بیجنگ (شِنہوا) چین کی ریاستی کونسل کے دفتر اطلاعات کے جاری کردہ وائٹ پیپر میں کہا گیا ہے کہ بیلٹ اینڈ روڈ انیشی ایٹو (بی آر آئی) اقتصادی عالمگریت میں مزید اضافہ کررہا ہے۔

'دی بیلٹ اینڈ روڈ انیشی ایٹو: مشترکہ مستقبل کی عالمی برادری کا ایک اہم ستون' کے عنوان سے جا ری کر دہ وائٹ پیپر کے مطابق عالمگیریت کی بڑھتی لہر کے خلاف بیلٹ اینڈ روڈ عالمی رابطوں اور باہم مربوط ترقی بارے پرعزم ہے۔

وائٹ پیپر  کے مطا بق  اقتصادی عالمگیریت کو وسعت دیتے ہوئے اس کے فوائد کو منصفانہ طور پر تقسیم کرنا ہے، بیلٹ اینڈ روڈ  انیشی ایٹو کا مقصد ایسی عالمی ترقی کا فروغ ہے جو متوازن، مربوط، جامع اور سب سے اشتراک ہو، یہ تعاون سب کے لئے مفید ہو اور مشترکہ خوشحالی آئے۔

وائٹ پیپر کے مطابق بیلٹ اینڈ روڈ نے ایک جانب متحرک مشرقی ایشیا کے اقتصادی دائرے، دوسر ی طرف ترقی یافتہ یورپی اقتصادی دائرے اور دیگر ممالک کو معاشی ترقی کے وسیع امکانات کے ساتھ منسلک کرکے افریقی اور لاطینی امریکی ممالک کے ساتھ قریبی اقتصادی تعاون کو فروغ دیا ہے۔

وائٹ پیپر کے مطابق عالمی تجارت کے فروغ کی کوششیں کی گئی ہیں۔ بیلٹ اینڈ روڈ  انیشی ایٹونے داخلی، بین الاقوامی و بین العلاقائی نقل و حمل ، تجارت اور سرمایہ کاری تعاون میں رکاوٹیں ختم کیں اور سرحد پار ترسیل اور بیرونی تجارت کو آسان اور سہل بناکر مقامی اور بین الاقوامی تعاون کی صلاحیت میں اضافہ کیا ۔

وائٹ پیپر میں کہا گیا ہے کہ بی آر آئی نے شریک ممالک کو معیاری عالمی سرمائے کے لئے زیادہ پرکشش بنا دیا ہے۔ جنوب مشرقی ایشیا، وسط ایشیا اور دیگر خطوں میں براہ راست سرحد پار سرمایہ کاری میں مسلسل اضافہ ہوا ہے۔ 2022 میں جنوب مشرقی ایشیا میں سرحد پار براہ راست سرمایہ کاری کی آمد عالمی سرمایہ کاری کا 17.2 فیصد تھی جو 2013کے مقابلے میں 9 فیصد پوائنٹس زائد ہے۔

بیجنگ (شِنہوا) چین کی ریاستی کونسل کے دفتر اطلاعات کے جاری کردہ وائٹ پیپر میں کہا گیا ہے کہ بیلٹ اینڈ روڈ انیشی ایٹو (بی آر آئی) اقتصادی عالمگریت میں مزید اضافہ کررہا ہے۔

'دی بیلٹ اینڈ روڈ انیشی ایٹو: مشترکہ مستقبل کی عالمی برادری کا ایک اہم ستون' کے عنوان سے جا ری کر دہ وائٹ پیپر کے مطابق عالمگیریت کی بڑھتی لہر کے خلاف بیلٹ اینڈ روڈ عالمی رابطوں اور باہم مربوط ترقی بارے پرعزم ہے۔

وائٹ پیپر  کے مطا بق  اقتصادی عالمگیریت کو وسعت دیتے ہوئے اس کے فوائد کو منصفانہ طور پر تقسیم کرنا ہے، بیلٹ اینڈ روڈ  انیشی ایٹو کا مقصد ایسی عالمی ترقی کا فروغ ہے جو متوازن، مربوط، جامع اور سب سے اشتراک ہو، یہ تعاون سب کے لئے مفید ہو اور مشترکہ خوشحالی آئے۔

وائٹ پیپر کے مطابق بیلٹ اینڈ روڈ نے ایک جانب متحرک مشرقی ایشیا کے اقتصادی دائرے، دوسر ی طرف ترقی یافتہ یورپی اقتصادی دائرے اور دیگر ممالک کو معاشی ترقی کے وسیع امکانات کے ساتھ منسلک کرکے افریقی اور لاطینی امریکی ممالک کے ساتھ قریبی اقتصادی تعاون کو فروغ دیا ہے۔

وائٹ پیپر کے مطابق عالمی تجارت کے فروغ کی کوششیں کی گئی ہیں۔ بیلٹ اینڈ روڈ  انیشی ایٹونے داخلی، بین الاقوامی و بین العلاقائی نقل و حمل ، تجارت اور سرمایہ کاری تعاون میں رکاوٹیں ختم کیں اور سرحد پار ترسیل اور بیرونی تجارت کو آسان اور سہل بناکر مقامی اور بین الاقوامی تعاون کی صلاحیت میں اضافہ کیا ۔

وائٹ پیپر میں کہا گیا ہے کہ بی آر آئی نے شریک ممالک کو معیاری عالمی سرمائے کے لئے زیادہ پرکشش بنا دیا ہے۔ جنوب مشرقی ایشیا، وسط ایشیا اور دیگر خطوں میں براہ راست سرحد پار سرمایہ کاری میں مسلسل اضافہ ہوا ہے۔ 2022 میں جنوب مشرقی ایشیا میں سرحد پار براہ راست سرمایہ کاری کی آمد عالمی سرمایہ کاری کا 17.2 فیصد تھی جو 2013کے مقابلے میں 9 فیصد پوائنٹس زائد ہے۔

لودھراں پولیس نے طالبات اور معلمات کے ساتھ مبینہ زیادتی میں ملوث اسکول پرنسپل کو گرفتار کرلیا۔ تفصیلات کے مطابق پولیس نے لودھراں کے علاقے قریشی والا میں 5 اکتوبر کو مبینہ زیادتی کی ویڈیوز وائرل ہونے کے بعد مقدمہ درج کیا تھا، مقدمہ درج ہونے کے 4 روز بعد ملزم کو گرفتار کرلیا گیا۔ پولیس کے مطابق ملزم کی معلمات سے مبینہ زیادتی کی ویڈیوزوائرل ہوئی تھیں، ملزم کے موبائل فون ڈیٹا سے مزید تحقیقات جاری ہیں جبکہ ملزم کے 2 ساتھیوں کی گرفتاری کیلیے بھی کارروائی جاری ہے۔

کریڈٹ: انڈیپنڈنٹ نیوز پاکستان-آئی این پی

کراچی سے نجی ائیر لائن کی جدہ کے لیے پرواز کے ٹیک آف کرتے ہی طیارے میں فنی خرابی پیدا ہوگئی اور فیول برننگ کیلئے طیارہ کراچی کی فضا میں دو گھنٹے تک چکر کاٹتا رہا۔ نجی ائیر لائن کے ذرائع کے مطابق پرواز پی اے 170 نے رات 2 بج کر 28 منٹ پر کراچی سے جدہ کیلئے ٹیک آف کیا جس کے فوری بعد طیارے کے آٹو پائلٹ سسٹم میں خرابی پیدا ہوئی۔ ذرائع نے بتایا کہ ائیر ٹریفک کنٹرولر کی ہدایت ملنے پر طیارے کو واپس کراچی ائیرپورٹ کی طرف موڑ لیا گیا تاہم فیول ضائع کرنے کیلئے طیارہ سوا 2 گھنٹے کراچی کی فضا میں چکر کاٹتا رہا۔ بعد ازاں صبح چار بجکر 34 منٹ پر ائیر بس ایک 320 طیارے نے جناح انٹرنیشنل ائیرپورٹ پر ٹیکنیکل لینڈنگ کی۔ ائیر لائن ذرائع کے مطابق طیارے میں 167 مسافر سوار تھے، مسافروں کو طیارے سے آف لوڈ کرکے لاونج منتقل کر دیا گیا۔ طیارے کے مسافر 6 گھنٹے سے کراچی ائیرپورٹ پر موجود ہیں۔

کریڈٹ: انڈیپنڈنٹ نیوز پاکستان-آئی این پی

پاکستان سول ایوی ایشن اتھارٹی (پی سی اے اے) اور کوئٹہ الیکٹرک سپلائی کمپنی(کیسکو)کے درمیان نیو گوادر انٹرنیشنل ایئرپورٹ(این جی آئی اے)کو قومی گرڈ کے ذریعے بجلی کی فراہمی کے لیے مفاہمت کی یادداشت پر دستخط ہوگئے ۔گوادر پرو کے مطابق ایم او یو کے تحت نیو گوادر انٹرنیشنل ایئرپورٹ کو 17 اکتوبر تک تقریبا 12 میگاواٹ بجلی فراہم کی جائے گی جس سے 24 گھنٹے بجلی کی ضروریات بغیر کسی تعطل کے پوری ہوں گی۔ ایم او یو میں کہا گیا ہے کہ کمرشل ٹیرف بجلی کے استعمال کی بنیاد پر وصول کیے جائیں گے۔ گوادر پرو کے مطابق وزارت منصوبہ بندی کی خصوصی ہدایت پر بلوچستان بھر میں بجلی کی فراہمی سنبھالنے والی کوئٹہ الیکٹرک سپلائی کمپنی نے این جی آئی اے کو بجلی فراہم کرنے کے لیے 12 میگاواٹ بجلی فراہم کرنے کی منظوری دے دی ہے۔ کیسکو کے ایک عہدیدار نے گوادر پرو کو بتایا کہ ٹیسٹنگ اور کمیشننگ کا کام مکمل کر لیا گیا ہے، تمام ضروری آلات جیسے کھمبے، ٹرانسمیشن لائنیں اور برقی سرکٹ نصب شدہ پاور سسٹم سے منسلک ہیں۔ بجلی کی بلاتعطل فراہمی کو یقینی بنانے کے لیے تین ٹرانسمیشن لائنوں کے ذریعے این جی آئی اے کو 24 گھنٹے 12 میگاواٹ بجلی دستیاب ہوگی۔ انہوں نے مزید کہا کہ اس کا مطلب یہ ہے کہ اگر ایک لائن ناکام ہوجاتی ہے تو دوسری خود بخود جڑ جائے گی اور اگر یہ نیچے چلی جاتی ہے تو تیسری بیک اپ کے طور پر کام کرے گی۔ گوادر پرو کے مطابق ایک سپلائی 286 کلومیٹر طویل، 132 کے وی ڈوئل سرکٹ لائن سے نال-بسیما-ناگ-پنجگور کے ذریعے آ رہی ہے۔ دوسرا راستہ منڈ-پشین-تربت لائن سے گوادر گرڈ اسٹیشن تک ہے۔ تیسرا گبد-ریمڈن لائن سے جیونی-گوادر گرڈ اسٹیشن تک ہے۔ بجلی کی فراہمی کا عمل مکمل ہونے کے بعد توقع ہے کہ این جی آئی اے مقامی اور بین الاقوامی پروازوں کا خیرمقدم کرنا شروع کردے گا جس سے گوادر کو دنیا سے ملانے والی جدید ہوا بازی کے ایک نئے دور کا آغاز ہوگا۔ چین کی مالی اعانت سے چلنے والے این جی آئی اے کے اہم ایئر بیس اجزا بشمول رن وے، ٹیکسی وے اور ایپرن کی رونمائی 27 جولائی کو ہی کی جاچکی ہے، جو بیلٹ اینڈ روڈ انیشی ایٹو کے 10 سالہ جشن کے موقع پر منعقد کی گئی تھی۔ گوادر پرو کے مطابق نیا ہوائی اڈا بحیرہ عرب کے ساحل پر گوادر شہر سے 26 کلومیٹر شمال مشرق میں واقع ہے۔ این جی آئی اے منصوبے کا آغاز 2014 میں سی پیک کے تحت ایک اعلی ترجیحی منصوبے کے طور پر ہوا تھا۔ جنوری 2015 میں قومی اقتصادی کونسل کی ایگزیکٹو کمیٹی نے اس کی منظوری دی تھی۔

کریڈٹ: انڈیپنڈنٹ نیوز پاکستان-آئی این پی

فواد چودھری اور اسد عمر کے خلاف توہین الیکشن کمیشن کیس کی سماعت ایک بار پھر ملتوی کردی گئی۔ تفصیلات کے مطابق فواد چودھری اور اسد عمر کے خلاف توہین الیکشن کمیشن کیس کی سماعت ہوئی جس میں فواد چودھری کے وکیل الیکشن کمیشن میں پیش ہوئے اور موقف اپنایا کہ فواد چودھری بیمار ہیں اس لیے نہیں آئے۔ ممبر الیکشن کمیشن اکرام اللہ نے کہا کہ آپ نے رویہ اپنا لیا ہے کہ یہاں پیش نہیں ہوتے، ممبر نثار درانی نے کہا کہ اس پر ہم مناسب آرڈر جاری کریں گے۔ اسد عمر الیکشن کمیشن میں پیش ہوئے تو ممبر نثار درانی نے کہا آپ کے وکیل انور منصور تو یہاں پر پیش نہیں ہوتے، جس پر اسد عمر نے جواب دیا کہ آج یہاں خود پیش ہوا ہوں، سماعت 24 اکتوبر تک ملتوی کردیں، تب تک فواد چودھری کی طبیعت بھی بہتر ہوجائے گی۔ ممبر نثار درانی نے اسد عمر کی استدعا پر جواب دیا کہ 24 اکتوبر تک فواد چودھری کی طبیعت ٹھیک ہو جائے گی اور اس بہانے آپ کی ان سے ملاقات بھی ہوجائے گی۔ بعدازاں اسد عمر اور فواد چودھری کیخلاف توہین الیکشن کمیشن کیس کی سماعت 24 اکتوبر تک ملتوی کر دی گئی۔

کریڈٹ: انڈیپنڈنٹ نیوز پاکستان-آئی این پی

کینیڈا کے شہر ٹورنٹو سے پاکستان آنے والے مسافروں کے لیے پی آئی اے نے ٹکٹ پر 15 فیصد رعایت کا اعلان کر دیا۔ ترجمان پی آئی اے کے مطابق 3 تا 15 اکتوبر کے درمیان ٹورنٹو سے پاکستان کے لیے ٹکٹس بک کرانے پر 15 فیصد رعایت ملے گی۔ ترجمان نے واضح کیا کہ 15 فیصد رعایت پر حاصل کردہ ٹکٹ پر یکم جنوری تا 31 مارچ کے دوران سفر کرنا ہوگا۔

کریڈٹ: انڈیپنڈنٹ نیوز پاکستان-آئی این پی

غیر قانونی کرنسی ایکسچینج پر چھاپا مار کارروائی میں لاکھوں روپے اور دستاویزات برآمد کرکے ملزمان کو گرفتار کرلیا گیا۔ ترجمان کے مطابق ایف آئی اے کمرشل بینکنگ سرکل پشاور نے ڈپٹی ڈائریکٹر رضوان شاہ کی ہدایت پر ایک بڑی کارروائی کی، جس میں کرنسی کی غیر قانونی ایکسچینج میں ملوث 2 ملزمان کو گرفتار کرلیا گیا۔ ملزمان حضرت بلال اور وقاص بغیر لائسنس کے منی چینجر کا کاروبار کررہے تھے۔ پشاور صدر سے گرفتار کیے گئے ملزمان سے 20 لاکھ 40 ہزار پاکستانی روپے اور حوالہ ہنڈی سے متعلق رسیدیں و شواہد برآمد ہوئے جب کہ ملزمان برآمد ہونے والی کرنسی کے حوالے سے حکام کو مطمئن نہیں کر سکے۔ ایف آئی اے نے ملزمان کے خلاف مقدمات درج کرکے مزید تفتیش شروع کردی ہے۔

کریڈٹ: انڈیپنڈنٹ نیوز پاکستان-آئی این پی

وزارت سیفران نے رجسٹرڈ افغان مہاجرین کے خلاف ایکشن نہ لینے کا نوٹیفکیشن جاری کر دیا۔ وزارت سیفران نے نوٹیفکیشن چاروں صوبوں سمیت تمام متعلقہ اداروں کو ارسال کرتے ہوئے کہا کہ ایسے افغان شہری جن کے پاس دستاویز ہوں ان کے خلاف کارروائی نہ کی جائے۔ نوٹیفکیشن کے مطابق پی او آر یا اے سی سی کارڈز کے حامل افغان مہاجرین پاکستان میں رہ سکتے ہیں، قانونی دستاویزات رکھنے والے افغان مہاجرین کو تحفظ حاصل ہو گا۔ نوٹیفکیشن میں کہا گیا ہے کہ وفاقی کابینہ کے آئندہ فیصلے تک رجسٹرڈ افغان مہاجرین عارضی طور پر قیام کر سکتے ہیں۔ نوٹیفکیشن میں متعلقہ اداروں کو ہدایت کی گئی ہے کہ رجسٹرڈ افغان مہاجرین کو گرفتار نہ کیا جائے۔

کریڈٹ: انڈیپنڈنٹ نیوز پاکستان-آئی این پی

دودھ کی قیمتوں میں کمی کے خلاف ڈیری فارمرز نے سندھ ہائیکورٹ سے رجوع کر لیا۔ ڈیری فارمز کی جانب سے دودھ کی قیمت 180 روپے فی کلو مقرر کرنے کے اقدام کو سندھ ہائی کورٹ میں چیلنج کر دیا گیا۔ ڈیری فارمرز کے وکیل منصف جان نے درخواست گزاروں کی جانب سے کہا کہ کمشنر کراچی نے بغیر مشاورت دودھ 180 روپے فی کلو فروخت کرنے کا نوٹیفکیشن جاری کیا، یہ نوٹیفکیشن غیرقانونی ہے اس کو کالعدم قرار دیا جائے۔ منصف جان نے درخواست میں مزید کہا کہ کراچی کے چاروں ڈی سی اور سرکاری ڈپارٹمنٹ نے دودھ کی قیمت 196 سے 200 روپے فی کلو مقرر کی، کمشنر کراچی نے بغیر مشاروت کے 180 کا نوٹیفکیشن جاری کیا، ہمیں باڑھوں سے دودھ 200 کا مل رہا ہے، 180 کا کیسے فروخت کرسکتے ہیں؟ درخواست میں کہا گیا ہے کہ تمام ڈیری فارمرز نے کمشنر کراچی کو ایک کلو دودھ کا ریٹ 229 روپے مقرر کرنے کا کہا تھا، کمشنر کراچی نے اپنی من مانی کر کے نوٹیفکیشن جاری کر دیا، کم قیمت پر دودھ کی کوالٹی بھی متاثر ہو گی۔ بعدازاں عدالت نے سندھ حکومت، کمشنر کراچی اور دیگر کو 2 نومبر کیلئے نوٹس جاری کرتے ہوئے ریکارڈ طلب کر لیا۔

کریڈٹ: انڈیپنڈنٹ نیوز پاکستان-آئی این پی

سندھ کے سرحدی ضلع شکارپور میں کچے کے ڈاکوں نے ایس ایچ او اور3 اہلکاروں سمیت 5 افراد کو اغوا کرلیا۔ تفصیلات کے مطابق شکارپور میں خانپور کے کچے کے علاقے تھانہ کوٹ شاہو پر ڈاکوں نے حملہ کرکے تھانے کے عملے کو اغوا کرکے کچے کے علاقے میں لے گئے۔ پولیس کے مطابق ڈاکوں نے تھانہ کوٹ شاہو پر حملہ کرکے عملے کو اغوا کیا، اغوا ہونے والوں میں ایس ایچ او محبوب بروہی اور اسکا بیٹا محمد علی، منشی نسیم گوپانگ اور دو اہلکار ایاز اور جان محمد بھکرانی شامل ہیں۔ حکام کے مطابق مغویوں کی بازیابی کیلیے پولیس کی بھاری نفری کچے کی طرف روانہ کردی گئی۔ واضح رہے کہ ڈاکوں نے تین روز پہلے بھی رستم کچے کی چوکی سے ایک اہلکار کو اغوا کیا گیا تھا جسکو پولیس اور رینجرز کی مدد سے چھڑا لیا گیا تھا۔ چند دن قبل نگراں وزیر داخلہ سندھ اور آئی جی سندھ بھی علاقے کا دورہ کرچکے ہیں۔

کریڈٹ: انڈیپنڈنٹ نیوز پاکستان-آئی این پی

روپے کے مقابلے میں امریکی ڈالر کی قیمت میں مسلسل کمی کا رجحان جاری ،ڈالر 86 پیسے کی کمی کے بعد 279 روپے 65 پیسے پر آگیا۔ پاکستانی کرنسی کے مقابلے میں امریکی ڈالر کی قیمت میں مسلسل کمی کا رجحان جاری ہے۔کرنسی ڈیلرز کے مطابق کاروباری ہفتے کے تیسرے روز انٹربینک میں ڈالر کی قدر میں86 پیسے کی کمی ہوگئی، جس سے ڈالر 279 روپے 65 پیسے پر آگیا۔

کریڈٹ: انڈیپنڈنٹ نیوز پاکستان-آئی این پی

پاکستان اسٹاک ایکسچینج میں مسلسل 8 ویں روز تیزی کا رجحان برقرار ،ہنڈرڈ انڈیکس 154 پوائنٹس بڑھ کر 48293 پوائنٹس پر پہنچ گیا۔ خیال رہے کہ گزشتہ کاروباری روز انٹربینک میں ڈالر کی قیمت 281 روپے 51پیسے ریکارڈ کی گئی تھی جبکہ گزشتہ کاروباری ہفتے کے دوران انٹربینک میں پاکستانی روپے کے مقابلے میں امریکی ڈالر کی قدر میں مجموعی طور پر 5 روپے سے زائد کمی ریکارڈ کی گئی۔ گزشتہ روزکاروبار کے اختتام پر 100 انڈیکس 48 ہزار 140 پوائنٹس پر تھا۔

کریڈٹ: انڈیپنڈنٹ نیوز پاکستان-آئی این پی

اسلام آباد ہائیکورٹ نے سابق ایم این اے صداقت عباسی کی بازیابی کے لیے دائر درخواست نمٹا دی۔ چیف جسٹس اسلام آباد ہائیکورٹ جسٹس عامر فاروق نے کیس کی سماعت کی، درخواست گزار کی جانب سے وکیل بابر اعوان، وزارت داخلہ اور پولیس حکام عدالت میں پیش ہوئے۔ دوران سماعت چیف جسٹس اسلام آباد ہائیکورٹ نے وکیل بابر اعون سے مکالمہ کرتے ہوئے کہا کہ جی ڈاکٹر صاحب بندہ واپس آگیا ہے جس پر بابر اعوان نے جواب دیتے ہوئے کہا کہ اس مرد حریت کو سلام پیش کرنا چاہتا ہوں جس نے بندہ بازیاب کروادیا، آپ میری طرف سے لکھ دیں آرڈر میں Brown fruit in the favour of anchor، وکیل کی بات پر چیف جسٹس نے قہقہہ لگاتے ہوئے کہا کہ آپ نے ایک لائن میں پوری بات کردی، پھر تو کیسں نمٹا دیتے ہیں۔ بعدازاں چیف جسٹس اسلام آباد ہائیکورٹ جسٹس عامر فاروق نے صداقت عباسی کی بازیابی کے لیے دائر درخواست نمٹا دی۔

کریڈٹ: انڈیپنڈنٹ نیوز پاکستان-آئی این پی

پی ٹی آئی کی لاہور ہائیکورٹ میں لبرٹی چوک پر جلسہ کرنے کی اجازت دینے کیلئے درخواست پر سماعت نہ ہو سکی۔ لاہور ہائیکورٹ کے جسٹس راحیل کامران کے رخصت پر ہونے کے باعث درخواست پر بدھ کو سماعت نہ ہوسکی، لبرٹی چوک پر جلسے کے لیے پی ٹی آئی کے ایڈیشنل سیکرٹری عظیم اللہ خان کی جانب سے لاہور ہائیکورٹ میں درخواست دائر کی گئی تھی۔ درخواست میں ڈی سی لاہور سمیت دیگر کو فریق بنایا گیا جس میں موقف اختیار کیا گیا ہے کہ پانچ روز قبل متعلقہ فریقین کو جلسے کی اجازت کے لیے درخواست دی، پر امن جلسہ کرنا ہر ایک کا آئینی حق ہے۔ درخواست گزار کی جانب سے استدعا کی گئی ہے کہ عدالت لبرٹی چوک پر 15 اکتوبر کو شام 7 بجے جلسہ کرنے کی اجازت دے، عدالت جلسے کے لیے سکیورٹی انتظامات فراہم کرنے کے لیے بھی حکم جاری کرے۔

کریڈٹ: انڈیپنڈنٹ نیوز پاکستان-آئی این پی

لاہور ہائیکورٹ نے پنجاب بھر میں ہیلمٹ استعمال نہ کرنے والے موٹرسائیکل سواروں پر دو ہزار روپے جرمانہ عائد کرنے کا حکم دیدیا۔ جسٹس شاہد کریم نے اسموگ کے تدارک کے لیے دائر درخواستوں کا تحریری حکم جاری کردیا۔ عدالت نے حکم دیا کہ ایل ڈی اے آئندہ کوئی پراجیکٹ عدالت کی اجازت کے بغیر شروع نہیں کرے گا۔ ایل ڈی اے ترقیاتی منصوبوں کے لیے محکمہ ماحولیات سے بھی ہدایات لے گا۔ عدالت نے تحریری حکمنامے میں گھروں میں گاڑیاں دھونے والوں ،گرین بیلٹس پر پارکنگ پر 5،5 ہزار روپے جرمانے کا بھی حکم دیدیا ہے جبکہ متعلقہ حکام کو ہدایت کی ہے کہ شہر میں مزید ماواکی جنگل لگائے جائیں۔ پرانے درختوں کو محفوظ کرنے کے لیے اقدامات کیے جائیں۔ فیصلے کے مطابق کالا دھواں چھوڑنے والے بھٹوں کے خلاف متعلقہ افسران کاروائیاں کریں، بھٹوں کے خلاف کاروائیاں نہ کرنے والے افسران کے خلاف کارروائی کی جائے گی۔ خیال رہے کہ شہری ہارون فاروق سمیت دیگر نے اسموگ کے تدارک کے لیے ہائیکورٹ میں درخواستیں دائر کررکھی ہیں۔

کریڈٹ: انڈیپنڈنٹ نیوز پاکستان-آئی این پی

بیجنگ (شِںہوا) چینی وزیر تجارت وانگ وین تاؤ نے کہا ہے کہ چین اور امریکہ کی ترقی اور پیشرفت ایک دوسرے کے لئے چیلنجز کی بجائے مو قع ہو نا چا ہئے۔

وزارت تجارت کے جاری کردہ ایک بیان کے مطابق چینی وزیر تجارت نے یہ بات امریکی سینیٹ کے اکثریتی رہنما چک شومر کی سربراہی میں دو جماعتی وفد سے ملاقات کے دوران کہی۔

وانگ نے کہا کہ  دونوں معیشتوں کا باہمی تعلق ان کے درمیان مسابقت سے کہیں زیادہ ہے. اس میں دوطرفہ اقتصادی اور تجارتی تعلقات فطرتاً باہمی طور پر فائدہ مند ہونے چا ہئیں ۔ ایسی صورتحال میں دونوں ممالک کے درمیان تعاون ہی درست انتخاب ہے۔

ملاقات کے دوران فریقین نے چین ۔ امریکہ اقتصادی و تجارتی تعلقات اور مشترکہ تشویش کے امور پر معقول اور عملی بات چیت کی۔

وانگ نے کہا کہ چین مسابقت سے گریز نہیں کرتا تاہم اس کا موقف ہے کہ مسابقت منصفانہ اور صحت مند ہو اور اس کی بنیاد بین الاقوامی اقتصادی اور تجارتی قوانین پراستوار ہو۔

انہوں نے امریکہ پر زور دیا کہ وہ سلامتی کی حدود کی درست وضاحت کرے اور سلامتی کا تصور بڑھا چڑھا کر پیش کرنے سے گریز کرے۔

اس موقع پر شومر نے کہا کہ امریکہ ۔ چین اقتصادی اور تجارتی تعلقات دونوں ممالک کے لیے انتہائی اہمیت رکھتے ہیں۔

انہوں نے کہا کہ امریکی کانگریس کی دونوں جماعتیں چین کے ساتھ اقتصادی اور تجارتی تعلقات کو اہمیت دیتی ہیں۔  وہ چین کے ساتھ تعلقات منقطع کرنے کی خواہشمند نہیں ہیں اور رابطے و تبادلے مضبوط بنانے کے لئے کوشاں ہیں۔

بیجنگ (شِنہوا) چین بیلٹ اینڈ روڈ انیشی ایٹو (بی آر آئی) کو اپنے جامع منصوبے کے طور پر فروغ دینے ، بین الاقوامی تعاون میں کھلے پن اور باہمی طور پر فائدے کے اعلیٰ سطح کے ڈیزائن کو فروغ دیتا رہے گا۔

چین کی ریاستی کونسل کے دفتر اطلاعات کے "دی بیلٹ اینڈ روڈ انیشی ایٹو، مشترکہ مستقبل کےساتھ عالمی برادری کا ایک اہم ستون" کے جاری کردہ وائٹ پیپر میں کہا گیا ہے کہ گزشتہ 10 برس کے تجربے نے ثابت کیا ہے کہ بی آر آئی تعاون وقت کے اہم سوالات کا جواب ہے جس نے شریک ممالک کے عوام کو فائدہ پہنچایا ہے۔

وائٹ پیپر کے مطابق دنیا میں غیریقینی صورتحال اور عدم استحکام ہے اس لئے تمام ممالک فوری طور پر بات چیت سے اختلافات ختم کریں ۔ تقسیم کو اتحاد کی مدد سے رد کریں اور تعاون کے ذریعے ترقی کو فروغ دیں ۔

اس صورتحال میں بی آر آئی زیادہ بامعنی ہے اور ایک ایسا انیشی ایٹو ہے جس کا خیرمقدم کیا گیا۔

وائٹ پیپر میں بتایا گیا ہے کہ اگر طویل مدتی طور پر دیکھا جائے تو کثیر قطبی اور اقتصادی عالمگیریت کے رجحانات، امن، ترقی، تعاون اور مثبت نتائج میں دور حاضر کے رجحان اور تمام ممالک کے عوام کو بہتر زندگی فراہم کرنے کی خواہش تبدیل نہیں ہوگی۔

وائٹ پیپر کے مطابق اعلیٰ معیار کے بی آر آئی تعاون میں شامل تمام ممالک برابر کے شریک، حصہ دار اور مستفید ہیں۔ چین اعتماد مضبوط بنانے، عزم برقراررکھنے اور وسیع مشاورت، مشترکہ شراکت اور مشترکہ فوائد کے جذبے سے بی آر آئی تعاون آگے بڑھانے میں دیگر تمام فریقوں کے ساتھ ملکر کام کرنے کا خواہش مند ہے۔

اس میں مزید کہا گیا ہے کہ چین مزید شعبے میں بڑے پیمانے اور زیادہ گہرائی کے ساتھ کھلے پن کا مظاہرہ کرے گا اور اعلیٰ معیار کی نئی ترقی کے ساتھ دنیا کو نئے مواقع مہیا کرے گا۔

بیجنگ (شِنہوا) چین بیلٹ اینڈ روڈ انیشی ایٹو (بی آر آئی) کو اپنے جامع منصوبے کے طور پر فروغ دینے ، بین الاقوامی تعاون میں کھلے پن اور باہمی طور پر فائدے کے اعلیٰ سطح کے ڈیزائن کو فروغ دیتا رہے گا۔

چین کی ریاستی کونسل کے دفتر اطلاعات کے "دی بیلٹ اینڈ روڈ انیشی ایٹو، مشترکہ مستقبل کےساتھ عالمی برادری کا ایک اہم ستون" کے جاری کردہ وائٹ پیپر میں کہا گیا ہے کہ گزشتہ 10 برس کے تجربے نے ثابت کیا ہے کہ بی آر آئی تعاون وقت کے اہم سوالات کا جواب ہے جس نے شریک ممالک کے عوام کو فائدہ پہنچایا ہے۔

وائٹ پیپر کے مطابق دنیا میں غیریقینی صورتحال اور عدم استحکام ہے اس لئے تمام ممالک فوری طور پر بات چیت سے اختلافات ختم کریں ۔ تقسیم کو اتحاد کی مدد سے رد کریں اور تعاون کے ذریعے ترقی کو فروغ دیں ۔

اس صورتحال میں بی آر آئی زیادہ بامعنی ہے اور ایک ایسا انیشی ایٹو ہے جس کا خیرمقدم کیا گیا۔

وائٹ پیپر میں بتایا گیا ہے کہ اگر طویل مدتی طور پر دیکھا جائے تو کثیر قطبی اور اقتصادی عالمگیریت کے رجحانات، امن، ترقی، تعاون اور مثبت نتائج میں دور حاضر کے رجحان اور تمام ممالک کے عوام کو بہتر زندگی فراہم کرنے کی خواہش تبدیل نہیں ہوگی۔

وائٹ پیپر کے مطابق اعلیٰ معیار کے بی آر آئی تعاون میں شامل تمام ممالک برابر کے شریک، حصہ دار اور مستفید ہیں۔ چین اعتماد مضبوط بنانے، عزم برقراررکھنے اور وسیع مشاورت، مشترکہ شراکت اور مشترکہ فوائد کے جذبے سے بی آر آئی تعاون آگے بڑھانے میں دیگر تمام فریقوں کے ساتھ ملکر کام کرنے کا خواہش مند ہے۔

اس میں مزید کہا گیا ہے کہ چین مزید شعبے میں بڑے پیمانے اور زیادہ گہرائی کے ساتھ کھلے پن کا مظاہرہ کرے گا اور اعلیٰ معیار کی نئی ترقی کے ساتھ دنیا کو نئے مواقع مہیا کرے گا۔

بیجنگ (شِنہوا) چین کی ریاستی کونسل کے دفتراطلاعات نے بیلٹ اینڈ روڈ تعاون پر ایک وائٹ پیپر جاری کردیا ہے جس کا عنوان"دی بیلٹ اینڈ روڈ انیشی ایٹو، مشترکہ مستقبل کےساتھ عالمی برادری کا ایک اہم ستون" ہے۔

یہ وائٹ پیپر بین الاقوامی برادری کو بیلٹ اینڈ روڈ انیشی ایٹو کی اہمیت کو بہتر طریقے سے سمجھنے، اس کے تحت اعلیٰ معیار کے تعاون میں سہولت فراہم کرنے اور زیادہ سے زیادہ ممالک اور عوام کو فوائد فراہم کرنے میں معاونت کرے گا۔

بیلٹ اینڈ روڈ انیشی ایٹو نے اپنے آغاز سے ہی تصورات کو عملی جامہ پہنایا ، ایک وژن کو حقیقت کا روپ دیا اور ایک عمومی خاکے کو ٹھوس منصوبوں میں تبدیل کیا ہے۔

بین الاقوامی برادری نے عوامی بھلائی اور تعاون کے پلیٹ فارم دونوں طریقوں سے اس کا خیرمقدم کیا ہے۔

بیلٹ اینڈ روڈ ا نیشی ایٹو نے گزشتہ دہائی کے دوران شریک ممالک کو حقیقی فوائد فراہم کیے ہیں۔ اس نے اقتصادی عالمگریت کی مضبوط ترقی میں حصہ لیا اور عالمی ترقی کو درپیش مشکلات حل کرنے ور عالمی حکمرانی کا نظام بہتر بنانے میں مدد دی۔

وائٹ پیپر کے مطابق اس نے تمام انسانیت کے لئے ایک نیا راستہ کھولا جس سے وہ جدیدیت  کو حقیقت کا روپ دے سکتے ہیں۔ اس نے اس بات کو یقینی بنایا ہے کہ مشترکہ مستقبل کے ساتھ عالمی برادری کی تعمیر کی کوششیں حقیقی نتائج دے رہی ہیں۔

بیلٹ اینڈ روڈ فریم ورک کے تحت چین قریبی اور زیادہ بامعنیٰ تعاون آگے بڑھانے، گلوبل ڈیویلپمنٹ انیشی ایٹو، گلوبل سیکیورٹی انیشی ایٹو اور گلوبل سویلائزیشن انیشی ایٹو کے نفاذ اور ایک کھلی، جامع، صاف اور خوبصورت دنیا کی تعمیر میں دیگر ممالک کے ساتھ ملکر کام کرنے کو تیار ہے جو دیرپا امن، عالمگیر سلامتی اور مشترکہ خوشحالی سے لطف اندوز ہو۔

بیجنگ (شِنہوا) چین کی ریاستی کونسل کے دفتراطلاعات نے بیلٹ اینڈ روڈ تعاون پر ایک وائٹ پیپر جاری کردیا ہے جس کا عنوان"دی بیلٹ اینڈ روڈ انیشی ایٹو، مشترکہ مستقبل کےساتھ عالمی برادری کا ایک اہم ستون" ہے۔

یہ وائٹ پیپر بین الاقوامی برادری کو بیلٹ اینڈ روڈ انیشی ایٹو کی اہمیت کو بہتر طریقے سے سمجھنے، اس کے تحت اعلیٰ معیار کے تعاون میں سہولت فراہم کرنے اور زیادہ سے زیادہ ممالک اور عوام کو فوائد فراہم کرنے میں معاونت کرے گا۔

بیلٹ اینڈ روڈ انیشی ایٹو نے اپنے آغاز سے ہی تصورات کو عملی جامہ پہنایا ، ایک وژن کو حقیقت کا روپ دیا اور ایک عمومی خاکے کو ٹھوس منصوبوں میں تبدیل کیا ہے۔

بین الاقوامی برادری نے عوامی بھلائی اور تعاون کے پلیٹ فارم دونوں طریقوں سے اس کا خیرمقدم کیا ہے۔

بیلٹ اینڈ روڈ ا نیشی ایٹو نے گزشتہ دہائی کے دوران شریک ممالک کو حقیقی فوائد فراہم کیے ہیں۔ اس نے اقتصادی عالمگریت کی مضبوط ترقی میں حصہ لیا اور عالمی ترقی کو درپیش مشکلات حل کرنے ور عالمی حکمرانی کا نظام بہتر بنانے میں مدد دی۔

وائٹ پیپر کے مطابق اس نے تمام انسانیت کے لئے ایک نیا راستہ کھولا جس سے وہ جدیدیت  کو حقیقت کا روپ دے سکتے ہیں۔ اس نے اس بات کو یقینی بنایا ہے کہ مشترکہ مستقبل کے ساتھ عالمی برادری کی تعمیر کی کوششیں حقیقی نتائج دے رہی ہیں۔

بیلٹ اینڈ روڈ فریم ورک کے تحت چین قریبی اور زیادہ بامعنیٰ تعاون آگے بڑھانے، گلوبل ڈیویلپمنٹ انیشی ایٹو، گلوبل سیکیورٹی انیشی ایٹو اور گلوبل سویلائزیشن انیشی ایٹو کے نفاذ اور ایک کھلی، جامع، صاف اور خوبصورت دنیا کی تعمیر میں دیگر ممالک کے ساتھ ملکر کام کرنے کو تیار ہے جو دیرپا امن، عالمگیر سلامتی اور مشترکہ خوشحالی سے لطف اندوز ہو۔

پاکستان کے پہلے وزیر اعظم شہید ملت خان لیاقت علی خان کی72ویں برسی 16اکتوبرکو منائی جائے گی اس سلسلے میں ملک بھر میںمسلم لیگ اور دیگر سیاسی جماعتوں اور تنظیموں کے زیر اہتمام سیمینارز،مذاکرے،کانفرنسز اور دیگر تقریبات کا اہتمام کیا جائے گاجس سے خطاب کرتے ہوئے سیاسی قائدین اور مقررین شہید ملت خان لیاقت علی خان کی تاریخ ساز خدمات کو خراج عقیدت پیش کریں گے۔بانی پاکستان حضرت قائد اعظم محمد علی جناح کے دیرینہ رفیق،تحریک پاکستان کے ہراول دستے کے رہنما نواب زادہ لیاقت علی خان یکم اکتوبر 1895ء کو پیدا ہوئے آپ پاکستان کے پہلے وزیر اعظم اور وزیر خارجہ رہے ہیںآپ کو16اکتوبر1951کو راولپنڈی کے کمپنی باغ موجودہ میں شہید کر دیا گیا تھا۔

کریڈٹ: انڈیپنڈنٹ نیوز پاکستان-آئی این پی

پاکستان سمیت دنیا بھر میں دیہی خواتین کا عالمی دن 15اکتوبر کو منایا جائے گا اس دن کے منانے کا مقصد دیہی خواتین کی خدمات کا عتراف کرنا ہے۔اس سلسلے میں خواتین حقوق کیلئے سرگرم تنظیموں کی جانب سے سیمینارز،سمپوزیم اور مختلف تقریبات کا اہتمام کیا جائے گاجس سے خطاب کے دوران مقررین ملکی تعمیر و ترقی میں دیہی خواتین کے کردار کی اہمیت پر تفصیل سے روشنی ڈالیں گے۔دیہی خواتین کا عالمی دن پہلی مرتبہ دنیا بھرمیں 15اکتوبر 2008ء کو منایا گیا اس دن کی منظوری اقوام متحدہ کی ایک قراداد کی منظوری سے 2007ء میں دی۔ایک رپورٹ کے مطابق دنیا بھر میں ڈیڑھ ارب سے زائد دیہی خواتین شعبہ زراعت سے وابستہ ہیں اور پچاس فیصد خوراک کی پیداوار کا انحصار انہی دیہی کواتین پر ہے ترقی پذیر ممالک میں25فیصد دیہی خواتین کی تعلیم تک رسائی ممکن نہیں ہے۔

کریڈٹ: انڈیپنڈنٹ نیوز پاکستان-آئی این پی

سابق وفاقی وزیر پارلیمانی امور ڈاکٹر شیر افگن نیازی کی گیارہویںویں برسی(آج)11اکتوبربدھ کو منائی جائے گی۔ڈاکٹر شیر افگن نیازی 1946ء میں پید اہوئے انہوں نے سیاست کا آغازتحریک استقلال سے کیا وہ پہلی مرتبہ 1985ء کے انتخابات میں ممبر قومی اسمبلی منتخب ہوئے اور قومی اسمبلی میں اپوزیشن لیڈر حاجی سیف اللہ اور سابق سپیکر سیّد فخر امام کے ساتھ مل کرسیاست میں منفرد مقام حاصل کیا وہ دوسری بار1988ء میں رکن اسمبلی بنے۔ڈاکٹر شیر افگن نیازی کو 1973ء کا آئین زبانی یاد تھا وہ محترمہ بے نظیر بھٹو کی کابینہ میںوزیر مملکت برائے پارلیمانی امور بھی رہے۔ڈاکٹر شیر افگن 1993ء میں آزاد حیثیت میں رکن اسمبلی منتخب ہوئے اور وزیر قانون بنائے گئے۔2002ء میں پیپلز پارٹی کے ٹکٹ پر رکن اسمبلی بنے اور جنرل(ر) پرویز مشرف کے دور اقتدار میں وفاقی وزیر پارلیمانی امور مقرر ہوئے۔ڈاکٹر شیر افگن نیازی آئین اور قانون کے ماہر سمجھے جاتے تھے۔وہ 11اکتوبر 2012ء کو طویل علالت کے بعد انتقال کر گئے تھے۔

کریڈٹ: انڈیپنڈنٹ نیوز پاکستان-آئی این پی

لوئر اور کزئی کان میں مبینہ شارٹ سرکٹ سے دھماکہ ہوا جس کے نتیجے میں 11 افراد کان میں پھنس گئے ہیں۔ ترجمان ریسکیو 1122 کے مطابق ٹیموں نے موقع پر پہنچ کر امدادی کارروائیاں شروع کر دیں، ریسکیو اہلکاروں نے مرحلہ وار تمام زخمیوں کو نکال لیا۔ ترجمان نے مزید بتایا کہ تمام زخمیوں کو مختلف ہسپتالوں میں منتقل کر دیا گیا جبکہ ایک شدید زخمی کو کوہاٹ ہسپتال منتقل کر دیا گیا۔

کریڈٹ: انڈیپنڈنٹ نیوز پاکستان-آئی این پی

عالمی مالیاتی فنڈ (آئی ایم ایف)نے یوٹیلیٹی سٹورز سمیت حکومتی ملکیتی اداروں کو لیز یا فروخت کرنے کا مطالبہ کر دیا۔ نجی ٹی وی کے مطابق آئی ایم ایف نے تجویز دی ہے کہ یوٹیلیٹی سٹورز کو نجی شعبے کے حوالے کیا جائے اور بی آئی ایس پی بجٹ بڑھایا جائے۔ آئی ایم ایف کا کہنا ہے کہ حکومتی ملکیتی اداروں کی سربراہی موجودہ معاشی صورتحال میں معیشت کیلئے نقصان دہ ہے، اس لئے یوٹیلیٹی سٹورز کوختم یا نجی شعبے کے حوالے کیا جائے۔ نگران حکومت نے یوٹیلیٹی سٹور کی نجکاری یا ختم کرنے پر آئی ایم ایف کو کوئی جواب نہیں دیا، یوٹیلیٹی سٹورز کو ختم کر کے بی آئی ایس پی کا سالانہ بجٹ بڑھانے کی تجویز بھی زیرغور ہے۔ ذرائع انڈسٹریز پروڈکشن کے مطابق وزارت صنعت و پیداوار یوٹیلیٹی سٹورز کیلئے تاحال کسی نتیجے پر نہیں پہنچی، نگران حکومت کے دوران یوٹیلیٹی سٹورز کا حتمی فیصلہ کرنا مشکل ہے۔

کریڈٹ: انڈیپنڈنٹ نیوز پاکستان-آئی این پی

نائیجیریا کے صوبے زمفارا میں چلتی گاڑہوں پر فائرنگ کے نتیجے میں دس افراد ہلاک ہو گئے،مقامی میڈیا کے مطابق بعض نا معلوم افراد نے زمفارا میں واقع ماگامی گاساو شاہ راہ پر چلتی گاڑیوں پر فائرنگ کر دی ، حملے میں دس افراد ہلاک اور متعدد زخمی ہو گئے جبکہ گاڑیوں کو نذر آتش بھی کر دیا گیا۔

کریڈٹ: انڈیپنڈنٹ نیوز پاکستان-آئی این پی

سعودی عرب میں میڈ ان سعودیہ نمائش کے دوسرے ایڈیشن کا آغاز ریاض کے روشن فرنٹ میں 16سے 19اکتوبر کے دوران وزیر صنعت و معدنی وسائل اور سعودی ایکسپورٹ ڈویلپمنٹ اتھارٹی کے بورڈ آف ڈائریکٹرز کے چیئرمین بندر بن ابراہیم الخریف کی سرپرستی میں ہوگا، نمائش میں پیٹرو کیمیکل، قابل تجدید توانائی، آٹوموبائل انڈسٹری، سمندری صنعت، تعمیراتی مواد، خوراک، دواسازی، طبی اور تکنیکی سامان، نقل و حمل، لاجسٹکس سروسز اور دیگرشعبوں کی 100سے زائد سعودی کمپنیوں کی شرکت کا ہدف مقرر ہے۔ یہ نمائش قومی کمپنیوں کے لیے سامان اور خدمات کے شعبوں میں اپنی ایجادات پیش کرنے کا ایک نادرموقع ہے،نمائش کے موقع پرمختلف ورکشاپس اور اس کے ساتھ ایک کانفرنس کا انعقاد کیا جائے گا، جس میں مستقبل کی صنعت، عالمی قیادت، صنعتی شعبے کو بااختیار بنانے اور ترقی دینے کے مواقع اور صنعتی سرمایہ کاری کے امید افزا منصوبوں پر بحث کی جائے گی،اس کانفرنس میں معیاری خدمات اور اقدامات کے اسٹریٹجک آغاز بھی شامل ہیں جو سعودی ایکسپورٹ ڈویلپمنٹ اتھارٹی، میڈ ان سعودی عرب پروگرام اور صنعتی شعبے میں متعلقہ اداروں کے اہداف کو حاصل کرنے میں معاون ثابت ہوں گے۔

کریڈٹ: انڈیپنڈنٹ نیوز پاکستان-آئی این پی

دفتر سے خفیہ دستاویزات برآمد ہونے پر امریکی صدر جو بائیڈن سے پوچھ گچھ کی گئی،غیر ملکی میڈیا کے مطابق امریکی صدر جو بائیڈن کے 2017میں نائب صدر کا عہدہ چھوڑنے کے بعد ان کے نجی دفتر اور گھر سے خفیہ دستاویزات برآمد ہوئی تھیں، اسپیشل کونسل نے صدر بائیڈن کا اتوار اور پیر کو وائٹ ہائوس میں انٹرویو لیا،میڈیا رپورٹس میں کہا جارہا ہے کہ صدر جو بائیڈن پر کسی جرم کا الزام نہیں لگایا گیا ہے اور تفتیشی افسر کی جانب سے صدر کا لیا گیا انٹرویو کوئی غیر معمولی بات نہیں ہے،جو بائیڈن سے یہ تحقیقات 'ہر' نامی تفتیشی افسر نے کی جسے امریکی اٹارنی جنرل نے تحقیقات کی قیادت کے لیے منتخب کیا تھا جب کہ تفتیشی افسر نے سابق صدر ٹرمپ سے بھی گھر سے ملنے والی خفیہ دستاویزات کے حوالے سے تحقیقات کی تھیں،امریکی وکلا کی جانب سے بتایا گیا ہے کہ خفیہ دستاویزات کی پہلی کھیپ 2نومبر کو واشنگٹن ڈی سی میں صدر کے قائم کردہ تھنک ٹینک پین بائیڈن سینٹر سے ملی تھیں جب کہ ریکارڈ کی دوسری کھیپ 20دسمبر کو صدر کے ولیمنگٹن کے گھر کے گیراج سے ملی تھیں، ایک اور دستاویز 12جنوری کو گھر میں اسٹوریج کی جگہ سے ملی تھی،میڈیا رپورٹس کے مطابق دستاویزات ملنے کے بعد صدر جوبائیڈن نے اپنی ٹیم کو ان دستاویزات کو قومی آرکائیو اور محکمہ انصاف کے حوالے کرنے کا کہا تاہم یہ واضح نہیں کہ صدر بائیڈن نے ان دستاویزات کو کیوں رکھا۔

کریڈٹ: انڈیپنڈنٹ نیوز پاکستان-آئی این پی

سوڈان نے سات برس بعد ایران کے ساتھ سفارتی تعلقات بحال کرنے کا اعلان کیا ہے، دونوں ملکوں کے وزرائے خارجہ کے درمیان ہونے والی ملاقات کے تین ماہ بعد یہ اعلان سامنے آیا ہے۔سوڈانی وزارت خارجہ نے اپنے بیان میں کہا کہ تعلقات بحال کرنے کا فیصلہ دونوں ملکوں کے درمیان متعدد اعلی سطح کے رابطوں کے بعد کیا گیا ہے، تعلقات کی بحالی سے دونوں ملکوں کے مشترکہ مفادات حاصل کرنے میں مدد ملے گی۔

کریڈٹ: انڈیپنڈنٹ نیوز پاکستان-آئی این پی

امریکا کے شہرنیویارک میں اسرائیل اور فسلطین کے حق میں ریلیاں نکالی گئیں،نیویارک پولیس نے ریلی کے دوران رکاوٹیں لگاکر مظاہرین کو ایک دوسرے سے دوررکھا جب کہ برطانیہ کے دارالحکومت لندن میں بھی اسرائیل اور فلسطین کے حق میں ریلیاں نکالی گئیں، اسپین کے شہر میڈرڈ میں اسرائیلی حملوں کے خلاف اور فلسطینیوں سے اظہار یک جہتی کے لیے احتجاج کیاگیا، یونان کے دارالحکومت ایتھنز میں اسرائیلی سفارتخانے کے باہر احتجاج کیا گیا جہاں مظاہرین نے فری فلسطین کے نعرے لگائے،آسٹریلیا کے شہر سڈنی میں بھی مظلوم فلسطینیوں کے حق میں ریلی نکالی گئی اور بیلجیئم کے دارالحکومت برسلز میں اسرائیلی سفارتخانے کے باہر صیہونی ریاست سے اظہار یکجہتی کیلئے لوگ جمع ہوئے۔

کریڈٹ: انڈیپنڈنٹ نیوز پاکستان-آئی این پی

غزہ پر اسرائیلی حملوں میں برطانیہ میں فلسطینی مشن کے سربراہ حسام زملوٹ کے 7رشتے دار بھی شہید ہوگئے،برطانوی ٹی وی سے بات کرتے ہوئے فلسطینی مشن کے سربراہ نے کہا کہ جس عمارت کونشانہ بنایا گیا وہ زمین بوس ہوگئی،انہوں نے بتایا کہ اس حملے میں ان کی کزن، اس کا شوہر، ساس ، دو بچے اور دو مزید عزیز جاں بحق ہوئے،حسام نے بتایا کہ ان کی کزن اور ان کے گھرانے کا تعلق ہرگز حماس سے نہیں تھا۔

امریکہ، فرانس، جرمنی، اٹلی اور برطانیہ کے رہنمائوں نے حماس کے حملوں کے خلاف اسرائیل کی حمایت کا اعلان کیا ہے،امریکی صدر جوبائیڈن،فرانسیسی صدر ، جرمن چانسلراولاف شولز،اطالوی وزیراعظم جارجیا میلونی اور برطانوی وزیراعظم رشی سوناک نے مشترکہ اعلامیے میں کہا کہ ہم فلسطینی عوام کی جائز امنگوں کو تسلیم کرتے ہیں لیکن حماس فلسطینی عوام کو مزید دہشت گردی اور خونریزی کے علاوہ کچھ نہیں دے سکتی،امریکی قومی سلامتی کے مشیرجان کربی نے واضح کیا ہے کہ اسرائیل فلسطین تنازع میں امریکی فوجیوں کو میدان میں لانے کا کوئی ارادہ نہیں ہے۔دوسری جانب چین کے دورے پر موجود اعلی امریکی سینیٹر چک شومرنے بیجنگ میں چینی وزیرخارجہ وانگ یی سے ملاقات کی جس میں انہوں نے چین سے اسرائیل کی حمایت کا مطالبہ کیا۔

کریڈٹ: انڈیپنڈنٹ نیوز پاکستان-آئی این پی

وینزویلا کے صدر نکولس مادورو نے غزہ میں اسرائیلی فورسس کی نہتے فلسطینیوں پر بمباری کی شدید مذمت کرتے ہوئے کہا ہے کہ غزہ کی عمارتوں پر اندھا دھند بمباری فلسطینی عوام کی نسل کشی کے مترادف ہے، مادورو نے کہا کہ اسرائیل پہلے بھی کئی بار غزہ میں "قتل عام" کر چکا ہے،انہوں نے کہا کہ غزہ میں، جن عمارتوں میں شہری آباد ہیں ان کو اندھا دھند نشانہ بنایا جا رہا ہے، ہر طرف بمباری ہو رہی ہے، عورتیں اور بچے ہر روز مر رہے ہیں۔ میں دنیا بھر کے اپنے تمام مسلمان بھائیوں، عیسائیوں اور یہودیوں سے کہتا ہوں، آئیے اقوام متحدہ سے فوری جنگ بندی کروانے کا مطالبہ کریں،مادورو نے کہا کہ امن مذاکرات جلد از جلد شروع ہونے چاہئیں اور اقوام متحدہ کی قراردادوں کا احترام کرتے ہوئے ایک آزاد اور خودمختار فلسطینی ریاست قائم کی جانی چاہیے،انہوں نے کہا کہ وہ ہمیشہ فلسطینی عوام کا دفاع کریں گے، مادورو نے کہا کہ وہ فلسطینی صدر محمود عباس کے دو ریاستی حل کے مطالبے کی بھی حمایت کرتے ہیں،انہوں نے کہا کہ میں ایردوان سے مکمل طور پر متفق ہوں، اقوام متحدہ کی قراردادوں کا احترام کرتے ہوئے منصفانہ اور مکمل امن کا حصول ضروری ہے، یقین ہے کہ ایردوان، ایک رہنما کے طور پربہترین طریقے سے ثالثی کا کردار ادا کرسکتے ہیں۔انہوں نے اعلاقے میں جنگ بندی کرنے اور منصفانہ امن کے قیام کا مطالبہ کیا ہے۔

کریڈٹ: انڈیپنڈنٹ نیوز پاکستان-آئی این پی

صنعتوں کو گیس کی فراہمی میں کمی کے باعث برآمدی اہداف کو زیادہ خطرہ لاحق ہے۔ ان اہداف کو پورا کرنے کے لیے ضروری ہے کہ صنعتوں کو گیس کی بلاتعطل فراہمی کو یقینی بنایا جائے۔یہ بات پاکستان کیمیکلز اینڈ ڈائز مرچنٹس ایسوسی ایشن کے چیئرمین افتخار احمد وہرہ نے ویلتھ پاک سے گفتگو کرتے ہوئے کہی۔انہوں نے کہا کہ حکومت کی جانب سے رواں سال کے لیے برآمدات کا ہدف 30 ارب ڈالر مقرر کیا گیا تھا لیکن ممکنہ صنعتوں کو گیس کی قلت کا سامنا ہونے کی وجہ سے یہ ہدف حاصل کرنے کا امکان بہت کم ہے۔صنعتوں کی قدرتی گیس تک محدود رسائی نے ٹیکسٹائل، اسٹیل، گلاس اور سیرامکس سمیت مختلف صنعتوں پر نقصان دہ اثر ڈالا ہے۔ یہ شعبے اپنی پیداواری صلاحیتوں کو برقرار رکھنے، بروقت فراہمی کو آسان بنانے اور پیداواری اخراجات کو منظم کرنے کے لیے قدرتی گیس کی بلا تعطل فراہمی پر بہت زیادہ انحصار کرتے ہیں۔مالی سال 2022-23 میں، پاکستان نے قدرتی گیس کی پیداوار میں تقریبا 5 فیصد کی کمی دیکھی۔ اس وقت قدرتی گیس کی تقریبا 25 فیصد طلب ایل این جی کی درآمد سے پوری کی جا رہی ہے۔پاکستان کو درپیش مالی بحران کے درمیان افتخار احمدنے ایل این جی سے متعلق شعبوں، جیسے کھاد کی پیداوار کے لیے سبسڈی کی ممکنہ معطلی کا خدشہ ظاہر کیا۔حکومت نے گزشتہ مالی سال میں تقریبا 150 ارب روپے کی سبسڈی صرف فرٹیلائزر سیکٹر کے لیے مختص کی تھی۔برآمدات پر مبنی صنعتوں کو گیس کی بلاتعطل فراہمی کو یقینی بنانے کے لیے انہوں نے حکومت کو ڈسٹری بیوشن کے نقصانات کو کم کرنے کا مشورہ دیا۔سوئی سدرن گیس کمپنی نے تقریبا 18.28فیصدکے ڈسٹری بیوشن نقصانات کی اطلاع دی ہے، جب کہ سوئی ناردرن گیس پائپ لائن لمیٹڈ نے 12.32فیصدکے نقصانات کی دستاویز کی ہے۔ یہ اعداد و شمار خاص طور پر عام طور پر تسلیم شدہ صنعتی نقصانات سے زیادہ ہیں جو لائن لاسز کے لیے 2-3 فیصد کے معیار کے ہیں۔گیس کی بڑھتی ہوئی قلت سے نمٹنے اور گردشی قرضوں کی حوصلہ شکنی کے لیے افتخاراحمد نے حکومت کو مشورہ دیا کہ وہ گیس سبسڈی ختم کرے اور ایل این جی کی تجارت میں نجی شعبے کی شرکت کی حوصلہ افزائی کرے۔انہوں نے مزید تجویز دی کہ سبسڈیز کو ختم کیا جائے تاکہ نجی سرمایہ کاری کو راغب کرکے ایل این جی انڈسٹری کے لیے پائیدار اور مسابقتی ماحول حاصل کیا جاسکے۔

کریڈٹ: انڈیپنڈنٹ نیوز پاکستان-آئی این پی

ملک میں بڑھتی ہوئی تعمیراتی لاگت کی وجہ سے کم مانگ کے باوجود سیمنٹ کی قیمتیں بڑھ رہی ہیں اور کمپنی کے درمیان قیمتوں کی جنگ افق پر چھائی ہوئی ہے۔ ویلتھ پاک کی رپورٹ کے مطابق کم مانگ کے عنصر کی وجہ سے کمپنیوں سے توقع کی جاتی ہے کہ وہ مارکیٹ شیئر حاصل کرنے کے لیے قیمت کے حوالے سے سخت مقابلہ کریں گے۔پاکستان بیورو آف سٹیٹسٹکس کے ذریعہ رپورٹ کردہ سیمنٹ کے تھیلے کی تازہ ترین اوسط قیمت 1,194 روپے ہے۔ آل پاکستان سیمنٹ مینوفیکچررز ایسوسی ایشن کے چیف ایگزیکٹو محمد علی تبہ نے ویلتھ پاک کو بتایا کہ ملک کی شمالی منڈیوں میں قیمتیں اور بھی زیادہ ہیں۔متعدد عوامل صنعت کو قیمتیں کم کرنے کے علاوہ کوئی چارہ نہیں چھوڑتے ہیں۔ تعمیرات کی بڑھتی ہوئی لاگت ملکی طلب کو متاثر کر رہی ہے۔ کوئلے کی قیمتوں میں خاطر خواہ کمی دیکھی گئی ہے جس سے منافع کے بہتر مارجن اور صلاحیت کا استعمال ایک نئی نچلی سطح پر پہنچ گیا ہے۔انہوں نے نشاندہی کی کہ صرف تین ہفتوں میںسیمنٹ کے تھیلے کی اوسط قیمت میں 19 روپے کا اضافہ ہوا ہے، کچھ مارکیٹوں جیسے کہ اسلام آباد اور لاہور میں اگست کے بعد سے بالترتیب 32 روپے اور 24 روپے فی بیگ کی قیمتوں میں اضافہ ہوا ہے۔ انہوں نے مزید کہا کہ 2019 کے بعد سے سیمنٹ کی قیمت میں بے قاعدہ اتار چڑھاو دیکھا گیا ہے جس میں وقفے وقفے سے گراوٹ یا استحکام کے بعد اوپر کی طرف رجحانات ہیں۔ تاہم 2022 کے بعد سے قیمتیں زیادہ بے ترتیب رہی ہیں جس سے معلوم ہوتا ہے کہ مارکیٹ طلب کی حدود کو جانچ رہی ہے۔

علی نے مزید روشنی ڈالی کہ مالی سال 23 میں، طلب میں نمایاں طور پر 16 فیصد کمی واقع ہوئی اور صلاحیت کا استعمال معمولی طور پر 57 فیصد رہا۔ انہوں نے مزید کہا کہ اگرچہ جولائی اور اگست کے دوران مالی سال 2024 کے آغاز کے موقع پر سیمنٹ کی خرید میں معمولی بہتری آئی ہے لیکن طلب میں خاطر خواہ بحالی کا مشورہ دینے کے لیے ناکافی شواہد موجود ہیں۔انہوں نے کہا کہ پہلی نظر میںکوئی بھی اس بے ضابطگی کی وجہ مارکیٹ کی غیر یقینی صورتحال اور صنعت کے مبصرین میں بصیرت کی کمی کو قرار دے سکتا ہے۔ تاہم یہ اسٹریٹجک فیصلہ سازی کا معاملہ ہو سکتا ہے۔ اے پی سی ایم اے کے چیف ایگزیکٹیو نے کہاکہ حقائق میں صارفین کی قوت خرید کو کم کرنا، تعمیراتی مانگ میں تیزی سے کمی اور تمام قسم کے قرض لینے والوں کے لیے قرض لینے کے اخراجات میں اضافہ شامل ہے۔ پٹرول کی آسمان چھوتی قیمتوں نے بھی تاجروں میں احتجاج کو ہوا دی ہے۔جب کہ طلب بدستور کمزور ہے اور صلاحیت کے استعمال میں کمی ہے، کسی بھی کاروبار کے لیے خشک سالی کے دوران زیادہ گاہکوں کو راغب کرنے کی امید میں قیمتیں کم کرنا غیر دانشمندانہ ہوگا۔سیمنٹ مینوفیکچررز جو کچھ بھی کر سکتے ہیں فروخت کر رہے ہیں۔ قیمتوں میں کمی کی وجہ سے اضافی مانگ کے پورا ہونے کا امکان نہیں ہے۔ اجناس اور مواد کی ایک بڑی تعداد تعمیراتی صنعت کے لیے لازم و ملزوم ہیں اور ان کی مارکیٹ کی حرکیات ایک دوسرے سے قریبی طور پر جڑے ہوئے ہیں۔

کریڈٹ: انڈیپنڈنٹ نیوز پاکستان-آئی این پی