ایچ 3 کالم اخذ کرنے کے لیے ایک الگورتھم بنایا اورایچ آئی آر اے ایس آلے کے ذریعے پہلا ماحولیاتی این ایچ 3 عالمی نقشہ پیش کیا۔

  یہ الگورتھم ،این ایچ 3کو تلاش کرتے وقت مداخلتی عوامل جیسے اوزون، کاربن ڈائی آکسائیڈ، پانی کے بخارات اور زمین کی سطح کے درجہ حرارت کا پتہ لگانے کی بھی صلاحیت رکھتا ہے۔

بیجنگ(شِنہوا)چین کے شمال مشرقی صوبے لیاؤننگ کے علاقے دالیان میں سابق سینئر میونسپل سیاسی مشیر ہاؤ ہونگ جون پر رشوت خوری کے الزام میں فرد جرم عائد کر دی گئی ہے۔

سپریم پیپلز پروکیوریٹوریٹ نے منگل کواعلان کرتے ہو ئے کہا کہ ہاؤ اس سے قبل چینی عوامی سیاسی مشاورتی کانفرنس کی دالیان میونسپل کمیٹی کے چیئرمین اور کمیٹی کے سرکردہ پارٹی ممبران گروپ کے سیکرٹری کے طور پر خدمات انجام دے چکے ہیں۔

 نگرانی کے قومی کمیشن کی طرف سے تحقیقات مکمل ہونے کے بعد چین کے شمالی  صوبے ہیبے کے شہر ہان دان کے پیپلز پروکیوریٹوریٹ نے ہاؤ کا مقدمہ شہر کی انٹرمیڈیٹ پیپلزکورٹ میں دائر کیا۔

استغاثہ نے ہاؤ پر  مختلف عہدوں سے فائدہ اٹھاتے ہوئے دوسروں کے لیے منافع حاصل کرنے کے لیے اپنے اختیارات کا غلط استعمال کرنے اور بدلے میں  بڑی رقم اور قیمتی اشیاء وصول کرنے کا الزام عائد کیا ہے۔

استغاثہ نے مدعا علیہ کو انکے قانونی حقوق سے آگاہ کیا، ان سے پوچھ گچھ کی اور وکیلِ دفاع کے دلائل سنے۔

لاس اینجلس(شِنہوا)امریکہ میں رواں سیزن کے دوران اب تک کم از کم 26 لاکھ افراد بیماریوں کا شکار ہوئے جن میں سے 26 ہزار ہسپتالوں میں داخل ہوئے جبکہ 16 افراد فلو سے ہلاک ہو چکے ہیں۔

امراض کی روک تھام اور تدارک کے امریکی مراکز(سی ڈی سی)  کے تازہ ترین ہفتہ واراعداد وشمار کے مطابق ملک کے جنوب مشرقی اور جنوب وسطی علاقوں میں موسمی انفلوئنزا میں اضافہ جاری ہےجہاں وائرس اپنےعروج پر ہے جبکہ ہسپتالوں میں فلو کے مریضوں کی ہفتہ وار  داخلوں کی تعداد میں اضافہ ہوا ہے ۔

ہنوئی (شِنہوا) کمیونسٹ پارٹی آف چائنہ کی مرکزی کمیٹی کے جنرل سیکرٹری ، صدر شی جن پھنگ نے کہا ہے کہ مشترکہ کوششوں سے چین اور ویتنام کے تعلقات وسیع تر سیاسی باہمی اعتماد،زیادہ ٹھوس سیکورٹی تعاون،مضبوط باہمی فائدہ مند تعاون، مقبول حمایت،قریبی کثیرالجہتی کوآرڈینیشن،اور اختلافات کو بہتر طریقے حل کرنے کے ایک نئے دور میں داخل ہوں گے۔

اپنے دورہ ویتنام کے دوران  کمیونسٹ پارٹی آف ویتنام کی مرکزی کمیٹی کے جنرل سیکرٹری نگیون پھو تھرونگ سے ہونے والی ملاقات میں صدرشی نے کہا کہ ان کا ملک ویتنام کی سوشلسٹ تعمیر کے مقصد کی بھرپور  حمایت اور ویتنام کے ساتھ اپنے تعلقات کو ہمیشہ اسٹریٹجک اور طویل مدتی نقطہ نظر سے دیکھتا ہے۔ صدر شی نے کہا کہ چین ویتنام کے ساتھ اپنے تعلقات کو پڑوسی سفارت کاری میں انتہائی ترجیح دیتا ہے۔ قومی ترقی، عوام کی خوشحالی اورانسانیت کی ترقی کے حوالے سے چینی صدر نے  کمیونسٹ پارٹی آف ویتنام کی مرکزی کمیٹی کے جنرل سیکرٹری سے کہا کہ وہ ان کےساتھ مشترکہ طور پر دونوں پارٹیوں اور ممالک کے درمیان تعلقات کی نئی پوزیشن کا اعلان کرنے کے ساتھ ساتھ  ہم نصیب مستقبل کی حامل چین-ویتنام کمیونٹی کی تعمیر کا اعلان کرنے کے لیے تیار ہے جو چین ویتنام جامع  اسٹریٹجک شراکت داری کو مزید مضبوط کرنے کی بنیاد پر تزویراتی اہمیت کا حامل ہے۔ 

ہاربن(شِنہوا)چین کے "اناج کے گودام" کے نام سے مشہور شمال مشرقی صوبہ ہیلونگ جیانگ میں اناج کی پیداوار 2023 میں تقریباً 77 ارب 88 کروڑ کلوگرام تک پہنچ گئی جو ملک کے کل پیداوار کا 11.2 فیصد بنتا ہے۔

قومی شماریات کے بیورو کے مطابق ہیلونگ جیانگ کی سالانہ اناج کی پیداوار گزشتہ سال کے مقابلے25 کروڑ 20 لاکھ کلوگرام کے اضافے کے ساتھ مسلسل 14 سالوں سے ملک میں پہلے نمبر پر ہے۔

اس صوبے کا فصل کاشت کا رقبہ کل 1 کروڑ 47 لاکھ 40 ہزار ہیکٹر ہے جو ملک کے کل قابل کاشت رقبے کا 12.4 فیصد ہے۔

موسم گرما میں سیلاب نے کچھ فصلوں کو متاثر کیا لیکن متاثرہ فصلوں کے رقبے کا تناسب بہت کم تھا اور اس طرح نقصانات  محدودرہے۔ صوبائی محکمہ زراعت اور دیہی امور کے مطابق گزشتہ سالوں کے مقابلے میں فصلوں کی کٹائی میں  اوسط  سے زیادہ نمو ریکارڈ کی گئی۔

بیجنگ(شِنہوا)چین کی قومی زبان کے وسائل کی نگرانی اور تحقیقی مرکز کی طرف سے منگل کو 2023 کی "سر فہرست 10 چینی انٹرنیٹ ٹرینڈنگ اصطلاحات" کی نقاب کشائی کی گئی۔

فہرست کی اصطلاحات میں "Future@" شامل ہے جو ہانگژو ایشین گیمز کے انگریزی زبان کے نعرے کا حصہ ہے جبکہ اس کے علاوہ "اسپیشل فورسز اسٹائل ٹریول" بھی اصطلاح میں شامل ہے جو چین میں نوجوانوں میں مختصر چھٹیوں سے فائدہ اٹھانے کا ایک بہترین طریقہ ہے۔ دیگر اصطلاحات میں  "ذہین زندگی" اور "ویلج سپر لیگ"بھی شامل ہیں۔

"چائنیز لینگویج ریویو 2023" کے سالانہ ایونٹ کے حصے کے طور پر"سر فہرست 10 چینی انٹرنیٹ ٹرینڈنگ اصطلاحات" کا انتخاب قومی زبان کے وسائل کی نگرانی کرنے والے کارپس کے انٹرنیٹ حصے کی بنیاد پر کیا گیا ہے جس سےحروف کی تعداد 8ارب  سے زائد ہو گئی ہے۔

لندن (شِنہوا) سویڈش سوئس الیکٹرکفیکیشن ، توانائی اور آٹومیشن کمپنی اے بی بی کے ایک سینئر عہدیدار نے کہا کہ چین اختراع اور ٹیکنالوجی کے اعتبار سے دنیا کی جدید ترین مارکیٹوں میں سے ایک ہے۔

اے بی بی کے موشن بزنس ایریا کے صدر طاراک مہتا نے کہا کہ اے بی بی کی چینی شاخ نے کچھ عالمی معیار کی اختراعات کی ہیں جن کا استعمال عالمی سطح پر کیا جارہا ہے۔

انہوں نے کہا کہ ہم نے چین کی ضروریات کو مقامی صنعت اور مقامی تکنیکی صلاحیت کے مطابق پورا کرنے  کے لئے تحقیق و ترقی پر اخراجات میں نمایاں اضافہ کیا ہے۔ ہم تحقیق و ترقی میں مزید سرمایہ کاری کررہے ہیں اور اس بات کو یقینی بنارہے ہیں کہ چین میں ہماری سپلائی چینز مقامی طور پر خود کفیل ہوں۔

انہوں نے اس بات کا ذکر کیا کہ دسمبر میں شنگھائی میں قائم روبوٹکس میگا فیکٹری کو ایک برس مکمل ہورہا ہے اور یہ کمپنی 15 کروڑ امریکی ڈالر کی لاگت سے قائم کی گئی تھی۔

مہتا نے کہا کہ کمپنی کی افرادی قوت ایک لاکھ سے زائد ہے جس میں 15ہزارافراد چین میں کام کررہے ہیں۔ اے بی بی پہلے ہی اس بات پر غور کررہی ہے کہ چین میں اپنے کام کو کیسے آگے بڑھایا جائے۔

اے بی بی گروپ کی ایگزیکٹو کمیٹی کے رکن مہتا نے کہا کہ چین ہماری مصنوعات کی ڈیجیٹل صلاحیتوں کو استعمال کرنے اور ڈیجیٹل انفراسٹرکچر بنانے کے اعتبار سے دنیا کی جدید ترین مارکیٹوں میں سے ایک ہے۔ یہ آمدن کے اعتبار سے اے بی بی کی دوسری اہم ترین مارکیٹ بھی ہے جو مستقبل میں ترقی کی نمایاں صلاحیت رکھتی ہے۔

مہتا نے کہا کہ اے بی بی سن1800ء کے اوخر میں قائم ہوئی تھی اور اختراع و ٹیکنالوجی پر توجہ مرکوز کرنا اس کی روایت کا حصہ ہے۔

انہوں نے مزید کہا کہ کمپنی کا صدر دفتر سوئٹزرلینڈ میں ہے تاہم اس کی نسبت چین میں زیادہ تحقیق و ترقی انجینئرز موجود ہیں اورچین میں اے بی بی کی بہت سی ایجادات عالمی سطح پر استعمال ہورہی ہیں۔

بیجنگ(شِنہوا)چین کی پانی کے تحفظ کے منصوبوں پر سرمایہ کاری 2023 کے پہلے 11 مہینوں میں سالانہ بنیادوں پر 8.5 فیصد بڑھ کر 10 کھرب9 ارب یوآن (تقریباً 153 ارب 14 کروڑ ڈالر) ہو گئی۔

چینی وزارت آبی وسائل کے منگل کو جاری اعداد و شمار کے مطابق یہ سرمایہ کاری پورے 2022 میں ریکارڈ کی گئی کل رقم سے زیادہ ہے۔

چین میں پانی کے تحفظ کے منصوبوں نے روزگار کے استحکام میں کلیدی کردار ادا کیا ہے جس سے اس مدت کے دوران ملک بھر میں کل 25 لاکھ 70 ہزار ملازمتیں پیدا ہوئیں جس سے گزشتہ سال کی نسبت9.1 فیصداضافہ ظاہر ہوتا ہے۔

بیجنگ (شِنہوا) چینی صدر اور کمیونسٹ پارٹی آف چائنہ کی مرکزی کمیٹی کے جنرل سیکرٹری شی جن پھنگ نےایسی چین ویتنام کمیونٹی کے قیام پرزور دیا ہے جس کا مشترکہ مستقبل اسٹریٹجک اہمیت کا حامل ہو۔

یہ بات انہوں نے ویتنام کے دورے سے قبل ویتنام کے اخبار نہان دان میں منگل کو شائع اپنے ایک مضمون میں کہی جس کا عنوان تھا"مشترکہ مستقبل کے ساتھ ایسی چین۔ ویتنام کمیونٹی کی تعمیر جو اسٹریٹجک اہمیت کی حامل ہو اور ہماری جدیدیت کی مہم میں ایک نیا باب رقم کرے"۔

چینی صدر نے کہا کہ انہیں یقین ہے کہ چین ویتنام کمیونٹی جس کا مشترکہ مستقبل اسٹریٹجک اہمیت کا حامل ہے، زیادہ سے زیادہ ممالک کو مشترکہ مستقبل کے ساتھ ایشیائی برادری کے قیام کےعظیم مقصد کی سمت راغب کرے گی۔

چینی صدر شی نے مزید کہا کہ اس سے ایشیا میں طویل مدتی ترقی اور اچھے ہمسایوں کے لئے ہماری کوششوں کو مزید مثبت توانائی ملے گی اور یہ دنیا کے امن و ترقی میں زیادہ سے زیادہ کردار ادا کرے گا۔

چین ویتنام کمیونٹی کے قیام کو مستحکم کرنے اور اسٹریٹجک اہمیت کے حامل مشترکہ مستقبل کی تعمیر مسلسل آگے بڑھانے سے متعلق چینی صدر شی نے کہا کہ دونوں ممالک کو اسٹریٹجک رابطے برقرار رکھنے ،سیاسی اور تعاون کی بنیادیں مستحکم کرنے میں اپنی قوت کا بہتر استعمال کرنے، عوامی تعاون مستحکم کرنے اور اختلافات کو مناسب طریقے سے ختم کرنے اور اتفاق رائے کو وسعت دینے کے لئے دوستانہ تبادلے بڑھانے کی ضرورت ہے۔

  ہنوئی (شِنہوا) چینی صدر اور کمیونسٹ پارٹی آف چائنہ (سی پی سی) کی مرکزی کمیٹی کے جنرل سیکریٹری شی جن پھنگ نے کہا کہ وہ ویتنامی رہنماؤں کے ساتھ دونوں ممالک اور جماعتوں کے درمیان تعلقات کی سمت کے بارے میں اہم اور اسٹریٹجک امور پر تفصیلی تبادلہ خیال کریں گے۔

ویتنام کے دو روزہ سرکاری دورے پر پہنچنے پر جاری ہونے والی چینی صدر شی جن پھنگ کی تحریری تقریر کے مطابق دونوں جانب کے رہنما مشترکہ خدشات کے ساتھ بین الاقوامی اور علاقائی امور پر بھی تبادلہ خیال کریں گے۔

وہ کمیونسٹ پارٹی آف ویتنام (سی پی وی) کی مرکزی کمیٹی کے جنرل سیکرٹری نگوین فو ٹرونگ اور صدر وو وان تھونگ سے بات چیت کریں گے جبکہ اس کے علاوہ وزیراعظم فام منہ چن اور قومی اسمبلی کے چیئرمین وونگ دین ہیو سے ملاقات بھی کریں گے۔

ہنوئی کے ہوائی اڈے پر ویتنام کے وزیراعظم فام منہ چن اور دیگر سینئر حکام نے چینی صدر شی جن پھنگ اور ان کی اہلیہ پھنگ لی یوآن کا پرتپاک استقبال کیا۔ مختلف شعبوں سے وابستہ 400 سے زائد ویتنامی اور چینی شہری بھی اس موقع پر موجود تھے جنہوں دونوں جماعتوں اور دونوں ممالک کے جھنڈے اٹھارکھے تھے۔

چین کا صدر اور کمیونسٹ پارٹی آف چائنہ کی مرکزی کمیٹی کے جنرل سیکرٹری بننے کے بعد شی جن پھنگ کا اس جنوب مشرقی ایشیائی ملک کا یہ تیسرا دورہ ہے۔

تحریری تقریر میں چینی صدر شی جن پھنگ نے کہا کہ ویتنام کے ساتھ تعلقات کو چین کی ہمسائیگی پر مبنی سفارتکاری میں ترجیح حاصل ہے وہ اس دورے میں دوطرفہ تعلقات کو ایک نئے مرحلے پر لے جانے کے منتظر ہیں۔

اقوام متحدہ (شِنہوا) اقوام متحدہ کے امن مشن کے سربراہ جین پیئر لیکروئکس نے کہا ہے کہ انہیں یہ دیکھ کر بہت خوشی ہورہی ہے کہ اس وزارتی سطح کے اجلاس میں چین سمیت بہت سے رکن ممالک نے کافی اہم وعدے کئے ہیں۔

انہوں نے یہ بات افریقہ میں  قیام امن پر وزارتی سطح کے ششماہی اجلاس کے اختتام کے فوراً بعد کہی۔

گھانا کے شہر اکرا میں 2023 میں اقوام متحدہ امن مشن کا وزارتی اجلاس 6 دسمبر کو ختم ہوا تھا ۔

اقوام متحدہ کے انڈر سیکرٹری جنرل برائے امن آپریشنز لیکروئکس نے انفنٹری بٹالین، کوئک ری ایکشن فورسز، انجینئرنگ یونٹس اور اینٹی دیسی ساختہ دھماکہ خیز ڈیوائس یونٹس اور کے شعبوں میں کئے گئے وعدوں پر اطمینان ظاہر کیا۔

اجلاس میں 91 رکن ممالک اور 3 بین الاقوامی تنظیموں نے اقوام متحدہ کے امن مشن کے لیے اپنے اجتماعی عزم اور سیاسی تعاون کا اظہار کیا جبکہ 57 رکن ممالک نے امن کے لئے اقدامات اور اے فور پی پلس کے تحت جاری اصلاحات کے مطابق موجودہ اور مستقبل کے چیلنجز اور ضروریات سے نمٹنے کے لیے نئے وعدوں کا اعلان کیا۔

لیکروئکس نے امن دستوں کے روزمرہ اثرات کا ذکر کرتے ہوئے اس بات کا زور دیا کہ امن دستے ہر روز لاکھوں شہریوں کی حفاظت کررہے ہیں۔ کئی ماحول میں ہمارے امن دستے جنگ بندی برقرار رکھ رہے ہیں، دشمنی دوبارہ شروع ہونے سے روک رہے ہیں زندگیوں کا تحفظ کررہے ہیں اور سیاسی عمل میں تعاون کررہے ہیں۔

انہوں نے مزید کہا کہ چین نے تربیت اور دیگر اہم شعبوں میں کئی وعدے کئے ہیں اور ہم ان اہم وعدوں پر رکن ممالک کے بے حد مشکور ہیں۔

کوالالمپور(شِنہوا) بیلٹ اینڈ روڈ انیشی ایٹو کاکس فار ایشیا پیسفک کے صدر اونگ ٹی کیٹ نے کہا کہ بیلٹ اینڈ روڈ انیشی ایٹو (بی آر آئی) شراکت دار ممالک کی معاشی مسابقت کو تبدیل کرنے والا "گیم چینجر" منصوبہ ہے۔

ملائشین ماہر نے شِنہوا کے ساتھ ایک حالیہ انٹرویو میں کہا کہ رابطے بی آر آئی کی توجہ کامرکز ہیں خاص طور پر بنیادی ڈھانچے کی ترقی سے باہمی رابطے پیدا ہوئے جو خطے بھر میں معاشی عدم مساوات کو دوبارہ متوازن کرنے میں اہم کردار ادا کررہے ہیں۔

انہوں نے کہا کہ بلاشبہ بی آر آئی نے دنیا بھر میں بیلٹ اینڈ روڈ تعاون میں شریک تقریباً 150 ممالک میں 3 ہزار سے زائد منصوبوں کے ذریعے بنیادی ڈھانچے میں رابطوں سے عالمی منظر نامے کو نئی شکل دی ہے۔

اونگ نے کہا کہ ورلڈ بینک کی 2019 کی ایک تحقیقی رپورٹ کے مطابق بی آر آئی کے شریک ممالک میں حقیقی آمدن میں 1.2 سے 3.4 فیصد کے درمیان اضافہ ہوا ہے۔

ملائیشیا ، کوان تان میں ایسٹ کوسٹ ریل لنک منصوبے کے تعمیراتی مقام کا منظر۔ (شِنہوا)

اونگ نے کہا کہ نہ صرف بیلٹ اینڈ روڈ تعاون میں توسیع جاری رہے گی بلکہ یہ بنیادی طور پر ڈیجیٹل اور ماحول دوست  معیشت کے شعبوں میں اعلیٰ معیار کی ترقی کے ایک نئے مرحلے کا آغاز کرنے میں بھی اچھی پوزیشن پر ہے۔

انہوں نے کہا کہ مزید "چھوٹے لیکن شاندار " منصوبوں سے بی آر آئی کی خصوصیات نمایاں ہوں  گی  کیونکہ اس اینشی ایٹو کی دوسری دہائی شروع ہوچکی ہے یہ سب انسانیت کے مفاد میں کئی معاشروں میں طرز زندگی تبدیل کرنے میں کردار ادا کریں گے۔