چھِنگ دو (شِنہوا) نویں چائنہ انٹرنیشنل کاپی رائٹ ایکسپو جمعرات کو جنوب مغربی صوبے سیچھوان کے دارالحکومت چھِنگ دو میں شروع ہوگئی ،جس میں ایکسپو کی سائیڈ لائن پر ایک فورم کا انعقاد کیا گیا۔

 تین روزہ ایکسپو آن لائن اور آف لائن نمائشوں پر مشتمل ہے جس میں چین کی کاپی رائٹ انڈسٹری میں تازہ ترین کامیابیوں، مصنوعات اور ٹیکنالوجیز کو پیش کیا گیا ہے۔

کاپی رائٹ فورم میں چین-افریقہ کاپی رائٹ تعاون اور ثقافتی ورثے میں کاپی رائٹ کے کردار کے موضوعات پر مشتمل دو ذیلی فورمز کابھی انعقاد کیاجائے گا۔ اس نمائش کو نیشنل کاپی رائٹ ایڈمنسٹریشن آف چائنہ (این سی اے سی) نے سپانسر کیا ہے اور اس کا اہتمام سیچھوان کی صوبائی کاپی رائٹ انتظامیہ اورچھِنگ دو میونسپل حکومت نے کیا ہے۔

شی چھانگ (شِنہوا) چین نے  ایک ٹیکنالوجی تجرباتی سیٹلائٹ  کو کامیابی سے مدار میں بھیج دیا ہے۔

جنوب مغربی صوبے سیچھوان کے شی چھانگ سیٹلائٹ لانچ سنٹر سے انٹرنیٹ ٹیکنالوجیز کے تجرباتی سیٹلائٹ کوجمعرات کو شام 6 بجے(بیجنگ ٹائم)پر  لانگ مارچ-2 ڈی کیریئر راکٹ کے ذریعے لانچ کیا گیا، جو کامیابی سے مقررہ مدار میں داخل ہوا۔

لانچ لانگ مارچ کیریئر راکٹ سیریز کا یہ 498 واں مشن ہے۔

ہیوسٹن(شِنہوا) امریکی ریاست  ٹیکساس کے شہر فورٹ ورتھ میں 16ویں عالمی ووشو چیمپئن شپ میں 15 طلائی تمغے جیتنے کے دو دن بعد چین کی قومی ٹیم نے ہیوسٹن میں مارشل آرٹس کا مظاہرہ پیش  کیا۔

امریکی کانگریس کے رکن ال گرین نے پرفارمنس کے اختتام پر اسٹیج پرآکرچینی ٹیم کو خراج تحسین پیش کیا۔

ال گرین نے تماشائیوں سے کہا کہ انہوں نے آج رات چین کی قومی ٹیم کی پرفارمنس سے حقیقت میں لطف اٹھایا ہے کیا آپ چاہتے ہیں کہ چینی کھلاڑی دوبارہ یہاں آئیں  جس پرہجوم نے جوش و خروش سے جواب دیا۔

شو سے پہلے، چینی ٹیم نے مقامی شائقین کے ساتھ ووشو کی مشق بھی کی،جس  کے بارے میں ایک شخص محمد اللہ نے اسے "ایک مختصر تربیتی سیمینار" قرار دیا۔

ہیوسٹن میں مارشل آرٹس ثقافتی تبادلے کے پروگرام کے دوران مقامی ووشو کے شائقین اپنے فن کا مظاہرہ کر رہے ہیں۔(شِنہوا)

 ہیوسٹن کے وکیل محمد اللہ جنہوں نے نو سال پہلے ووشو سیکھنا شروع کیا تھا، نے شِنہوا کو بتایا کہ کھلاڑیوں نے ہمیں دکھایا کہ ہر فرد کن مخصوص چیزوں پر کام کر سکتا ہے نہ کہ صرف وہ چیزیں جو ہم معمول کے مطابق سیکھتے ہیں۔

محمد اللہ نے کہا کہ چینی کھلاڑی  آپ کو بالکل وہی بتائیں گے کہ آپ کو اپنی صلاحیت بہتر بنانے کے لیے کیا کرنے کی ضرورت ہے۔ وہ اس بات کو بہت واضح طور پر بتا سکتے ہیں۔

بیجنگ (شِنہوا) چین میں ایکسپریس وے شاہراوں کی لمبائی  2022 کے آخر تک 1لاکھ 77 ہزار کلومیٹر تک پہنچ گئی تھی جس سے چین دنیا میں سب سے طویل ایکسپریس وے شاہراہیں رکھنے والا ملک بن گیا ہے۔

وزارت ٹرانسپورٹ کے عہدیدار گو شینگ نے جمعرات کو ایک پریس کانفرنس میں بتایا کہ 2022 کے آخر تک، ملک میں شاہراہوں کی مجموعی لمبائی 53لاکھ 50ہزارکلومیٹر تک پہنچ گئی تھی اورشاہراوں کی لمبائی میں 10 سالوں میں 11لاکھ 20ہزار کلومیٹر کا اضافہ ہے۔

حالیہ برسوں میں، چین کے ہائی وے نیٹ ورک کی لمبائی اور معیاردونوں میں  مسلسل بہتری آئی ، جس میں ہائی وے کے متعدد بڑے منصوبے مکمل ہوئے ہیں۔ گو نے مزید کہا کہ مستقبل میں،چین اپنے ہائی وے نیٹ ورک کومزید بہتربناتے ہوئےلوگوں اور سامان کی نقل و حرکت کو یقینی بنانے کے لیے ایک جدید ہائی وے انفراسٹرکچر سسٹم بنانے کی کوشش کرے گا۔

بیجنگ(شِنہوا) چین کے اعلیٰ تعلیمی اداروں کے لیے  46  نئےغیر ملکی سائنسدانوں کا ماہرین تعلیم کے طور پرانتخاب کیا گیا ہے۔

چین کی اکیڈمی آف سائنسز (سی اے ایس ) نے 30 نئے غیر ملکی ماہرین تعلیم جبکہ اکیڈمی آف انجینئرنگ (سی اے ای ) نے 16غیر ملکی ماہرین تعلیم کو منتخب کیا۔

سی اے ایس کے نو منتخب غیر ملکی ماہرین تعلیم کا تعلق 22 ممالک سے ہے، جن میں سے پانچ بیلٹ اینڈ روڈ منصوبے میں شریک  ممالک سے ہیں۔سی اے ای کے نو منتخب غیر ملکی ماہرین تعلیم کا تعلق برطانیہ اور امریکہ سمیت آٹھ ممالک سے ہے۔

ہر دو سال بعد، سی اے ایس اور سی اے ای سائنس اور ٹیکنالوجی کے شعبے میں بین الاقوامی تبادلوں اور تعاون کو مضبوط کرنے کے لیے نئے غیر ملکی ماہرین تعلیم کا انتخاب کرتے ہیں۔ سی اے ایس اور سی اے ای میں اس  انتخاب کے بعدغیر ملکی ماہرین تعلیم کی تعداد بالترتیب 154 اور 124 تک پہنچ گئی ہے۔ 

سیول (شِنہوا) عوامی جمہوریہ  کوریا (ڈی پی آر کے) نےبین  الکوریائی فوجی معاہدے کے تحت معطل تمام فوجی اقدامات فوری بحال کرنے کا اعلان کیا ہے۔

سرکاری کورین سنٹرل نیوزایجنسی (کے سی این اے) کے مطابق ڈی پی آرکےکی وزارت دفاع نے یہ بیان جنوبی کوریا کی جانب سے ڈی پی آر کے کےجاسوسی سیٹلائٹ کی لانچنگ کے بعد فوجی حد بندی لائن کے ساتھ مسلح تصادم کے خطرے کو کم کرنے کے معاہدے کو جزوی طور پر معطل کرنے کے ایک دن بعد دیا۔

ڈی پی آر کے کی رپورٹ میں کہا گیا کہ سیٹلائٹ لانچ اپنے دفاع کے حق اور خودمختاری کے جائز اور منصفانہ استعمال سے متعلق ایک قدم ہے۔

بیان میں کہا گیا کہ ڈی پی آر کے  فوجی اقدامات کو واپس لے گا، جو زمینی، سمندری اور فضائی سمیت تمام شعبوں میں فوجی کشیدگی اور تصادم کو روکنے کے لیے اٹھائے گئے ہیں، اور ملٹری ڈیمارکیشن لائن کے ساتھ خطے میں زیادہ طاقتور مسلح افواج اور نئے قسم کے فوجی ہارڈویئر کو تعینات کرے گا۔

موغادیشو(شِنہوا) صومالیہ میں چینی سفارت خانے نے سیلاب سے متاثرہ صومالی شہریوں کی مدد کے لیے تقریباً 1لاکھ 40 ہزارڈالر کا عطیہ دیا ہے ، سیلاب سے ملک بھر میں 17لاکھ سے زیادہ افراد بے گھر ہوگئے ہیں۔

صومالیہ میں چین کے سفیرفیی  شینگ چھاو نے کہا کہ  یہ رقم ملک میں شدید بارشوں کے نتیجے میں آنے والے سیلاب سے متاثرہ  افراد کو امداد فراہم کرنے کے لیے استعمال کی جائے گی۔

سفیر نے کہا کہ  ہم نے صومالیہ کے شہریوں کو متعدد بار شدید سیلاب سے دوچار ہوتے دیکھا ہے۔  اکتوبر کے اوائل میں ملک میں شدید سیلاب آنے کے بعد چین صومالیہ کی براہ راست مدد کرنے والا پہلا ملک ہے۔

موغادیشو میں صحافیوں سے گفتگو کرتے ہوئے فیی نے کہا کہ چین نے صومالیہ کو ہنگامی امداد کے طور پر 10 لاکھ یوآن نقد رقم فراہم کرنے کا فیصلہ کیا ہے۔ مزید برآں، صومالیہ کی آفات سے نمٹنے کی کوششوں میں مدد کے لیے 1ہزار  ٹن سے زیادہ ہنگامی خوراک کی امداد جلد پہنچ جائے گی۔یہ اقدامات بنی نوع انسان کے ہم نصیب مستقبل کے ساتھ کمیونٹی کے وژن کو عملی جامہ پہنانے کی جانب ٹھوس اقدامات کی نمائندگی کرتے ہیں۔

شینژین (شِنہوا) چینی وزیر اعظم لی چھیانگ نے ہر لحاظ سے ایک جدید سوشلسٹ ملک  کی تعمیر کے لیے ترقی کے نئے محرکات کو فروغ دینے اور انسانی وسائل کی خدمات کے شعبے میں نئی کامیابیوں کے لیے کوششوں پر زور دیا ہے۔

کمیونسٹ پارٹی آف چائنہ کی مرکزی کمیٹی کے پولیٹیکل بیورو کی اسٹینڈنگ کمیٹی کے رکن وزیراعظم لی چھیانگ  نے انسانی وسائل کی خدمات کے شعبے کو ترقی دینے کے حوالے سے اپنی حالیہ ہدایات میں کہا کہ انسانی وسائل کی خدمات مارکیٹ پر مبنی روزگار کو بہتر بنانے اور جدید صنعتی نظام کی تعمیر کو فروغ دینے میں اہم کردار ادا کرتی ہیں۔

انہوں نے کہا کہ روزگار کی پہلی حکمت عملی سے رہنمائی حاصل کرنا، اعلیٰ سطح کے ڈیزائن کو مضبوط بنانا اور انسانی وسائل کی خدمات کے شعبے میں ترقی کے نئے محرکات پیدا کرنے کے لیے پالیسی سپورٹ کو بڑھانا ضروری ہے۔

وزیر اعظم نے کہا کہ منظم مسابقت کے ساتھ ایک منظم اور متحد انسانی وسائل کی مارکیٹ  بنانے کی کوشش کی جانی چاہیے، تاکہ مارکیٹ اور انسانی وسائل کے موثر استعمال کو تقویت ملے۔

ویانا(شِنہوا)  چین نے مشرق وسطیٰ کو جوہری ہتھیاروں اور بڑے پیمانے پر تباہی پھیلانے والے دیگر ہتھیاروں (ڈبلیو ایم ڈیز) سے پاک علاقہ بنانے  کے لیے مزید کوششوں کا مطالبہ کیا ہے۔

انٹرنیشنل اٹامک انرجی ایجنسی (آئی اے ای اے) میں چین کے مستقل نمائندے لی سونگ نے ایجنسی کے بورڈ آف گورنرزکے اجلاس میں کہا کہ مشرق وسطیٰ کو جوہری ہتھیاروں سے خطرہ نہیں ہونا چاہیے  یہ خطے کے ممالک کا مشترکہ مطالبہ ہے۔

لی نے کہا کہ چین جوہری ہتھیاروں اور دیگر ڈبلیو ایم ڈیز سے پاک مشرق وسطیٰ زون کے قیام کے لیے خطے کی کوششوں کی بھرپور حمایت کر رہا ہے۔

لی نے اسرائیل پر زور دیا کہ وہ جوہری ہتھیاروں سے پاک ریاست  کے طور پر جوہری ہتھیاروں کے عدم پھیلاؤ کے معاہدے (این پی ٹی) کی "جلد از جلد" توثیق اور  اپنی تمام جوہری تنصیبات کو آئی اے ای اے کے جامع سیف گارڈز کے تحت رکھے۔

انہوں نے خطے کے متعلقہ ممالک اور جوہری ہتھیار رکھنے والی ریاستوں پر زور دیا کہ وہ اپنی ذمہ داریوں کو نبھائیں اور اقوام متحدہ کے فریم ورک کے اندر جوہری ہتھیاروں اور دیگر ڈبلیو ایم ڈیز سے پاک مشرق وسطی کے قیام کے عمل میں حصہ لیں۔

بیجنگ(شِنہوا) پیپلز لبریشن آرمی (پی ایل اے )  نے کہا ہے کہ وہ بحیرہ جنوبی چین کے علاقے میں امن اور استحکام کے تحفظ کے لیے پرعزم ہے۔

پی ایل اے کی سدرن تھیٹر کمانڈ کے ترجمان نے جمعرات کو کہا کہ21 نومبر سے، تھیٹر کمانڈ کا ایک فریگیٹ بحیرہ جنوبی چین میں معمول کا گشت کر رہا ہے، جس کے دوران فلپائن نے بیرونی افواج کو علاقے میں گشت کرنے کی ترغیب دی اوراپنی سرگرمیوں میں اضافہ  کیا جس سے علاقائی امن و استحکام کو نقصان پہنچا اوربحیرہ جنوبی چین میں فریقین کے طرز عمل سے متعلق معاہدے کی خلاف ورزی کی گئی۔  ترجمان نے کہا کہ تھیٹر کمانڈ ہائی الرٹ ہے اور قومی خودمختاری اور سلامتی کے ساتھ ساتھ چین کے سمندری حقوق اور مفادات کے دفاع کے لیے پرعزم ہے۔

بیجنگ(شِنہوا) چین کی تجارتی کونسل نے کہا ہے کہ ملک کی درآمدات اور برآمدات کے اعداد و شمار میں مثبت رجحان کے ساتھ  اس نے غیر ملکی تجارتی کمپنیوں کو مارکیٹ کو وسعت دینے کے لیے سہولت فراہم کی ہے۔

چائنہ کونسل فار پروموشن آف انٹرنیشنل ٹریڈ کے ترجمان ژانگ شن نے جمعرات کو  پریس کانفرنس میں بتایا کہ پہلے 10 ماہ اور اکتوبر میں چین کی اشیا کی مجموعی غیر ملکی تجارت کی سالانہ نمو میں اضافہ ہوا ہے  جس سے ظاہر ہوتا ہے کہ اس شعبے میں مثبت عوامل جمع ہو رہے ہیں۔

ژانگ کے مطابق، تجارتی کونسل متنوع اقتصادی اور تجارتی فروغ کی سرگرمیوں کے ذریعےاپنی رفتار کو تیز کرے گی۔

ژانگ نے پہلی چائنہ انٹرنیشنل سپلائی چین ایکسپو کی تفصیلات سے آگاہ کیا جس میں 20 سے زیادہ مختلف سرگرمیوں کا انعقاد کیا جائے گا۔ان میں پالیسی تشریح، تبادلے وبات چیت اور ڈاکنگ مذاکرات شامل ہیں جن کا مقصد  50 سے زائد ممالک اور خطوں کی کمپنیوں کے درمیان تعاون کوفروغ دینا ہے۔

ژانگ نے کہا کہ تجارتی کونسل کمپنیوں کو مختلف ذرائع سے بیرون ملک نمائشوں میں شرکت کرنے یا منعقد کرنے میں مدد فراہم کرے گی۔

ہانگ کانگ (شِنہوا) ہانگ کانگ خصوصی انتظامی خطے کی حکومت اگلے 15 سے 20 سال کے دوران موسمیاتی تبدیلیوں کے خطرات دور کرنے اور موافق اقدامات  کے لئے تقریباً 30 ارب امریکی ڈالر مختص کرے گی۔

سیکرٹری خزانہ پال چھن نے ایشیا بحرالکاہل  کاروباری فورم 2023 میں بتایا کہ ہانگ کانگ کاربن خاتمے کی 4 بڑی حکمت عملیوں کو اپنانے کی منصوبہ بندی کررہا ہے جن میں خالص صفر بجلی کی پیداوار ، عمارتوں میں توانائی کی بچت، سبز نقل و حمل کا فروغ اور کچرے میں کمی شامل ہیں۔

انہوں نے یقین ظاہر کیا کہ حکومت کے ماحولیاتی بجٹ سے نجی شعبے میں سرمایہ کاری کو فروغ ملے گا کیونکہ کمپنیاں سبز طریقوں سے حاصل شدہ فوائد بارے تیزی سے آگاہی حاصل کررہی ہیں۔

چھن نے کہا کہ ہانگ کانگ نے کاربن کے خاتمے میں ایک طویل سفر طے کیا ہے ۔ رواں سال کی پہلی ششماہی میں ہانگ کانگ میں اندراج شدہ 60 فیصد سے زائد نجی گاڑیاں الیکٹرک تھیں۔

انہوں نے کہا کہ ہانگ کانگ خصوصی انتظامی خطے کی حکومت 2024 کے اوائل میں ہائیڈروجن کی ترقی بارے ایک حکمت عملی تیار کرے گی تاکہ ہائیڈروجن ایندھن کو صفر کاربن توانائی کے طور پر اپنایا جاسکے۔

بیجنگ (شِنہوا) چینی صدر شی جن پھنگ نے ہاویر مائلی کو ارجنٹائن کا صدر منتخب ہونے پر مبارکباد دی ہے۔

اپنے مبارکباد کے پیغام میں چینی صدر شی جن پھنگ نے کہا کہ چین اور ارجنٹائن دونوں بڑے ترقی پذیر ممالک اور ابھرتی معیشتیں ہیں جو  باہمی احترام، مساوات اور باہمی فائدے کے لیے پرعزم اور ایک دوسرے کے بنیادی مفادات بارے امور پر ایک دوسرے کی بھرپور حمایت کرتے ہیں۔

انہوں نے کہا کہ مختلف شعبوں میں عملی تعاون سے دونوں ممالک کے عوام کو ٹھوس فوائد حاصل ہوئے۔  چین ۔ ارجنٹائن دوستی نے دونوں ممالک کے عوام کے دلوں میں جڑیں گہری کردی ہیں اور انہیں آگے بڑھانے میں دونوں ممالک میں زندگی کے تمام شعبوں سے وابستہ افراد میں اتفاق رائے پایا جاتا ہے ۔

چینی صدر نے کہاکہ وہ چین ۔ ارجنٹائن تعلقات کی ترقی کو انتہائی قدر کی نگاہ سے دیکھتے  ہیں اور مائلی کے ساتھ ملکر کام کرنے کا خواہش مند ہیں تاکہ دوستی کو فروغ دیا جا  سکے۔ دونوں ممالک باہمی تعاون سے ترقی اور تجدید شباب کو فروغ دیکر چین ۔ ارجنٹائن تعلقات کو مضبوط اور پائیدار طریقے سے آگے بڑھاسکتے ہیں تاکہ دونوں ممالک کے عوام اچھے طریقے سے مستفید ہوسکیں ۔

بیجنگ (شِنہوا) چینی ساختہ بغیر پائلٹ جہاز نے بادل اور سمندری دھند کے مشاہدے کے لیے  بحیرہ زرد میں اپنا پہلا طویل مدتی سفر شروع کردیا ہے اور یہ اب تک 110 ناٹیکل میل کا فاصلہ طے کرچکا ہے۔

یہ بحری جہاز مشرقی صوبے جیانگ سو کی ایک بندرگاہ سے روانہ ہوا اور سمندر میں مسلسل 16 گھنٹے تک کام کر تا رہا، اس دوران سہ جہتی دھند اور بادل سے متعلق اعدادوشمار جمع کئے گئے۔

چینی موسمیاتی انتظامیہ نے بتایا کہ اس کامیاب لانچ سے ظاہر ہوتا ہے کہ جہاز سمندر میں وسیع پیمانے پر موسمیاتی اور ہائیڈرولوجیکل مشاہدات کی صلاحیت کا حامل ہے۔

چین میں موجودہ سمندری دھند کا مشاہدہ کرنے والے اسٹیشن ساحل کے قریب واقع ہیں جن کا سراغ لگانے کا دائرہ کار صرف چند کلومیٹر ہے  تاہم بغیر پائلٹ جہاز ساحل سے 180 ناٹیکل میل (330 کلومیٹر) تک مشاہدہ کرسکتا ہے۔

انتظامیہ کے مطابق بغیر پائلٹ جہاز موسمیاتی سیٹلائٹس اور ساحل پر موجود ریڈارز کے ساتھ ملکر آپریشن بھی کرسکتا ہے، مشاہدے کا علاقہ بڑھاسکتا اور درستگی کو بہتر کرسکتا ہے۔

جنیوا(شِنہوا) عالمی موسمیاتی تنظیم (ڈبلیو ایم او) کے سربراہ نے کہا ہے کہ کیلیفورنیا میں چین اور امریکہ کے صدور کے درمیان ہونے والی حالیہ ملاقات کا موسمیاتی تبدیلیوں سے نمٹنے کی عالمی کوششوں پر مثبت اثر پڑے گا۔

ڈبلیو ایم او کے سیکرٹری جنرل پیٹری ٹالاس نے شِنہوا کو دیے گئے  ایک حالیہ انٹرویو میں کہا کہ چین اور امریکہ کے درمیان بات چیت میں مثبت پیش رفت اہم ہے، کیونکہ دونوں بڑے ممالک عالمی سطح پر خاطر خواہ تبدیلی لانے کی صلاحیت رکھتے ہیں۔

دبئی میں اقوام متحدہ کے فریم ورک کنونشن آن کلائمیٹ چینج کی کانفرنس آف دی پارٹیز (کوپ28) کے 28ویں اجلاس سے قبل انہوں نے کہا کہ گرین انرجی کی صلاحیت کو بڑھانے کے لیے ان کا عزم 2015 کے پیرس معاہدے کے تعاون پر مبنی جذبے سے مطابقت رکھتا ہے۔

گزشتہ  ہفتے، ڈبلیو ایم او نے ایک رپورٹ جاری کی جس میں ماحول میں گرمی کی وجہ بننے والی گرین ہاؤس گیسوں کے بڑھتے ہوئے بحران کے بارے میں خبردار کیا گیا تھا۔

ٹالاس  نے کہا کہ کاربن ڈائی آکسائیڈ، میتھین اور نائٹرس آکسائیڈ سمیت کلیدی گرین ہاؤس گیسز ریکارڈ سطح تک بڑھ گئی ہیں،انہوں نے کہا کہ صنعتی سرگرمیوں سے کاربن اخراج میں مسلسل اضافہ ہونے کے ساتھ ساتھ موسمیاتی تبدیلیوں سے نمٹنے اور اس کو کم کرنے کے لیے ٹھوس کوششوں کی فوری ضرورت ہے۔

پیٹری ٹالاس  نے کہا کہ دنیا  کے پاس اب کاربن ڈائی آکسائیڈ کے اخراج کے مسئلے کو حل کرنے کے لیے جدید ٹیکنالوجیز موجود ہے، جن میں شمسی اور ہوا کی توانائی کی طرف منتقل ہونا شامل ہے جو ماحول دوست ہونے کے ساتھ سستی بھی ہیں۔

لاس اینجلس(شِنہوا)  امریکہ کی  نجی خلائی کمپنی اسپیس ایکس نے مزید 23 سٹار لنک سیٹلائٹ مدار میں بھیج دیے ہیں۔

اسپیس ایکس کے مطابق،گزشتہ  روزمشرقی وقت کے مطابق رات 2 بج کر47 منٹ

پر فلوریڈا کے کیپ کیناویرل اسپیس فورس اسٹیشن سے فالکن 9 راکٹ کے ذریعے سیٹلائٹس کو لانچ کیا گیا۔

فالکن 9 راکٹ کی پہلی سٹیج واپس بحراوقیانوس میں گراویٹاس ڈرون شپ کے اے  شارٹ فال پر اترگئی۔

کمپنی نے بعد میں 23 سیٹلائٹس کی مدار میں کامیابی سے پہنچنے کی تصدیق کی۔

 ہانگژو (شِنہوا) چین کی ڈیجیٹل تجارت نے 2022 کے دوران غیر معمولی ترقی کے ساتھ  اپنی عالمی مسابقت کو مسلسل بہترکیا ہے۔

وزارت تجارت (ایم او سی) کے عہدیداروانگ ڈونگ تانگ نے جمعرات کو مشرقی صوبے ژی جیانگ کے دارالحکومت ہانگژو میں دوسری عالمی ڈیجیٹل تجارتی نمائش کی افتتاحی تقریب میں کہا کہ2022 میں چین کی ڈیجیٹل خدمات کی تجارتی مالیت گزشتہ سال سے 3.4 فیصد بڑھ کر372ارب 71کروڑ ڈالر کی تاریخی بلندی پر پہنچ گئی ہے۔

وانگ نے 2022 میں چین کی ڈیجیٹل تجارت کی ترقی کے حوالے سے ایک رپورٹ جاری کرتے ہوئے کہا کہ اس مدت میں، سرحد پار ای کامرس کی درآمد اوربرآمد کا مجموعی حجم 21کھرب 10ارب یوآن (تقریباً296ارب30کروڑ ڈالر) تھا، جس میں  گزشتہ سال سے9.8 فیصد اضافہ ہوا۔

انہوں نے کہا کہ 2022 کے آخر تک، چینی ڈیجیٹل سروس پلیٹ فارم انٹرپرائزز کی تعداد جن کی انفرادی مارکیٹ ویلیو 1 ارب  ڈالرسے زیادہ ہے، 200 سے تجاوز کر چکی تھی۔

بیجنگ (شِنہوا) چین کی عوامی سیاسی مشاورتی کانفرنس کی گوئی ژو صوبائی کمیٹی کے سابق نائب چیئرمین ژو جیان چھون کے خلاف رشوت کے الزام میں مقدمہ کی کارروائی جاری ہے۔

سپریم پیپلز پروکیوریٹوریٹ کے بیان کے مطابق ژاؤ کا مقدمہ جنوب مغربی چھونگ چھنگ میونسپلٹی کے استغاثہ  نے نگران قومی کمیشن کی تحقیقات کے نتیجے میں شہر کی ثانوی عوامی عدالت میں دائر کیا ہے۔

ژو پر الزام ہے کہ اس نے گوئی ژو  میں اپنے مختلف سابقہ عہدوں کا فائدہ اٹھا کر دوسروں کے لیے منافع حاصل کیا اور بدلے میں خاص طور پر بڑی رقم اور قیمتی چیزیں قبول کیں۔

استغاثہ نے ملزم کو اس کے قانونی چارہ جوئی کے حقوق سے آگاہ کیا، اس سے پوچھ گچھ کی، اور وکیل  صفائی کی رائے سنی۔

بیجنگ (شِنہوا) چین کے سینئرقانون ساز ژاؤ لیجی نے جمعرات کو بیجنگ میں یوراگوئے کے صدر لوئس البرٹو لاکالے پو سے ملاقات کی جس میں دونوں ممالک کے قانون ساز اداروں کے درمیان تبادلوں کو بڑھانے پر زور دیاگیا۔

نیشنل پیپلز کانگریس (این پی سی) کی قائمہ کمیٹی کے سربراہ ژاؤ نے کہا کہ 35 سال قبل سفارتی تعلقات کے قیام کے بعد سے دونوں ممالک کے تعلقات بین الاقوامی منظر نامے میں ہونے والے تبدیلیوں کے ہرامتحان میں پورا اترے اور پرامن بقائے باہمی  اورمختلف سیاسی نظاموں اور معاشی سائز والے ممالک کے درمیان یکساں مفاد  پر مبنی تعاون کا ایک نمونہ بن گئے ہیں۔

ژاؤ نے کہا کہ دونوں سربراہان مملکت نے بدھ کو مشترکہ طورپر دوطرفہ جامع اسٹریٹجک شراکت داری کے قیام کا اعلان کیا، جوایک اہم سنگ میل ہے،دونوں ممالک کو دونوں سربراہان مملکت کی اسٹریٹجک رہنمائی پر عمل  کرتے ہوئے احترام، اعتماد اور ایک دوسرے کی حمایت اور مشترکہ طور پر بیلٹ اینڈ روڈ کو اعلیٰ معیار میں تعمیر کرنا چاہیے تاکہ دونوں ممالک کے عوام کو مزید فوائد حاصل ہوں۔

اس بات کا ذکر کرتے ہوئے کہ اگلے سال دونوں ممالک کے درمیان قانون سازی تبادلوں کی 65 ویں سالگرہ منائی جائے گی، ژاؤ نے کہا کہ چین کی این پی سی روایتی دوستی کو جاری رکھنے اور یوراگوئے کی جنرل اسمبلی کے ساتھ گہرے تبادلوں کے لیے تیار ہے، اور دو طرفہ عملی تعاون کے لیے ٹھوس قانونی ضمانت فراہم کرے گی۔

بیجنگ (شِنہوا) چین کے سینئرقانون ساز ژاؤ لیجی نے جمعرات کو بیجنگ میں یوراگوئے کے صدر لوئس البرٹو لاکالے پو سے ملاقات کی جس میں دونوں ممالک کے قانون ساز اداروں کے درمیان تبادلوں کو بڑھانے پر زور دیاگیا۔

نیشنل پیپلز کانگریس (این پی سی) کی قائمہ کمیٹی کے سربراہ ژاؤ نے کہا کہ 35 سال قبل سفارتی تعلقات کے قیام کے بعد سے دونوں ممالک کے تعلقات بین الاقوامی منظر نامے میں ہونے والے تبدیلیوں کے ہرامتحان میں پورا اترے اور پرامن بقائے باہمی  اورمختلف سیاسی نظاموں اور معاشی سائز والے ممالک کے درمیان یکساں مفاد  پر مبنی تعاون کا ایک نمونہ بن گئے ہیں۔

ژاؤ نے کہا کہ دونوں سربراہان مملکت نے بدھ کو مشترکہ طورپر دوطرفہ جامع اسٹریٹجک شراکت داری کے قیام کا اعلان کیا، جوایک اہم سنگ میل ہے،دونوں ممالک کو دونوں سربراہان مملکت کی اسٹریٹجک رہنمائی پر عمل  کرتے ہوئے احترام، اعتماد اور ایک دوسرے کی حمایت اور مشترکہ طور پر بیلٹ اینڈ روڈ کو اعلیٰ معیار میں تعمیر کرنا چاہیے تاکہ دونوں ممالک کے عوام کو مزید فوائد حاصل ہوں۔

اس بات کا ذکر کرتے ہوئے کہ اگلے سال دونوں ممالک کے درمیان قانون سازی تبادلوں کی 65 ویں سالگرہ منائی جائے گی، ژاؤ نے کہا کہ چین کی این پی سی روایتی دوستی کو جاری رکھنے اور یوراگوئے کی جنرل اسمبلی کے ساتھ گہرے تبادلوں کے لیے تیار ہے، اور دو طرفہ عملی تعاون کے لیے ٹھوس قانونی ضمانت فراہم کرے گی۔

ہانگ ژو (شِںہوا) چین کے مشرقی صوبے ژے جیانگ کے صدر مقام ہانگ ژو میں دوسری عالمی ڈیجیٹل تجارتی نمائش شروع ہوگئی جس کا مقصد عالمی ڈیجیٹل تجارتی تعاون کا فروغ ہے۔

نمائش میں 68 بین الاقوامی تنظیموں اور کاروباری ایسوسی ایشنز کے ساتھ ساتھ 800 سے زائد کاروباری ادارے شرکت کررہے ہیں، اس میں فن لینڈ اور جنوبی افریقہ مہمان ممالک کی حیثیت سے مدعو ہیں۔ نمائش کا موضوع " ڈیجیٹل تجارت، عالمی رسائی" ہے۔

اپنی نوعیت کی اس دوسری نمائش کا مجموعی رقبہ ایک لاکھ مربع میٹر ہے جس میں ایک جامع پویلین، دو خصوصی پویلین اور 4 ڈیجیٹل صنعت پویلین قائم کئے گئے ہیں ۔ تقریب میں 15 ہزار سے زائد پیشہ ور خریداروں کی شرکت متوقع ہے۔

یہ نمائش ڈیجیٹل تجارت کے قواعد و ضوابط، انتظام اور معیارات پر توجہ مرکوز کرے گی اور اس میں فورمز، صنعتی رابطہ اجلاس اور خصوصی سیمینارز کا انعقاد کیا جائے گا۔

نمائش 5 روز جاری رہے گی جس میں سرحد پار ڈیٹا بہاؤ، ڈیجیٹل مالیات اور ڈیجیٹل تحفظ حکمرانی جیسے اہم موضوعات پر تبادلہ خیال کیا جائے گا۔ نمائش میں 100 سے زائد سرگرمیوں کے ساتھ ساتھ ڈیجیٹل تجارت میں 100 سے زائد کٹنگ ایج مصنوعات اور خدمات کا اجراء متوقع ہے۔

افتتاحی تقریب میں  نائب وزیر تجارت گو ٹنگ ٹنگ نے بتایا کہ ڈیجیٹل تجارت حالیہ برسوں میں چین کے تجارتی ذرائع میں اہم ستون کے طور پر ابھری ہے۔ 2022  کے دوران ڈیجیٹل خدمات کی تجارت 372.7 ارب امریکی ڈالر کی ریکارڈ سطح پر پہنچ چکی تھی۔

ژے جیانگ کی صوبائی حکومت اور چینی وزارت تجارت نمائش کی مشترکہ طور پر میزبانی کررہی ہیں۔

ہاربن (شِنہوا) چین کے انتہائی شمالی صوبے حئی لونگ جیانگ میں رواں سال کے ابتدائی 10 ماہ کے دوران اشیاء کی بیرونی تجارت 14.5 فیصد اضافے سے 241.94 ارب یوآن (33.83 ارب امریکی ڈالرز) رہی۔

ہاربن کسٹمز کے مطابق اس مدت کے دوران حئی لونگ جیانگ کی درآمدات گزشتہ برس کی نسبت 6.8 فیصد اضافے سے 182.08 ارب یوآن رہیں جبکہ برآمدات 46.5 فیصد بڑھ کر 59.86 ارب یوآن رہیں۔

بیلٹ اینڈ روڈ شراکت دار ممالک کے ساتھ صوبے کی تجارت 204.37 ارب یوآن تک پہنچ گئی۔یہ گزشتہ برس کی نسبت 14.5 فیصد زائد ہے جو کہ صوبے کے مجموعی بیرونی تجارتی حجم کا 84.5 فیصد ہے۔ علاقائی جامع اقتصادی شراکت داری ارکان کے ساتھ اس کی تجارت 19.3 فیصد اضافے سے 21.62 ارب یوآن رہی۔

اس عرصے میں میکینکل اور الیکٹریکل مصنوعات، مزدوری سے متعلق مصنوعات اور زرعی مصنوعات کی برآمد میں مضبوط ترقی برقرار رہی جبکہ  صوبے میں زرعی مصنوعات، دھات اور خام لوہے کی درآمدات میں اضافہ ہوا۔

بیجنگ (شِنہوا) چین کے اعلیٰ تعلیمی اداروں نے 133 سائنسدانوں کو نئے ماہرین تعلیم کے طور پر منتخب کرلیا ہے جو ملک کے سائنس ٹیکنالوجی شعبوں میں سب سے بڑا تعلیمی اعزازی خطاب ہے۔

چینی اکیڈمی برائے سائنس (سی اے ایس) نے 59 نئے ماہرین تعلیم جبکہ چینی اکیڈمی برائے انجینئرنگ (سی اے ای) نے 74 نئے ماہرین تعلیم منتخب کئے ہیں۔

ماہرین تعلیم کا تازہ ترین انتخاب ان محققین میں سے کیا گیا ہے جو بنیادی سائنسی شعبوں، بنیادی و ابھرتے مضامین اور بین المضامین شعبوں میں کام کرتے ہیں اور جن کی ملک کو فوری ضرورت ہے۔

اس میں قومی دفاع اور سلامتی میں نمایاں کردارادا کرنے والوں، بڑے قومی تحقیقی کاموں اور سائنس ٹیکنالوجی بنیادی ڈھانچے کے تعمیری منصوبوں کو پایہ تکمیل تک پہنچا نے والے سا ئنسدانوں کو ترجیح دی جاتی ہے۔

اس انتخاب کے بعد چینی اکیڈمی برائے سائنس اور چینی اکیڈمی برائے انجینئرنگ (سی اے ای) کے ماہرین تعلیم کی تعداد بالترتیب 873 اور 978 ہوگئی ہے۔

بیجنگ (شِںہوا) چین کے صدر شی جن پھنگ نے یوراگوئے کے صدر لوئس البرٹو لا کلے پو سے بیجنگ میں بات چیت کی  ہے۔

اس موقع پر دونوں سربراہان مملکت نے دوطرفہ تعلقات کو جامع اسٹریٹجک شراکت داری تک بڑھانے کا اعلان کیا۔

چین، دارالحکومت بیجنگ میں چین کے صدر شی جن پھنگ نے بات چیت سے قبل عظیم عوامی ہال کے شمالی ہال میں یوراگوئے کے صدر لوئس البرٹو لاکلے پو  کے اعزاز میں ایک استقبالیہ تقریب کا اہتمام کیا۔ (شِںہوا)

چین، دارالحکومت بیجنگ میں چین کے صدر شی جن پھنگ نے بات چیت سے قبل عظیم عوامی ہال کے شمالی ہال میں یوراگوئے کے صدر لوئس البرٹو لاکلے پو  کے اعزاز میں ایک استقبالیہ تقریب کا اہتمام کیا۔ (شِںہوا)

چین، دارالحکومت بیجنگ میں چین کے صدر شی جن پھنگ نے بات چیت سے قبل عظیم عوامی ہال کے شمالی ہال میں یوراگوئے کے صدر لوئس البرٹو لاکلے پو  کے اعزاز میں ایک استقبالیہ تقریب کا اہتمام کیا۔ (شِںہوا)

چین، دارالحکومت بیجنگ کےعظیم عوامی ہال میں چین کے صدر شی جن پھنگ نے یوراگوئے کے صدر لوئس البرٹو لاکلے پو سے بات چیت کی۔ (شِںہوا)

بیجنگ (شِںہوا) چین کے صدر شی جن پھنگ نے یوراگوئے کے صدر لوئس البرٹو لا کلے پو سے بیجنگ میں بات چیت کی  ہے۔

اس موقع پر دونوں سربراہان مملکت نے دوطرفہ تعلقات کو جامع اسٹریٹجک شراکت داری تک بڑھانے کا اعلان کیا۔

چین، دارالحکومت بیجنگ میں چین کے صدر شی جن پھنگ نے بات چیت سے قبل عظیم عوامی ہال کے شمالی ہال میں یوراگوئے کے صدر لوئس البرٹو لاکلے پو  کے اعزاز میں ایک استقبالیہ تقریب کا اہتمام کیا۔ (شِںہوا)

چین، دارالحکومت بیجنگ میں چین کے صدر شی جن پھنگ نے بات چیت سے قبل عظیم عوامی ہال کے شمالی ہال میں یوراگوئے کے صدر لوئس البرٹو لاکلے پو  کے اعزاز میں ایک استقبالیہ تقریب کا اہتمام کیا۔ (شِںہوا)

چین، دارالحکومت بیجنگ میں چین کے صدر شی جن پھنگ نے بات چیت سے قبل عظیم عوامی ہال کے شمالی ہال میں یوراگوئے کے صدر لوئس البرٹو لاکلے پو  کے اعزاز میں ایک استقبالیہ تقریب کا اہتمام کیا۔ (شِںہوا)

چین، دارالحکومت بیجنگ کےعظیم عوامی ہال میں چین کے صدر شی جن پھنگ نے یوراگوئے کے صدر لوئس البرٹو لاکلے پو سے بات چیت کی۔ (شِںہوا)

بیجنگ (شِنہوا) چین کے صدر شی جن پھنگ نے دوسری عالمی ڈیجیٹل تجارتی نمائش کو مبارکباد کا خط بھیجا ہے جو کہ مشرقی صوبے ژے جیانگ کے صدر مقام ہانگ ژو میں 23 سے 27 نومبر تک منعقد ہو  رہی ہے۔

چینی صدر   نے خط میں کہا ہے کہ عالمی سطح پر ڈیجیٹل تجارت میں تیزی سے اضافہ عالمی تجارت کا ایک روشن پہلو ہے۔

انہوں نے کہا کہ حالیہ برسوں میں چین نے اعلیٰ معیار کے بین الاقوامی اقتصادی اور تجارتی قوانین کے ساتھ فعال طریقے سے ہم آہنگی پیدا کی ہے، اپنا ڈیجیٹل تجارتی حکمرانی نظام قائم کیا اور اسے بہتر کرکے ڈیجیٹل تجارت میں اصلاحات اور اختراع کو فروغ دیا۔

چینی صدر نے کہا کہ چین ایسا کر تے ہوئے اپنی نئی ترقی کے ساتھ دنیا کو نئے مواقع فراہم کررہا ہے۔

انہوں نے تعاون، مشترکہ ترقی اور مشترکہ فوائد کو فروغ دینے، مشترکہ ترقی میں ڈیجیٹل تجارت کو ایک نئے انجن میں تبدیل کرنے اور عالمی اقتصادی ترقی میں نئی تحریک پیدا کرنے میں نمائش کا بھرپور استعمال کرنے پر زور دیا۔

نمائش کی میزبانی ژے جیانگ کی صوبائی حکومت اور وزارت تجارت مشترکہ طور پر کررہی ہے۔ نمائش کا موضوع " ڈیجیٹل تجارت، عالمی رسائی" ہے۔