چین ، شمال مغربی صوبے شانشی میں ڈونگ ژوآنگ واٹرکنٹرول پروجیکٹ جنگ ہی ریور گرینڈ پل (بائیں ، نیچے) کا تعمیراتی مقام دیکھا جاسکتا ہے۔ (شِںہوا)

افغانستان ایک بار پھر زلزلے سے لرز اٹھا جہاں زلزلے کے تازہ جھٹکوں کی شدت پھر 6.3ریکارڈ کی گئی،برطانوی نشریاتی ادارے کے مطابق گزشتہ ہفتے افغانستان کے صوبے ہرات میں شدید زلزلہ آیا تھا جس نے انفرااسٹرکچر کو تباہ کرکے رکھ دیا اور 4ہزار سے زائد لوگ جان سے گئے، مقامی وقت کے مطابق بدھ کی صبح 5بج کر 10منٹ کے قریب ایک بار پھر زلزلے نے افغانستان کے تباہ شدہ صوبے ہرات کو ہلا کر رکھ دیا جہاں زلزلے کی شدت 6.3ریکارڈ کی گئی ہے، افغانستان کے مغربی صوبے میں آنے والے زلزلے کی گہرائی 10کلومیٹر تھی جس میں اب تک 8افراد کے زخمی ہونے کی تصدیق کی گئی ہے،دوسری جانب امداد اداروں کا کہنا ہے کہ افغانستان کے زلزلے سے متاثرہ علاقوں میں کھانے پینے اور دیگر اشیائے ضروریہ کی قلت ہے۔

کریڈٹ: انڈیپنڈنٹ نیوز پاکستان-آئی این پی

برطانیہ کی لیبر پارٹی کے سربراہ سر کیئر اسٹارمر پر چمکدار مواد پھینک دیاگیا،دوران تقریب چمکدار مواد پھینکے جانے کے بعد سرکیئر اسٹارمرپہلے گھبرائے پھرکوٹ اتار کر اور آستینیں چڑھا کر خطاب کیا،سر کیئر اسٹارمر کا کہنا تھا کہ ایسی چیزیں انہیں متاثر نہیں کرتیں کیونکہ ایسا کرنے والے انہیں جانتے ہی نہیں،سر کیئر اسٹارمر پرگلیٹر پھینکنے والے شخص کا کہنا تھاکہ اصل جمہوریت وہ ہوتی ہے جس میں قیادت شہری کریں،سرکئیراسٹارمر پرگلیٹرپھینکنے سے لیبر پارٹی لیڈر کی سکیورٹی پر سوالات کھڑے ہوگئے۔

کریڈٹ: انڈیپنڈنٹ نیوز پاکستان-آئی این پی

ارجنٹائن کے وسطی علاقے کوردوبہ شہر کے پہاڑی علاقے میں لگنے والی جنگل کی آگ رہائشی علاقوں تک پھیل گئی،پنیلا وادی میں بھڑکنے والی آگ شہر کے مرکز کی طرف بڑھنے کے بعد کچھ گھروں کو خالی کرالیا گیا،فائر بریگیڈ عملے کی تمام تر کوششوں کے باوجود خراب موسم کے باعث آگ پر تاحال قابو نہیں پایا جا سکا،آگ بجھانے والے8طیارے اور ایک ہیلی کاپٹر خطے میں روانہ کر دیا گیا،فوجی دستوں نے بھی آگ کو بجھانے میں مدد فراہم کی ۔

کریڈٹ: انڈیپنڈنٹ نیوز پاکستان-آئی این پی

برطانیہ کے لوٹن ایئرپورٹ پر آگ بھڑک اٹھی جس کے بعد متعدد پروازیں معطل کر دی گئی ہیں،برطانوی میڈیا کے مطابق آگ ایک گاڑی میں لگی جس نے ایئر پورٹ کو بھی اپنی لپیٹ میں لے لیا، آتشزدگی کے بعد ایئرپورٹ پر ایمرجنسی نافذ کر دی گئی، لوگوں کو بچانے کیلئے سائرن بھی بجائے گئے،10فائر انجن آگ بجھانے میں مصروف رہے جبکہ شہریوں کو ایئرپورٹ کی جانب جانے سے روک دیا گیا، آگ سے کسی قسم کے جانی نقصان کی اطلاع سامنے نہیں آئی۔

کریڈٹ: انڈیپنڈنٹ نیوز پاکستان-آئی این پی

سکھ رہنما ہردیپ سنگھ نجر کے قتل کے معاملے پر امریکہ کے بعد اردن، متحدہ عرب امارات اور برطانیہ نے بھی کینیڈا کی حمایت کا اعلان کردیا،غیر ملکی میڈیا کے مطابق 6اکتوبر کو کینیڈین وزیراعظم جسٹن ٹروڈو نے برطانوی ہم منصب رشی سونک سے ٹیلیفونک رابطہ کیا، 8اکتوبر کو کینیڈین وزیراعظم اور صدر یو اے ای شیخ محمد بن زید کے درمیان نجر کے قتل کے معاملے پر بات چیت ہوئی جبکہ 9اکتوبر کو جسٹن ٹروڈو نے اردن کے فرمانروا عبداللہ بن الحسین کی بھی حمایت حاصل کرلی،برطانیہ اور متحدہ عرب امارات کے حکمرانوں نے بھارت کے خلاف قانونی کارروائی پر زور دیا، برطانوی وزیراعظم نے کہا کہ قانون کی پاسداری تمام ممالک پر لاگو ہوتی ہے، شیخ محمد بن زاید نے قانون کی بالادستی اور شہریوں کے تحفظ پر گہری تشویش کا اظہار کیا۔

کریڈٹ: انڈیپنڈنٹ نیوز پاکستان-آئی این پی

یونان کے سابق وزیر خزانہ یونس وروفوکس نے اسرائیل اور فلسطین کے درمیان جاری حالیہ جنگ کے مجرم یورپی ممالک اور ان کے عوام کو ٹھہرا دیا،ایک ویڈیو بیان میں یونان کے سابق وزیر خزانہ یونس وروفوکس نے کہا کہ فلسطینیوں کے خلاف دہائیوں سے جاری اسرائیلی جارحیت پر یورپ خاموش ہے، میں اسرائیل اور فلسطین کے درمیان جاری حالیہ جنگ میں نہ حماس کو مجرم سمجھتے ہیں اور نہ ان اسرائیلی آباد کاروں کو جو فلسطینیوں کو قتل کر رہے ہیں،ان کا کہنا تھاکہ میرے نزدیک ان حالات کا مجرم جرمنی، فرانس، یونان اور امریکی معاشرے کا ہر فرد ہے،انہوں نے کہا کہ یورپی ممالک نے ایک نسل پرست ریاست کی جانب سے کیے گئے مظالم پر دہائیوں سے اپنے منہ بند رکھ کر انسانیت کے خلاف جرم میں حصہ لیا ہے، اب موقع غنیمت جان کر اس ناقابل یقین سانحے کو تبدیل کرنا ہوگا،یونس وروفوکس کا کہنا تھاکہ یورپیوں کو جگانے اور آزاد کرانے کے لیے اجتماعی طور پر امن کی طرف پہلا فیصلہ کن قدم اٹھانا ہوگا، یہی ایک نسل پرست ریاست کی ہی تباہی ہے۔

کریڈٹ: انڈیپنڈنٹ نیوز پاکستان-آئی این پی

روسی جمہوریہ چیچنیا کے سربراہ رمضان قادریوف نے فلسطینیوں کی حمایت کرتے ہوئے جنگ بندی کا مطالبہ کیا ہے اور ساتھ ہی اپنے فوجی امن مشن کے طور پر فلسطین بھیجنے کی بھی پیشکش کی ہے،ایک بیان میں رمضان قادریوف کا کہنا تھا کہ میں عالمی برادری سے اپیل کرتا ہوں کہ وہ کم ازکم ایک بار متفقہ طور پر فلسطین کے حوالے سے منصفانہ فیصلہ کریں،رمضان قادریوفنے کہاکہ میں مسلم ممالک کے لیڈروں سے اپیل کرتا ہوں کہ ایک اتحاد بنائیں اور یورپ سمیت تمام مغربی ممالک جنہیں آپ اپنا دوست کہتے ہیں انہیں بلائیں اور ان پر زور دیں کہ اسرائیل جنگجوں کو تباہ کرنے کے بہانے عام شہریوں پر بمباری نہ کرے،چیچن سربراہ کا کہنا تھا کہ ہم فسلطینیوں کے عمل کی حمایت کرتے ہیں کیونکہ اسرائیل نے ان کی زمین پر قبضہ کیا ہے اور اب انہیں مسلسل دبا رہا ہے، تاہم ہم اس جنگ کے خلاف ہیں، ہم جنگ اور کسی بھی قسم کی کشیدگی کو روکنے کا مطالبہ کرتے ہیں،انہوں نے کہاکہ اگر ضروری ہو تو ہمارے فوجی دستے فلسطین میں امن فوج کے طور پر کام کرنے کے لیے تیار ہیں۔

کریڈٹ: انڈیپنڈنٹ نیوز پاکستان-آئی این پی

یورپی یونین نے فلسطینیوں کی 729ملین ڈالر کی ترقیاتی امداد بند کرنے کا فیصلہ فی الحال واپس لے لیا،حماس کے حملے کے فوری بعد یورپی یونین کمیشن کی جانب سے فلسطین کیلئے یہ امداد بند کرنے کا اعلان سامنے آیا تھا،یورپی یونین نے اپنے ایک بیان میں کہا ہے کہ فلسطینیوں کو ملنے والی ڈیولپمنٹ امداد نہیں روکی جار رہی ہے،یورپی یونین کمشنر اولیور واہیلی کی جانب سے فلسطینیوں کیلئے تمام ڈیولپمنٹ امداد فوری طور پر روکنے کے اعلان کے بعد یورپی کمیشن نے اپنے مختصر بیان میں کہا کہ فلسطینیوں کو ملنے والی امداد بند نہیں کی جا رہی، البتہ تمام 729ملین ڈالرز کی امداد کا جائزہ لیا جائے گا کہ اس کا کہیں غلط استعمال تو نہیں ہو رہا ہے،یورپی کمیشن نے اپنے بیان میں مزید کہا کہ تمام پراجیکٹس کا جائزہ لیا جائے گا اورنئے بجٹ پرپوزل اگلے نوٹس تک موخر رہیں گے،یورپی کمیشن کے اعلان کے بعد اسپین، آئرلینڈ اور فرانس نے اس فیصلے کی مخالفت کرتے ہوئے کہا تھا کہ یہ فیصلہ تمام فلسطینیوں کو حماس کے حملے کا ذمہ دار قرار دینے کے مترادف ہے جس کی بڑے پیمانے پر مذمت کی گئی تھی،ان کا کہنا تھا کہ یورپی یونین بلواسطہ یا بلا واسطہ حماس کو کوئی امداد نہیں بھیجتا ہے، اس لییامداد کی بندش کے فیصلے پر سوالیہ نشان کھڑے ہوتے ہیں،یورپی پارلیمنٹ کی رکن ایئون انسر نے کا کہنا تھا کہ تمام فلسطینیوں کو حماس کے حملے کا ذمہ دار ٹھہرانا صرف جلتی پر تیل کا کام کر سکتا ہے۔ فلسطین کو ملنے والی امداد کا ایک حصہ براہ راست فلسطینی اتھارٹی کو جاتا ہے جبکہ دوسرا بڑا حصہ براہ راست مختلف سول سوسائٹی آرگنائیزشینوں کو دیا جاتا ہے،انہوں نے کہا کہ ہماری امداد حماس کو نہیں جاتی ہے اور یہ ایسی بات ہے جو یورپی یونین کمشنر اولیور واہیلی اچھے طریقے سے جانتے ہیں لیکن وہ یورپ کے لوگوں سے جھوٹ بول کر یہ تاثر دینے کی کوشش کر رہے ہیں کہ یورپی یونین حماس کی مالی امداد کرتی ہے۔

کریڈٹ: انڈیپنڈنٹ نیوز پاکستان-آئی این پی

اسرائیل نے حماس کی القسام بریگیڈ کے سربراہ کے گھرپر حملہ کردیا جس کے نتیجے میں سپریم کمانڈر محمد الضیف کے والد ، بھائی، بھتیجے اور پوتی شہید ہوگئے،فلسطینی مزاحمتی تنظیم حماس اور اسرائیل کے درمیان شدید جھڑپیں پانچویں روز میں داخل ہوگئی ہیں، اسرائیل کی جانب سے غزہ کی ناکہ بندی سخت کردی گئی ہے اور غزہ پر حملے تیز کر دیے گئے ہیں،اسرائیلی جارحیت سے جاں بحق فلسطینیوں کی تعداد900سے بڑھ گئی ہے اور زخمیوں کی تعداد ساڑھے 4ہزار تک جاپہنچی ہے،5روزہ جارحیت کے دوران غزہ میں 22ہزار 639گھر تباہ ،10اسپتالوں اور 48اسکولوں کو بھی نشانہ بنایا گیا۔

کریڈٹ: انڈیپنڈنٹ نیوز پاکستان-آئی این پی

فلسطینیوں پر بمباری کے لیے امریکی اسلحے سے بھرا طیارہ اسرائیل پہنچ گیا،غیر ملکی میڈیا کے مطابق یہ ہتھیار جنوبی اسرائیل کے ایک ائیر بیس پر پہنچائے گئے تاہم ان کی اقسام کے حوالے سے فی الحال کوئی تفصیلات سامنے نہیں آئی ہیں،غیر ملکی میڈیا کے مطابق یہ اسلحہ اہم فوجی کارروائیوں میں سہولت فراہم کرے گا، بائیڈن انتظامیہ نے اس ہفتے اسرائیل کو جنگی ساز و سامان کی فراہمی شروع کردی ہے،رپورٹس کے مطابق دوسرا بحری بیڑا بھی اسرائیل بھیجنے پر غور کیا جارہا ہے۔

کریڈٹ: انڈیپنڈنٹ نیوز پاکستان-آئی این پی

اسرائیل کے خلاف حملوں میں فلسطین اور لبنان کے بعد شام بھی شریک ہوگیا،لبنان کی حزب اللہ نے بم حملے میں اسرائیلی فوج کی گاڑی تباہ کردی جب کہ حماس کی جانب سے بھی اسرائیل پر راکٹ باری اور فائرنگ کی گئی،اسرائیلی فوج کے مطابق شام کی جانب سے داغے گئے راکٹ کھلے علاقوں میں گرے ہیں،یمن کی انصاراللہ تحریک کے سربراہ سید عبدالمالک بدرالدین الحوثی نے بھی امریکا کو خبردار کیا کہ اگر امریکا اس جنگ میں شامل ہوا تو پھر یمنی شہری بھی فلسطینیوں کے دفاع میں پیچھے نہیں رہیں گے اور اسرائیل پربارود بھرے ڈرونز اور راکٹوں سے حملہ کیا جائے گا۔

کریڈٹ: انڈیپنڈنٹ نیوز پاکستان-آئی این پی

نوبیل انعام یافتہ سماجی کارکن ملالہ یوسفزئی نے حماس اور اسرائیل کے درمیان فوری طور پر جنگ بندی کا مطالبہ کیا ہے،ملالہ یوسفزئی نے ایکس پر بیان جاری کیا اور کہا جیسا کہ میں نے حالیہ دنوں میں دل دہلا دینے والی خبریں دیکھی ہیں، اس دوران میرا دھیان فلسطینی اور اسرائیلی بچوں کی طرف ہے جو جنگ کی صورتحال میں شدید متاثر ہوئے ہیں، ملالہ نے اپنے بچپن کو یاد کیا اور لکھا 'میں صرف 11برس کی تھی جب میں نے اپنے ارد گرد دہشتگردی اور تشدد جیسا ماحول دیکھا، صبح سویرے ہم مارٹر گولوں کی آوازوں سے بیدار ہوتے تھے،انہوں نے مزید کہا 'اپنے اسکولوں اور مساجد کو بموں سے تباہ ہوتے دیکھا، امن ایک ایسی چیز بن گئی جس کا ہم صرف خواب ہی دیکھ سکتے تھے،ملالہ نے لکھا کہ جنگ ہمیشہ بچوں پر اثر انداز ہوتی ہے چاہے وہ اسرائیل کے گھروں سے اٹھائے گئے بچے ہوں یا غزہ میں فضائی حملوں کے ڈر سے چھپے ہوئے یا خوراک اور پانی کی کمی کا سامنا کرنے والے بچے ہوں،نوبل انعام یافتہ ملالہ نے لکھا کہ آج میں ان تمام بچوں اور لوگوں کے لیے غمزدہ ہوں جو مقدس سرزمین میں امن اور انصاف کے خواہاں ہیں۔

کریڈٹ: انڈیپنڈنٹ نیوز پاکستان-آئی این پی

امریکی وزیر دفاع لائیڈ آسٹن نے کہا ہے کہ امریکا کے پاس کوئی ثبوت نہیں کہ حملے کی منصوبہ بندی یا اس پر عمل درآمد میں ایران براہ راست ملوث ہے،امریکی محکمہ خارجہ کے ترجمان میتھیو ملر نے کہا ہے کہ امریکی وزیرخارجہ انٹونی بلنکن جمعرات کو (آج) اسرائیل کیلئے روانہ ہوں گے جہاں وہ اسرائیلی قیادت سے ملاقات کریں گے،ترجمان وائٹ ہائوس جیک سلیوان نے حماس کے حملے کے بعد سے 20یا اس سے زائد امریکیوں کے لاپتہ ہونے کی تصدیق کردی ہے جبکہ اس سے قبل 14امریکیوں کی ہلاکتوں کی بھی تصدیق کی گئی تھی۔

کریڈٹ: انڈیپنڈنٹ نیوز پاکستان-آئی این پی

سڈنی(شِنہوا)آسٹریلیا میں کی گئی ایک نئی تحقیق سے پتا چلا ہے کہ رات کے وقت روشنی میں زیادہ دیرتک رہنا بے چینی اور پی ٹی ایس ڈی جیسے ذہنی امراض میں اضافے کا باعث بن سکتی ہے۔  نیچر مینٹل ہیلتھ جریدے میں پیر کو شائع ہونے والی موناش یونیورسٹی کے محققین کی زیرقیادت  تحقیق کے مطابق، ٹیم نے روشنی، نیند، جسمانی سرگرمی اور دماغی صحت کا اب تک کا سب سے بڑا کراس سیکشنل تجزیہ کیا، جس میں 86ہزار سے زیادہ شرکاء شامل تھے۔ تحقیق سے معلوم ہوا کہ  رات کے وقت زیادہ روشنی  کے سامنے آنے والوں میں ڈپریشن کا خطرہ 30 فیصد تک بڑھ گیا جب کہ جو شرکاء دن کے وقت زیادہ روشنی کے سامنے آئے ان میں ڈپریشن کا خطرہ 20 فیصد تک کم ہوا۔ اس طرح سے خود کو نقصان پہنچانے والے رویے، سائیکوسس، بائی پولر ڈس آرڈر، تشویش کی خرابی اور پی ٹی ایس ڈی کے حوالے سے بھی نتائج سامنے آئے ہیں۔

اینگرو پولیمر اینڈ کیمیکلز لمیٹڈ کی سال 2023 کی پہلی ششماہی میںآمدنی، مجموعی اور خالص منافع میں نمایاں کمی واقع ہوئی ہے ۔کمپنی نے37.02 بلین روپے کی کل آمدنی حاصل کی جبکہ 45.4 بلین روپے کے مقابلے میں 18.5 فیصد کی کمی ہے۔ اس کی وجہ کم والیومیٹرک فروخت اور پولی وینیل کلورائیڈ کی کم قیمتیں ہیں۔اسی طرح، مجموعی منافع 40.47 فیصد کم ہو کر 9.04 بلین روپے ہو گیا جو کہ 15.19 بلین روپے تھا، جس سے پیداواری لاگت میں اضافہ ظاہر ہوتا ہے۔ اس کی وجہ مہنگائی میں اضافہ، کرنسی کی قدر میں کمی اور خام مال کی درآمد کے لیے لیٹر آف کریڈٹ کھولنے پر پابندیاں ہیں۔ اینگرو پولیمر اینڈ کیمیکلز اینگرو کارپوریشن لمیٹڈ کا ذیلی ادارہ ہے۔ کمپنی کی اہم سرگرمیاں کاسٹک سوڈا کی تیاری اور فروخت ہیں۔ یہ اپنے پاور پلانٹس سے پیدا ہونے والی اضافی بجلی اینگرو فرٹیلائزرز لمیٹڈ کو فراہم کرنے میں بھی مصروف ہے۔مزید برآں، انتظامی اخراجات 603.3 ملین ہو گئے جو پچھلے سال 503.87 ملین روپے تھے، جو کہ 19.75 فیصد اضافہ کو ظاہر کرتا ہے۔ آپریٹنگ منافع 13.12 بلین روپے سے نمایاں طور پر کم ہو کر 7.8 بلین روپے ہو گیا، جس میں 40.49 فیصد کی کمی واقع ہوئی۔ اسی طرح، زیر غور مدت کے دوران منافع سے پہلے ٹیکس میں 56.83 فیصد کمی ہوئی۔ کمپنی کا خالص منافع گزشتہ سال کی اسی مدت کے مقابلے میں 7.05 بلین روپے کے مقابلے میں زیر جائزہ مدت کے دوران 61.1 فیصد کم ہوکر 2.74 ارب روپے رہ گیا۔فی حصص آمدنی بھی روپے تک گر گئی جو کہ 5.83 روپے تھی، جو کمپنی کے اسٹاک میں سرمایہ کاروں کی کم ہوتی دلچسپی کو ظاہر کرتی ہے۔ موجودہ تناسب کمپنی کی اپنی مختصر مدتی ذمہ داریوں کو پورا کرنے کے لیے اپنے موجودہ اثاثوں کو استعمال کرنے کی صلاحیت کا تخمینہ لگاتا ہے۔

اگر موجودہ تناسب 1.2 سے کم ہے تو کمپنی اپنی قلیل مدتی ذمہ داریوں کو پورا کرنے میں ناکام ہونے کا خطرہ رکھتی ہے۔ 1.2 اور 2 اور اس سے اوپر کا تناسب عام طور پر محفوظ سمجھا جاتا ہے۔2018 میں، کمپنی نسبتا محفوظ تھی کیونکہ موجودہ تناسب 1.44 تھا، جو مختصر مدتی ذمہ داریوں کو پورا کرنے کے لیے کافی موجودہ اثاثوں کی نشاندہی کرتا ہے۔ تاہم، 2019 میں، تناسب کم ہو کر 1.03 ہو گیا، جو اس کی ذمہ داریوں کو پورا کرنے کے لیے موجودہ اثاثوں میں کمی کو ظاہر کرتا ہے۔ یہ مدت کے دوران موجودہ واجبات میں اضافے کی بھی نشاندہی کرتا ہے۔ موجودہ تناسب 2020 میں 1.57 تک بہتر ہوا، لیکن 2021 میں کم ہو کر 1.36 اور 2022 میں مزید 1.08 ہو گیا، جس سے ظاہر ہوتا ہے کہ کمپنی اپنی آپریشنل کارکردگی کو بہتر بنانے میں کامیاب رہی ہے۔مجموعی منافع کے تناسب نے 2018 سے 2022 کے دوران ایک اتار چڑھا وکا رجحان ظاہر کیا۔ 2018 اور 2019 میں، کمپنی نے بالترتیب 21.57فیصد اور 21.42فیصد کے مجموعی منافع کا تناسب شائع کیا۔ کمپنی نے 2018 میں 13.94فیصد کا خالص منافع کا تناسب درج کیا، جو 2019 میں گر کر 9.97فیصد پر آ گیا۔ خالص منافع کا تناسب اپنی رفتار دوبارہ حاصل کر لیا اور 2020 میں بڑھ کر 16.17فیصد ہو گیا اور 2021 میں21.57فیصدکی بلند ترین سطح پر پہنچ گیا، جو بڑھتی ہوئی فروخت اور لاگت کے موثر انتظام کی عکاسی کرتا ہے۔ 2022 میں خالص منافع کا تناسب 14.27 فیصد تک گر گیا۔خالص فروخت میں اضافے کی وجہ سے 2021 میں سب سے زیادہ آپریٹنگ منافع کا تناسب 31.32فیصد حاصل ہوا۔

کریڈٹ: انڈیپنڈنٹ نیوز پاکستان-آئی این پی

لوٹے کیمیکل پاکستان لمیٹڈ نے رواں کیلنڈر سال 2023 کی پہلی ششماہی میں آمدنی میں 22.9 فیصد، مجموعی طور پر 35.65 فیصد اور خالص منافع میں 47.2 فیصد کی نمایاں کمی درج کی ہے۔ ویلتھ پاک کی رپورٹ کے مطابق کمپنی کی خالص فروخت 38.5 بلین روپے تک پہنچ گئی جو 49.9 بلین روپے تھی۔ اس کی وجہ یہ تھی کہ کمپنی کو خام مال کی کمی کی وجہ سے اپنا کام جزوی طور پر روکنا پڑا جس کی وجہ سے گھریلو فروخت میں خاطر خواہ کمی واقع ہوئی۔ نتیجے کے طور پر، مجموعی منافع 6.4 بلین روپے تک گر گیا جو پچھلے سال کے 10 بلین روپے تھا۔ آمدنی میں اس کمی کی وجہ سے مجموعی منافع کا مارجن کم ہو گیا ۔ لوٹے کیمیکل 30 مئی 1998 کو پاکستان میں رجسٹر ہوئی۔ کمپنی کا خالص منافع 47.2فیصدگھٹ کر 2.8 بلین روپے ہو گیا جو کہ 5.4 بلین روپے تھا، کیونکہ ٹیکس کی شرحوں میں اضافہ، سخت مالیاتی پابندیاں، اور جاری معاشی مشکلات بشمول بلند افراط زر اور کرنسی کی قدر میں کمی ہوئی۔ نتیجتا، خالص منافع کا تناسب گھٹ کر 7.40فیصد ہو گیا جو 10.81فیصد تھا۔ اسی طرح، فی شیئر آمدنی 1.88 روپے تک گر گئی ۔موجودہ تناسب اس کی موجودہ ذمہ داریوں کو پورا کرنے کے لیے کمپنی کی لیکویڈیٹی پوزیشن کی پیمائش کرتا ہے۔ لوٹے کیمیکل 2018 سے 2022 کے عرصے میں مستحکم رہا، کیونکہ اس کا موجودہ تناسب 1.2 سے اوپر رہا۔ کمپنی نے 2020 میں 2.34 کا سب سے زیادہ موجودہ تناسب اور 2018 میں سب سے کم 1.80 کا مشاہدہ کیا۔ 2022 میں یہ 1.85 رہا۔مجموعی منافع 2018 سے 2019 تک مستحکم رہا، جس کا تناسب بالترتیب 12.86فیصد اور 13.26فیصد تھا۔ 2020 میں، مجموعی منافع کا تناسب 67.80فیصدکی بلند ترین سطح پر پہنچ گیا، جو منافع میں بہتری اور لاگت میں کمی کی نشاندہی کرتا ہے۔ تاہم، اگلے سال 2021 میں یہ تیزی سے گر کر 11.29فیصد ہو گیا، لیکن 2022 میں بڑھ کر 17.78فیصد ہو گیا۔لوٹے کیمیکل کے خالص منافع کے تناسب نے 2018 سے 2022 تک اتار چڑھا کا رجحان ظاہر کیا۔ 2018 اور 2019 میں، یہ تناسب بالترتیب 7.72فیصد اور 8.85فیصد رہا۔ تاہم، 2020 میںوباء کی وجہ سے لاک ڈاون کے نتیجے میں یہ کم ہو کر 5.45 فیصد رہ گیا۔ 2021 میں، خالص منافع کا تناسب 6.91فیصدتک بڑھ گیا، اور 2022 میں 10.09فیصد کی بلند ترین سطح پر پہنچ گیا۔ یہ اضافہ فروخت میں بہتری اور لاگت میں کمی کی نشاندہی کرتا ہے۔

کریڈٹ: انڈیپنڈنٹ نیوز پاکستان-آئی این پی

معاشی سست روی کی وجہ سے 30 جون 2023 کو ختم ہونے والے مالی سال میں سندھ کے مینوفیکچرنگ سیکٹر میں روزگار میں 2.8 فیصد کی کمی واقع ہوئی۔ پاکستان کی معیشت گزشتہ مالی سال کے دوران ہنگامہ خیز دور سے گزری ۔سندھ کو اقتصادی سرگرمیوں میں سست روی، ڈالر کی کمی کے ساتھ ساتھ یوٹیلیٹی کی بلند قیمت اور خام مال کی کمی کی وجہ سے بھی نقصان ہوا۔ سندھ بیورو آف سٹیٹسٹکس کے تازہ ترین اعدادوشمار کے مطابق"مالی سال 23 کے اختتام پر مینوفیکچرنگ سیکٹر میں روزگار میں 2.8 فیصد کی کمی واقع ہوئی۔مینوفیکچرنگ سیکٹر میں روزگار میں کمی قومی اور بین الاقوامی تنظیموں کے مطالعے سے بھی ظاہر ہوتی ہے، جس میں نشاندہی کی گئی ہے کہ پاکستان کی کووِڈ 19 وبائی بیماری اور سیلاب کی تباہ کاریوں سے بحالی نامکمل رہی، ایک اندازے کے مطابق موجودہ وقت میں 5.6 ملین افراد کے بے روزگار ہونے کی توقع ہے۔ مالی سال 23 میں پاکستان کا روزگار اور آبادی کا تناسب 47.6 فیصد تھا جو دہائیوں میں سب سے کم ہے۔ بین الاقوامی لیبر آرگنائزیشن کے مطابق بیک وقت بے روزگار افراد کی تعداد 5.6 ملین تک پہنچنے کا امکان ہے جو 2021 کے بعد سے 1.5 ملین کا اضافہ ہے۔ ایس بی ایس کے مطابق سندھ میں مینوفیکچرنگ سیکٹر کی پیداوار میں کوئی خاطر خواہ ترقی نہیں ہوئی اور اگر کچھ صنعتوں نے کچھ پیش رفت دکھائی تو وہ نہ ہونے کے برابر تھی جس کی وجہ سے نوکریوں کی چھانٹی ہوئی اور ساتھ ہی اس شعبے میں کوئی نئی ملازمت پیدا نہیں ہوئی۔ ورلڈ بینک کے مطابق پاکستان میں غربت کی شرح گزشتہ مالی سال کے مقابلے میں 39.4 فیصد تک بڑھ گئی جب کہ خراب معاشی حالات کی وجہ سے مزید 12.5 ملین لوگ جال میں پھنس گئے۔

عالمی قرض دہندہ نے کہا کہ تقریبا 95 ملین پاکستانی اس وقت غربت کی زندگی گزار رہے ہیں۔ سندھ کے مینوفیکچرنگ سیکٹر میں سکڑا ونے صوبے میں مزید آبادی کو غربت کی لکیر سے نیچے دھکیل دیا ہے۔ تاریخی طور پرملک کے جی ڈی پی میں سندھ کا حصہ 30 فیصد سے 32.7 فیصد کے درمیان رہا ہے۔ خدمات کے شعبے میں اس کا حصہ 21فیصد سے 27.8فیصد تک ہے۔ صوبے کے زرعی شعبے کا حصہ 21.4فیصد اور 27.7فیصد کے درمیان رہا ہے۔ سندھ کی معیشت کا بڑا حصہ صوبے کے دارالحکومت کراچی اور ملک کے سب سے بڑے شہر اور اقتصادی دارالحکومت کی معیشت سے متاثر ہے۔ ایک مضبوط مینوفیکچرنگ سیکٹر ملکی پیداوار، برآمدات اور ملازمتوں میں اضافہ کر کے اقتصادی ترقی کو متحرک کرتا ہے۔ پاکستان میں، جی ڈی پی میں 12.4 فیصد کی شراکت کے ساتھ، مینوفیکچرنگ سیکٹر معیشت کے دیگر تمام شعبوں پر حاوی ہے۔ یہ شعبہ ملک کی 14.9فیصد افرادی قوت کو ملازمت دیتا ہے۔ مینوفیکچرنگ سیکٹر کو روایتی طور پر دو ذیلی شعبوں میں تقسیم کیا جا سکتا ہے جن میںبڑے پیمانے پر مینوفیکچرنگ اور چھوٹی اور گھریلو مینوفیکچرنگ صنعتیںشامل ہیں۔ ملک نے گزشتہ مالی سال کے مقابلے مالی سال 2022-23 کے دوران ایل ایس ایم پیداوار میں 10.26فیصدکی کمی کی اطلاع دی۔ یہ ملک کے صنعتی شعبے کے لیے ایک اہم دھچکا ہے۔ عارضی کوانٹم انڈیکس نمبرز کے مطابق، ایل ایس ایم کی پیداوار میں جون 2023 کے لیے 14.96 فیصد کی واضح کمی واقع ہوئی جب کہ 2022 کی اسی مدت کے مقابلے میں۔ ایل ایس ایم کی پیداوار میں کمی بلاشبہ ایک چیلنج ہے۔ پاکستان کی معیشت کے لیے یہ مندی ملک کے صنعتی شعبے کی بحالی اور مضبوطی کے لیے پائیدار سرمایہ کاری اور تعاون کی اہم ضرورت پر زور دیتی ہے۔

کریڈٹ: انڈیپنڈنٹ نیوز پاکستان-آئی این پی

پاکستان میں ٹیلی کام سیکٹر کی ترقی دیہی ترقی، بہتر مارکیٹ تک رسائی، فارم سے باہر روزگار کے مواقع اور دیہی آبادی کی مالیاتی خدمات تک بہتر رسائی کے وعدے کی حامل ہے۔ سینٹر فار اکنامک ریسرچ ان پاکستان کے چیف ایگزیکٹیو آفیسر معروف علی سید نے ویلتھ پاک سے بات کرتے ہوئے کہا کہ دنیا کے ایک دوسرے سے جڑنے کے ساتھ، دیہی علاقے بہتر رابطے سے فائدہ اٹھانے کے لیے تیزی سے پوزیشن میں آ رہے ہیں۔پاکستان، جہاں 62.27فیصد لوگ دیہی علاقوں میں رہتے ہیں، موبائل فون صارفین کی بڑھتی ہوئی تعداد اور ہائی اسپیڈ براڈ بینڈ ڈیٹا صارفین سے مستفید ہو رہا ہے۔پاکستان اکنامک سروے کے مطابق، مالی سال 2022 میں موبائل ڈیٹا کا استعمال 8,970 پیٹا بائٹس تھا، جو پچھلے سال کے مقابلے میں 31 فیصد اضافے کی نشاندہی کرتا ہے۔ جولائی تا دسمبر 2022 کے دورانیے کے اعداد و شمار کی بنیاد پر، یہ اندازہ لگایا گیا ہے کہ مالی سال2023-24 کے دوران استعمال 10,633 پیٹا بائٹس تک پہنچ جائے گا۔انہوں نے دیہی اضلاع میں آف فارم لیبر کے مواقع کے لیے ٹیلی کام سیکٹر کی اہمیت کی وضاحت کی۔ٹیلی کام سیکٹر دونوں جنسوں کے لیے روزگار کے وسیع مواقع فراہم کرتا ہے۔انہوں نے مزید کہا کہ ٹیلی کام سیکٹر ہاتھ سے بنی اشیا، نامیاتی کھانے کی اشیا جو طویل عرصے تک چلتی ہیں، اور کئی قسم کی خدمات، خاص طور پر آن لائن تعلیم کی فروخت میں مدد کر رہا ہے۔معروف علی نے کہا کہ ٹیلی کام سیکٹر کی بدولت گیگ اکانومی اور فری لانسنگ کے مواقع بڑھے ہیں۔ گرافک ڈیزائن، مواد لکھنے، یا ڈیجیٹل مارکیٹنگ میں تعلیم اور مہارت رکھنے والے نوجوان اپ ورک اور فائیور جیسی سائٹوں کے ذریعے آن لائن ملازمتیں حاصل کر سکتے ہیں، چاہے وہ دور دراز علاقوں میں ہی کیوں نہ ہوں۔چیف ایگزیکٹو آفیسر نے صنفی شمولیت کو فروغ دینے کے حکومتی اقدام کی تعریف کی جس کا مقصد ٹیلی کام سیکٹر کے فوائد کو ایک جامع انداز میں بڑھانا ہے۔دیہی ترقی میں صنفی شراکت کو بڑھانے کے لیے، پی ٹی اے نے یونیسکو، جی ایس ایم اے، اور الائنس فار افورڈ ایبل انٹرنیٹ کے ساتھ شراکت میں "آئی سی ٹی میں صنفی شمولیت" پروگرام شروع کیا ہے جس کا مقصد ملک میں ڈیجیٹل صنفی فرق کو کم کرنا ہے۔امید ہے کہ ٹیلی کام سیکٹر کی مسلسل توسیع سے مستقبل میں پاکستان کی دیہی ترقی کے مثبت نتائج برآمد ہوں گے۔

کریڈٹ: انڈیپنڈنٹ نیوز پاکستان-آئی این پی

پاکستان میں سوزوکی موٹرز نیکلٹس کا 2023 کا نیا ماڈل متعارف کرا دیا ہے۔کلٹس کے نئے ماڈل میں ڈبل ایس آر ایس ایئربیگز موجود ہیں،یہ ائیر بیگز ڈرائیور اور مسافروں دونوں کی حفاظت کو یقینی بناتے ہیں۔ نئے ماڈل کا بہتر مائلیج سفرکو موثر اور کم لاگت رکھتا ہے، سوزوکی کلٹس 2023 تین الگ الگ ویرینٹس میں کلٹس کے شوقین افراد کے لئے دستیاب ہے۔ سوزوکی کلٹس وی ایکس آر کی قیمت 37 لاکھ 18 ہزار روپے رکھی گئی ہے جبکہ وی ایکس ایل کی خوبصورت رنگ، آرام دہ اور جدید فیچرز کے ساتھ 40 لاکھ 84 ہزار روپے قیمت رکھی گئی ہے۔ سوزوکی کلٹس آٹو گیئر شفٹ 43 لاکھ 66 ہزار روپے میں دستیاب ہے یہ ماڈل آٹومیٹک ٹرانسمیشن کے مجموعے کے ساتھ کلٹس کا نیا شاہکار ہے۔

کریڈٹ: انڈیپنڈنٹ نیوز پاکستان-آئی این پی

ڈسکہ کے علاقے منڈیکی میں دوران نماز مسجدمیں نمازیوں پر فائرنگ سے دوافراد جاں بحق جبکہ ایک زخمی ہوگیا۔ ڈسکہ پولیس کا کہنا ہے کہ منڈیکی میں مسجدمیں مسلح افراد نے گھس کرنمازیوں پرفائرنگ کردی۔فائرنگ سے 2 افراد موقع پر ہی جاں بحق ہوگئے۔ پولیس کا کہنا ہے کہ نمازفجر کیدوران نامعلوم موٹرسائیکل سوار3افرادنیفائرنگ کی، جاں بحق کی شناخت شاہداورہاشم کے نام سے ہوئی۔ ڈی پی اوسمیت ڈسکہ پولیس کی بھاری نفری موقع پرپہنچ گئی۔ملزمان کی گرفتار کیلئے ناکہ بندی کردی گئی۔

کریڈٹ: انڈیپنڈنٹ نیوز پاکستان-آئی این پی

پاکستان پیپلز پارٹی کی رہنما سینیٹر شیری رحمان نے کہا ہے کہ سردیوں سے پہلے ہی لاہور کا شدید آلودگی کی لپیٹ میں آنا باعث تشویش ہے۔ لاہور میں سموگ اور ایئر کوالٹی کے حوالے سے بیان میں شیری رحمان نے کہا ہے کہ اکتوبر کے پہلے ہفتے میں ہی ایئرکوالٹی انڈیکس کی شرح 200 سے تجاوز کر گئی، یہ خطرناک اور مضر صحت حد ہے جس میں ہر شہری اور خاص طور پر حساس طبقات (بیمار، بچے، بوڑھے ) زیادہ متاثر ہو سکتے ہیں۔ انہوں نے کہا ہے کہ بارش کے باعث ایئر کوالٹی انڈیکس میں بہتری مستقل نہیں، مجھے ڈر ہے چند دنوں میں آلودگی اور سموگ میں ایک بار پھر اضافہ ہو گا، ایک دن شہر بند رکھنے سے بھی اس مسئلے کا تدارک ممکن نہیں ہے۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ راولپنڈی بینچ کے جسٹس مرزا وقاص رف نے لال حویلی ملکیتی تنازع کیس پر سماعت کی جس سلسلے میں شیخ رشید اور ان کے بھائی شیخ صدیق کی جانب سے ایڈووکیٹ سردارعبد الرازق عدالت میں پیش ہوئے جب کہ متروکہ وقف املاک کے ڈپٹی ایڈمنسٹریٹر آصف خان اور ایڈیشنل ایڈووکیٹ جنرل صدیق اعوان پیش ہوئے۔ شیخ رشید اور ان کے بھائی شیخ صدیق کے وکیل نے چیئرمین متروکہ وقف املاک بورڈکے فیصلے پر اعتراض اٹھاتے ہوئے کہا کہ بورڈ میں سیکرٹری اور ڈی جی سمیت تمام عہدے چیئرمین کے پاس ہیں، ہماری دائر کردہ اپیل پر ہمیں نہیں سنا گیا اختیار ایک ہی شخص کے پاس ہے۔ عدالت نے ایڈیشنل ایڈووکیٹ جنرل کو متروکہ وقف املاک کے چیئرمین کے اختیارات سے متعلق تفصیلات کیلئےآدھے گھنٹے کا وقت دیا اور سماعت میں وقفہ کردیا۔وقفے کے بعد سماعت کے آغاز پر عدالت نے لال حویلی ڈی سیل کرنے کی استدعا خارج کردی تاہم لال حویلی کیس کی پٹیشن باقاعدہ سماعت کے لیے منظورکرلی۔عدالت نے کہا کہ پٹیشن کے فیصلے تک لال حویلی کی موجودہ پوزیشن برقرار رہے گی، آئندہ 19 اکتوبر کو مفصل سنا جائے گا اور کسی کو التوا نہیں ملیگا۔

کریڈٹ: انڈیپنڈنٹ نیوز پاکستان-آئی این پی

چین ، وسطی صوبے ہینان کے شہر جی یوآن میں دریائے زرد پر شیاؤ لانگ دی تحفظ آب منصوبے کے اوپر  کے حصے میں واقع ایک وادی کا دلکش  نظارہ ۔ (شِنہوا)

توہین الیکشن کمیشن کیس می کے پروڈکشن آرڈر جاری کرنے کا مطالبہ کر دیا، شعیب شاہین نے کہا کہ سیکورٹی کے بہانے باقی عدالتوں میں چیئرمین پی ٹی آئی عمران خان کو پیش نہیں کیا جارہا۔ ممبر سندھ نثار درانی نے کہا کہ چیئرمین پی ٹی آئی تو پہلے یہاں پر آتے نہیں تھے اب پروڈکشن آرڈر کا کہہ رہے ہیں، چیئرمین پی ٹی آئی کون سی جیل میں ہیں،ہم سیکیورٹی کیلئے آئی جی کو لکھ دیتے ہیں۔ کمیشن کے رکن نثار درانی نے کہا کہ شوکاز نوٹس کا جواب آپ جمع کرائیں ہم پروڈکشن آرڈر جاری کردیتے ہیں،بعد ازاں الیکشن کمیشن نے فرد جرم کیلئے 24 اکتوبر کی نئی تاریخ دے دی۔

کریڈٹ: انڈیپنڈنٹ نیوز پاکستان-آئی این پی

چین، مشرقی صوبے ژے جیانگ میں چینی وزیراعظم ، کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن لی چھیانگ سیمی کنڈکٹر آلات فراہم کرنے والی کمپنی سیمیٹرونکس کارپوریشن کا دورہ کر رہے ہیں۔ (شِںہوا)

افغانستان کے مغربی صوبے ہرات کے ضلع زندہ جان میں تباہ کن زلزلے میں جاں بحق افراد کی اجتماعی تدفین کی جارہی ہے۔ (شِںہوا)

امریکہ ، نیویارک کے لنکن سینٹر میں موسیقار جاز میں فن کا مظاہرہ کر رہی ہیں۔ (شِںہوا)

امریکہ ، نیویارک کے لنکن سینٹر میں موسیقار جاز میں فن کا مظاہرہ کر رہی ہیں۔ (شِںہوا)

افغانستان کے مغربی صوبے ہرات کے ضلع زندہ جان میں تباہ کن زلزلے کے بعد مکانات کے ملبے سے نکالی گئی اشیاء دیکھی جاسکتی ہیں۔ (شِںہوا)