اقوام متحدہ (شِنہوا) چین نے بین الاقوامی برادری سے حقیقی کثیرالجہتی پر عمل اور پناہ گزینوں کی امداد کے لیے ہم آہنگی پیدا کرنے کا مطالبہ کیاہے۔

اقوام متحدہ میں چین کے نائب مستقل نمائندے گینگ شوانگ نے کہا کہ دنیا میں اس وقت، بڑھتے ہوئے جغرافیائی سیاسی تنازعات، سست عالمی اقتصادی بحالی اور بار بار آنے والی قدرتی آفات کی وجہ سے پناہ گزینوں کو  پیچیدہ حالات اور خوفناک چیلنجز کا سامنا ہے۔ اس کے ساتھ  انسانی ہمدردی کی بنیاد پر ضروریات اور مطلوبہ  فنڈنگ میں فرق بڑھتا جا رہا ہے۔ بہت سی امدادی ایجنسیاں اپنی خدمات ختم کرنے پر مجبور ہوگئی ہیں اور لاتعداد خاندان انتہائی سخت حالات میں زندگی گزارنے پر مجبور ہیں۔

چینی سفیر نے کہا کہ  بین الاقوامی برادری کو حقیقی کثیرالجہتی پر عمل کرتے ہوئے انسانیت کے جذبے کو آگے بڑھانا چاہیے، وسائل کو متحرک  اور کثیرالجہتی اداروں جیسے کہ اقوام متحدہ کے ہائی کمشنر برائے مہاجرین (یو این ایچ سی آر) کی مدد میں ممکنہ حد تک ہم آہنگی پیدا کرنا چاہیے۔

اقوام متحدہ(شِنہوا) اقوام متحدہ کے سیکرٹری جنرل انتونیو گوتریس نے شہروں کے عالمی دن کے موقع پر کہا ہے کہ شہر پائیدار ترقی، اقتصادی ترقی اور جدت کو فروغ دینے میں اہم کردار ادا کررہے ہیں۔

اپنے پیغام میں انہوں نے کہا کہ شہروں کا عالمی دن اس بات پر غور کرنے کا وقت ہے کہ شہر پائیدار ترقی میں اہم کردار ادا کرتے ہیں، انہوں نے مزید کہا کہ شہر نہ صرف اقتصادی پاور ہاؤس ہیں بلکہ عالمی ہنگامی صورتحال سے نمٹنے کے لیے بھی اہم ہیں۔

اقوام متحدہ کے سربراہ  نے کہا کہ شہروں کو موسمیاتی تبدیلی سے لے کر بڑھتی ہوئی سماجی تفریق اور سیاسی تقسیم کے پیچیدہ چیلنجز کا سامنا ہے۔

آج، دنیا کی نصف سے زیادہ آبادی شہری زندگی اختیار کرچکی ہے اور اقوام متحدہ کے انسانی آبادکاری پروگرام کے تخمینہ  کے مطابق 2050 تک تقریباً 70 فیصد لوگ شہروں میں قیام پذیر ہوں گے۔

واشنگٹن(شِنہوا) امریکی تحقیقاتی ادارے، فیڈرل بیورو آف انویسٹی گیشن (ایف بی آئی) کے ڈائریکٹر کرسٹوفر رے نے خبردار کیا کہ حماس اسرائیل تنازعہ سے امریکہ میں تشدد کے ممکنہ خطرات گزشتہ کئی سالوں کے مقابلے میں بہت زیادہ حد تک بڑھ گئے ہیں۔

ایف بی آئی کے ڈائریکٹرنے کانگریس کی سماعت کے دوران اپنے بیان میں کہا کہ اس بات کا اندازہ ہے کہ حماس اور اس کے اتحادیوں کے اقدامات ایک ایسی تحریک کے طور پر کام کریں گے جو ہم نے کئی سال قبل داعش کی نام نہاد خلافت کے آغاز کے بعد سے نہیں دیکھے۔

انہوں  نے کہا کہ متعدد غیر ملکی دہشت گرد تنظیموں نے اس ماہ کے شروع میں غزہ میں تازہ ترین لڑائی کے آغاز کے بعد سے امریکیوں اور مغرب کے خلاف حملوں کا مطالبہ کیا تھا، جس سے مقامی امریکی متشدد انتہا پسندوں کی طرف سے لاحق خطرہ بڑھ گیا ہے۔

بیجنگ (شِنہوا) چین میں طبی اداروں کی صحت سے متعلقہ  خدمات  میں 2023 کے دوران نمایاں بہتری  آئی ہے۔

نیشنل ہیلتھ کمیشن (این ایچ سی) کے اعدادوشمار کے مطابق جنوری سے ستمبر تک چین میں طبی اداروں میں میڈیکل  دوروں کی تعداد 5ارب 11کروڑ رہی۔ جبکہ اس عرصے میں صحت یابی  کے بعد ڈسچارج ہونے والے مریضوں کی تعداد22کروڑ رہی۔

این ایچ سی  کے ڈپٹی ڈائریکٹر لیی ہائی چھاو کا کہنا ہے کہ اعدادوشمارسے ظاہر ہوتا ہے کہ صحت کی خدمات کے لیے لوگوں کی ضروریات کو مؤثر طریقے سے پورا کیا گیا  اور یہ خدمات زیادہ بہتر طریقے کے ساتھ فراہم کی گئیں۔

این ایچ سی کے عہدیداروانگ بن نے کہا کہ بنیادی سطح پر فراہم کی جانے والی صحت عامہ کی بنیادی خدمات میں بھی بہتری آئی۔ 2023 کی پہلی ششماہی میں، 65 سال یا اس سے زیادہ عمر کے تقریباً 9کروڑ افراد نے صحت کی  خدمات حاصل کیں، جو گزشتہ سال کی اسی مدت کے مقابلے میں 40 فیصد زیادہ ہے۔

بیجنگ (شِنہوا) چین کے نائب صدر ہان ژینگ نے بدھ کو بیجنگ میں کینیڈا کے سابق وزیر اعظم جین کریٹین سے ملاقات کی۔

ہان ژینگ نے جین کریٹین سے گفتگو کرتے ہوئے کہا کہ آپ چینی عوام کے دیرینہ اور ایک اچھے دوست ہیں۔ آپ نے بطور وزیر اعظم جو دس سال خدمات انجام دیں وہ دو طرفہ تعلقات کی 'سنہری دہائی' تھی اورعہدہ چھوڑنے کے بعد  بھی آپ نے چین-کینیڈا دوستی کے فروغ کے لیے اپنی کوششیں جاری رکھی ہیں۔

اس بات کا ذکر کرتے ہوئے کہ دونوں ممالک کے درمیان سفارتی تعلقات قائم ہوئے نصف صدی سے زیادہ عرصہ گزر چکا ہے ہان نے کہا کہ چین اور کینیڈا کے مضبوط اور مستحکم تعلقات نہ صرف دونوں ممالک اور عوام کے بنیادی مفادات کو پورا کرتے ہیں بلکہ عالمی امن اور ترقی میں بھی معاون ہیں۔

چینی نائب صدر نے مزید کہا کہ اثر و رسوخ کے حامل بڑے ممالک کے طور پر، چین اور کینیڈا کو موسمیاتی تبدیلی اور دیگر عالمی چیلنجز سے نمٹنے کے لیے ہم آہنگی اور تعاون کو مضبوط کرنے کی ضرورت ہے۔

اصلاحات اور کھلے پن کی چین کی بنیادی ریاستی پالیسی کے حوالے سے ہان نے کینیڈین کمپنیوں کی چین میں سرمایہ کاری اور ترقی کے مواقع میں اشتراک کا خیرمقدم کیا۔

بیجنگ (شِنہوا) چین کے نائب صدر ہان ژینگ نے بدھ کو بیجنگ میں کینیڈا کے سابق وزیر اعظم جین کریٹین سے ملاقات کی۔

ہان ژینگ نے جین کریٹین سے گفتگو کرتے ہوئے کہا کہ آپ چینی عوام کے دیرینہ اور ایک اچھے دوست ہیں۔ آپ نے بطور وزیر اعظم جو دس سال خدمات انجام دیں وہ دو طرفہ تعلقات کی 'سنہری دہائی' تھی اورعہدہ چھوڑنے کے بعد  بھی آپ نے چین-کینیڈا دوستی کے فروغ کے لیے اپنی کوششیں جاری رکھی ہیں۔

اس بات کا ذکر کرتے ہوئے کہ دونوں ممالک کے درمیان سفارتی تعلقات قائم ہوئے نصف صدی سے زیادہ عرصہ گزر چکا ہے ہان نے کہا کہ چین اور کینیڈا کے مضبوط اور مستحکم تعلقات نہ صرف دونوں ممالک اور عوام کے بنیادی مفادات کو پورا کرتے ہیں بلکہ عالمی امن اور ترقی میں بھی معاون ہیں۔

چینی نائب صدر نے مزید کہا کہ اثر و رسوخ کے حامل بڑے ممالک کے طور پر، چین اور کینیڈا کو موسمیاتی تبدیلی اور دیگر عالمی چیلنجز سے نمٹنے کے لیے ہم آہنگی اور تعاون کو مضبوط کرنے کی ضرورت ہے۔

اصلاحات اور کھلے پن کی چین کی بنیادی ریاستی پالیسی کے حوالے سے ہان نے کینیڈین کمپنیوں کی چین میں سرمایہ کاری اور ترقی کے مواقع میں اشتراک کا خیرمقدم کیا۔

تائی یوآن (شِنہوا) چین نے شمالی صوبے شنشی میں تائی یوآن  سیٹلائٹ لانچ سنٹر سے بدھ  کو ایک سیٹلائٹ کامیابی کے ساتھ مدار میں بھیج دیا ہے۔

لانگ مارچ-6 کیریئر راکٹ کا ترمیم شدہ ورژن سیٹلائٹ تیان ہوئی-5 کو صبح 6 بج کر50منٹ(بیجنگ ٹائم) پر خلا میں لے کر روانہ ہوا۔

سیٹلائٹ اپنے مقررہ  مدار میں کامیابی سے داخل ہوا۔سیٹلائٹ  کو جغرافیائی نقشہ سازی، زمینی وسائل کے سروے، سائنسی تجربات اور دیگر مشنز کے لیے استعمال کیا جائے گا۔

لانچ لانگ مارچ راکٹ سیریز کا یہ 494 واں مشن تھا۔

شی آن (شِنہوا) قدیم دیواروں اور قلعوں سے متعلق انٹرنیشنل الائنس کانفرنس2023  بدھ کو چین  کے شمال مغربی صوبے شانشی کے دارالحکومت شی آن میں شروع ہوگئی۔

"قدیم دیواروں کا تحفظ اور پائیدار ترقی" کے عنوان سے دو روزہ کانفرنس میں دنیا بھر میں قدیم دیواروں اور قلعوں کے تحفظ کی تازہ ترین کوششوں کو اجاگر اور ثقافتی آثار کے تحفظ کے لیے جدید، جامع طریقوں پر تبادلہ خیال کیا جائے گا۔

قدیم دیواروں اور قلعوں کی 10 گورننگ ایجنسیوں کے 40 سے زائد ماہرین کانفرنس میں شرکت کر رہے ہیں۔

شی آن سٹی وال کی انتظامی کمیٹی کے عہدیدار وانگ ژی وین نے کہا کہ توقع  ہے کہ کانفرنس سے  دنیا بھر میں قدیم دیواروں اور قلعوں کی حفاظت اور ان کے عالمی اثر و رسوخ کو بڑھانے کے لیےکوشاں اداروں کے درمیان ایک دوسرے سے سیکھنے کے عمل  کو فروغ  ملے گا۔

تہران(شِنہوا)  ایرانی وزیر داخلہ احمد واحدی نے کہا ہے کہ گزشتہ دنوں عراق اور شام میں امریکی فوجی اڈوں پر ہونے والے حملوں کا تعلق ایران سے نہیں ہے۔

ایرانی اسٹوڈنٹس نیوز ایجنسی کو انٹرویو دیتے ہوئے  انہوں نے واشنگٹن کے ان الزامات کو مسترد کیا کہ علاقائی ممالک میں قائم امریکی اڈوں پر امریکہ مخالف گروپوں کے حملوں کے پیچھے تہران کا ہاتھ ہے۔

واحدی نے کہا کہ اسرائیل غزہ میں اپنے جرائم کا ارتکاب امریکی آشیرباد سے کر رہا ہے اور امریکہ کو کہیں بھی "بنیادی مجرم" کے طور پر نشانہ بنایا جا سکتا ہے کیونکہ وہ "تصادم کا اصل ذمہ دار ہے۔"  

گزشتہ دنوں شام اور عراق میں امریکی اڈوں کو متعدد حملوں کا نشانہ بنایا گیا، جس کا الزام واشنگٹن نے "ایران نواز جنگجوؤں" پر عائد کیا تھا۔

بیجنگ (شِنہوا) چین نے کیوبا کے وزیراعظم مینوئل ماریروکے 2 سے 9 نومبر تک دورے اور 6ویں چائنہ انٹرنیشنل امپورٹ ایکسپو (سی آئی آئی ای) میں شرکت کا خیرمقدم کیا ہے۔

وزارت خارجہ کے ترجمان وانگ وین بن نے بدھ کو روزانہ کی پریس کانفرنس میں اس سے متعلقہ ایک سوال کا جواب دیتے ہوئے کہا کہ چین اس دورے کو کیوبا کے ساتھ تعلقات کو مستحکم کرنے کا ایک موقع سمجھتا ہے۔

ترجمان نے کہا کہ وزیر اعظم کا عہدہ سنبھالنے کے بعد ماریرو کا چین کا یہ پہلا دورہ ہوگا۔ چینی رہنما دو طرفہ تعلقات کے ساتھ ساتھ باہمی دلچسپی کے بین الاقوامی اور علاقائی امور پرتفصیلی  تبادلہ خیال کے لیے ان سے ملاقات اور بات چیت کریں گے۔

وانگ نے کہا کہ وزیر اعظم ماریرو کا دورہ دونوں سربراہان مملکت کے درمیان طے پانے والے اہم اتفاق رائے کو مزید عملی جامہ پہنانے اور چین-کیوبا تعلقات کو مزید مضبوط بنانے کے لیے  انتہائی اہمیت کا حامل ہے، اور یہ کہ کیوبن صدر میگوئل ڈیاز کینیل کے گزشتہ نومبر میں چین کے سرکاری دورہ  کے بعد سے دونوں ممالک کے درمیان تین اہم اعلیٰ سطحی تبادلے ہوئے ہیں۔

ترجمان نے کہا کہ چین اور کیوبا ایک دوسرے کا ساتھ دیتے ہوئے اچھے دوست  اور اچھے ساتھی ہیں جو ایک جیسے نظریات اور عقائد رکھتے ہیں۔

بیجنگ (شِنہوا) چین نے کیوبا کے وزیراعظم مینوئل ماریروکے 2 سے 9 نومبر تک دورے اور 6ویں چائنہ انٹرنیشنل امپورٹ ایکسپو (سی آئی آئی ای) میں شرکت کا خیرمقدم کیا ہے۔

وزارت خارجہ کے ترجمان وانگ وین بن نے بدھ کو روزانہ کی پریس کانفرنس میں اس سے متعلقہ ایک سوال کا جواب دیتے ہوئے کہا کہ چین اس دورے کو کیوبا کے ساتھ تعلقات کو مستحکم کرنے کا ایک موقع سمجھتا ہے۔

ترجمان نے کہا کہ وزیر اعظم کا عہدہ سنبھالنے کے بعد ماریرو کا چین کا یہ پہلا دورہ ہوگا۔ چینی رہنما دو طرفہ تعلقات کے ساتھ ساتھ باہمی دلچسپی کے بین الاقوامی اور علاقائی امور پرتفصیلی  تبادلہ خیال کے لیے ان سے ملاقات اور بات چیت کریں گے۔

وانگ نے کہا کہ وزیر اعظم ماریرو کا دورہ دونوں سربراہان مملکت کے درمیان طے پانے والے اہم اتفاق رائے کو مزید عملی جامہ پہنانے اور چین-کیوبا تعلقات کو مزید مضبوط بنانے کے لیے  انتہائی اہمیت کا حامل ہے، اور یہ کہ کیوبن صدر میگوئل ڈیاز کینیل کے گزشتہ نومبر میں چین کے سرکاری دورہ  کے بعد سے دونوں ممالک کے درمیان تین اہم اعلیٰ سطحی تبادلے ہوئے ہیں۔

ترجمان نے کہا کہ چین اور کیوبا ایک دوسرے کا ساتھ دیتے ہوئے اچھے دوست  اور اچھے ساتھی ہیں جو ایک جیسے نظریات اور عقائد رکھتے ہیں۔

جوبا(شِنہوا) اقوام متحدہ کے ہائی کمشنر برائے مہاجرین (یو این ایچ سی آر) نے کہا ہے کہ تنازعات کے حل سے متعلق امن معاہدے کی بحالی پر اتفاق ہونے کے بعد اکتوبر 2018 سے ستمبر 2023 تک کے پانچ سالوں میں 9 لاکھ 97ہزار743پناہ گزین جنوبی سوڈان میں واپس اپنے گھر آگئے ہیں۔

یو این ایچ سی آر  کے مطابق،انٹرویو کیے گئے  51 فیصد پناہ گزینوں نے کہا کہ وہ جنوبی سوڈان واپس آئے کیونکہ ملک میں سیکورٹی کی صورتحال بہتر ہوئی ہے۔ واپس آنے والوں میں سے 41 فیصد نے کہا کہ وہ جنوبی سوڈان میں اپنے خاندان کے افراد کے ساتھ دوبارہ ملنا چاہتے  تھے۔ 26 فیصد نے واپسی کی وجہ ملک میں خدمات کی بہتر دستیابی کو وجہ قرار دیا۔

اقوام متحدہ کی ایجنسی نے دارالحکومت جوبا میں جاری اپنے تازہ ترین سروے میں کہا کہ 2023 کی تیسری سہ ماہی کے دوران، بالائی نیل، شمالی بحر الغزل، مغربی بحر الغزل، لیکس ، جونگلی، وسطی استوائی،مشرقی استوائی،مغربی استوائی،یونٹی اور وارپ  کی 10ریاستوں میں 2ہزار646 گھرانوں کےتقریباً12ہزار224 افراد کا انٹرویو کیا گیا۔

یروشلم(شِنہوا)  اسرائیلی فوج نے شمالی غزہ کی پٹی میں حماس کے عسکریت پسندوں کے ساتھ جھڑپوں میں اپنے  9 فوجیوں کی ہلاکت کی تصدیق کی ہے۔

فوج نے بدھ کو ایک بیان میں کہا ہے کہ یہ فوجی منگل کو اس وقت مارے گئے، جب اسرائیل محصور فلسطینی علاقے میں اپنی زمینی کارروائی میں پیش قدمی کررہاتھا۔ مرنے والوں میں سات کا تعلق  گیواتی بریگیڈ جبکہ  باقی دو آرمرڈ ڈویژن سے تھے۔  

غزہ میں  وزارت صحت کے مطابق، 7 اکتوبر سے شروع ہونے والے اسرائیل اور حماس تنازعہ کے آغاز سے اب تک غزہ میں اسرائیلی حملوں میں کم از کم 8ہزار525 فلسطینی جاں بحق ہو چکے ہیں۔

اسرائیلی فوج کے مطابق لڑائی میں اسرائیل میں کم از کم1ہزار400 افراد ہلاک ہو چکے ہیں۔

بیجنگ (شِنہوا) چین کے تیان گونگ خلائی اسٹیشن سے سائنسی تجربات کے نمونوں کی 5 ویں کھیپ شین ژو-16 کے عملے کے ساتھ واپس بیجنگ پہنچ گئی۔

سائنسی تجربات کے 19 نمونے زمین پر واپس آئے ہیں جن کا وزن تقریباً 25 کلوگرام تھا۔ ان میں جگر کے خلیات، پروٹین اور نیوکلیک ایسڈ، آربیڈوپسس پودے، چاول کے بیج، تابکاری کے خلاف مزاحمت کرنے والے جراثیم اور کچھ کیمیائی مواد شامل ہیں۔

انہیں چائنیز اکیڈمی آف سائنسز کے ماتحت ٹیکنالوجی اینڈ انجینئرنگ سینٹر فار اسپیس یوٹیلائزیشن پہنچادیا گیا ہے۔

اکیڈمی نے کہا کہ سائنسدان ان نمونوں پر زندگی اور مادی تجربات کریں گے تاکہ مائیکرو گریویٹی ماحول کے اثرات کا مطالعہ کیا جاسکے۔

چین کے شمالی اندرون منگولیا خود اختیار خطے کے ڈونگ فینگ لینڈنگ مقام پر منگل کی صبح شین ژو-16 انسان بردار خلائی جہاز کا واپسی کیپسول اترا تھا جس میں خلاباز جینگ ہائی پھنگ ، ژو یانگ ژو اور گوئی ہائی چھاؤ سوار تھے۔ 

انہوں نے 5 ماہ خلا میں رہتے ہوئے اپنا مشن پورا کیا تھا۔

قاہرہ (شِنہوا) مصر کے ایک ماہر نے کہاہے کہ چین میں آئندہ دنوں میں منعقد ہونے والی  چھٹی چائنہ انٹرنیشنل امپورٹ ایکسپو (سی آئی آئی ای) روایتی نمائشوں سے بڑھ کرہو گی جو مزید کھلی دنیا میں دقیانوسی تصورات کے خاتمے کے لیے  "عالمی تجارت اور اقتصادی عالمگیریت کو متحرک کرنے کا  ایک روشن موقع " فراہم کرے گی۔

قاہرہ میں عرب سنٹر فارریسرچ اینڈ اسٹڈیز کے مشیر ابو بکر الدیب نے شِنہوا کو دیے گئے ایک انٹرویو میں کہا کہ  سی آئی آئی ای بین الاقوامی تجارتی تبادلوں اور نقل و حرکت کو بڑھانے کا ایک بہترین موقع ہے۔

شنگھائی میں 5سے 10 نومبر تک  ہونے والی اس نمائش میں 154 ممالک، خطوں اور بین الاقوامی تنظیموں کے نمائندوں کی شرکت متوقع ہے۔ 3ہزار400 سے زیادہ نمائش کنندگان اور 3لاکھ94ہزار پیشہ ور افراد نے اس تقریب میں شرکت کے لیے رجسٹریشن کرائی ہے، یہ تعداد وبا سے پہلے کی سطح پر مکمل بحالی کی نمائندگی کرتے ہیں۔

الدیب کا کہنا ہے کہ سی آئی آئی ای بین الاقوامی کمپنیوں، ابھرتے ہوئے کاروباری اداروں اور درمیانے درجے کی کمپنیوں کے لیے وسیع  مواقع فراہم کرتی ہے تاکہ وہ دنیا کی دوسری سب سے بڑی معیشت اور دوسرے  سب سے بڑا درآمد کنندہ  ملک کی وسیع  مارکیٹ میں اپنی جگہ تلاش کر سکیں۔

ووہان(شِنہوا) چینی سائنسدانوں نے تیزی سے چارج ہونے والی لیتھیم آئن کی ایسی بیٹری تیار کی ہے جو صرف 10 منٹ میں سیل فون پر 90 فیصد چارج ہوسکتی ہے۔

نیچر انرجی جریدے میں شائع ہونے والی تحقیق کے مطابق، گریفائٹ سے بنی بیٹری کی سطح پر انتہائی باریک فاسفورس کی تہہ  چڑھائی گئی ہے، جو آئنک کنڈکٹویٹی کے ساتھ کرسٹل لائن ٹھوس الیکٹرولائٹ انٹرفیس میں تبدیل ہو سکتی ہے۔

ہواژونگ یونیورسٹی آف سائنس اینڈ ٹیکنالوجی کے محققین نے پاؤچ سیل کا ایسے گریفائٹ اینوڈ کے ساتھ تجربہ کیا جس کے دوران  بیٹری کی صلاحیت 6 منٹ میں 80 فیصد اور 10 منٹ میں 91.2 فیصد تک پہنچ گئی۔  

تحقیق کے مطابق، 6 منٹ چارجنگ شرح کے ساتھ  2ہزار سے زائد سائیکلز کے لیے بیٹری کی صلاحیت برقرار رکھنے کی شرح 82.9 فیصد رہی۔

بیجنگ (شِنہوا) چین میں تمباکو کے ریاستی اجارہ دار ادارے کے سابق نائب سربراہ  ہی ژی ہوا کے خلاف رشوت ستانی مقدمے کی کارروائی شروع کردی گئی ہے۔

سپریم پیپلز پروکیوریٹوریٹ کے بیان کے مطابق تحقیقات کے نگران قومی کمیشن کی تحقیقات مکمل ہونے کے بعد شمال مشرقی صوبے لیاؤننگ کے شہر دالیان کی پیپلز پروکیوریٹوریٹ نے مقدمہ دائر کیا ہے۔

ہی پر الزام ہے کہ اس نے اپنے مختلف سابقہ عہدوں کا فائدہ اٹھا کر دوسروں کے لیے منافع حاصل کیا اور  بدلے میں بہت زیادہ رقم اور قیمتی چیزیں قبول کیں۔

استغاثہ نے ملزم کو اس کے قانونی چارہ جوئی کے حقوق سے آگاہ کیا، اس سے پوچھ گچھ کی، اور وکیل صفائی کے دلائل سنے۔

بیجنگ (شِنہوا) چین کے دارالحکومت بیجنگ  میں مرکزی مالیاتی امور کانفرنس کا انعقاد ہوا۔ پیرسے منگل تک جاری رہنے والی کانفرنس سے کمیونسٹ پارٹی آف چائنہ  (سی پی سی) کی مرکزی کمیٹی کے جنرل سیکرٹری شی جن پھنگ نے ایک اہم خطاب کیا۔

چینی صدر اور مرکزی فوجی کمیشن کے چیئرمین شی جن پھنگ نے مالیاتی شعبے میں اعلیٰ معیار کی ترقی کو درپیش حالات کا تجزیہ کرتے ہوئے موجودہ اور مستقبل کے ادوار میں اس بارے اقدامات پر زور دیا۔

کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے تمام ارا کین لی چھیانگ ، ژاؤ لی جی، وانگ ہوننگ ، چھائی چھی ، ڈینگ شوئے شیانگ اور لی شی نے اجلاس میں شرکت کی۔ لی چھیانگ نے مالی امور بارے مخصوص اقدامات سے آگاہ کیا۔

اجلاس کے مطابق چین مالی ترقی کے راستے پر چینی خصوصیات کے ساتھ گامزن رہے گا اور مالیاتی شعبے میں اعلیٰ معیار کی ترقی کو فروغ دے گا تاکہ چین کو مکمل طور پر ایک مضبوط ملک بنانے اور چینی جدیدیت کے ذریعے قومی تجدید شباب کےحصول میں مضبوط معاونت فراہم کی جاسکے۔

چینی خصوصیات کے ساتھ مالی ترقی کی راہ تلاش کرنے میں چین کو کمیونسٹ پارٹی آف چائنہ کی مرکزی کمیٹی کی مرکزی اور متحد قیادت کی پیروی کرنا ، عوام پر مرکوز نقطہ نگاہ برقرار رکھنا اور حقیقی معیشت کی خدمت کے حتمی مشن پر عمل کرنا چاہئے۔

اجلاس کے مطابق مالیاتی خطرات کی روک تھام مالیاتی شعبے کا ابدی موضوع ہونا چا ہئیے جبکہ مالیاتی اختراع مارکیٹ پر مبنی اور قوانین کے تحت ہونا چاہیئے۔

اس میں مالیاتی رسد کے ڈھانچے میں اصلاحات کو گہرا کرنے، مالی کھلے پن و سلامتی کو مربوط کرنے اور مستحکم کارکردگی برقرار رکھتے ہوئے پیشرفت کے عمومی اصول پر عملدرآمد کرنے کی اہمیت پر زور دیا گیا ہے۔

اجلاس میں اس بات کی نشاندہی بھی ہوئی کہ مالیاتی شعبے میں اب بھی مسائل موجود ہیں جس میں بدعنوانی سمیت دیگر امور  نمایاں ہیں، ملک کو یہ مسائل بنیادی طور پر حل کرنے ضرورت ہے۔

شنگھائی (شِنہوا) چین کی 40 ویں انٹارکٹک سائنسی مہم  شروع ہوگئی ہے جو 5 ماہ جاری رہے گی۔

یہ چین کا پہلی انٹارکٹک سائنسی تحقیقی مشن ہے جس میں 3 بحری جہاز حصہ لے رہے ہیں۔

تحقیقی بحری جہاز آئس بریکر شوئے لونگ اور شوئے لونگ 2 یا سنوڈریگن اور سنو ڈریگن 2 شنگھائی سے روانہ ہوئے جبکہ مال بردار جہاز تیان ہوئی چین کے مشرقی صوبے جیانگ سو  کے شہر ژانگ جیاگانگ سے روانہ ہوا۔

اسلام آباد (شِنہوا) ایک پاکستانی عہدیدار نے کہا ہے کہ صوبہ بلوچستان میں نئے گوادر بین الاقوامی ہوائی اڈے کے افتتاح کے بعد یہ علاقہ مقامی اور بین الاقوامی سیاحتی مرکز بن سکتا ہے جو چین پاکستان اقتصادی راہداری (سی پیک) کے تحت چینی حکومت کا ایک عطیہ ہے۔

پاکستان ٹورازم ڈیویلپمنٹ کارپوریشن (پی ٹی ڈی سی) کے منیجنگ ڈائریکٹر آفتاب الرحمان رانا نے شِںہوا کے ساتھ ایک انٹرویو میں کہا کہ حالیہ برسوں میں بلوچستان میں مقامی سیاحت میں قابل ذکر اضافہ ہوا ہے اور ہوائی اڈے کے فعال ہونے سے جغرافیائی فاصلوں میں کمی ہوگی جس سے گوادر اور اس کے اطراف کے علاقوں میں سیاحوں کی آمد کی راہ ہموار ہوگی۔

انہوں نے کہا کہ سیاحت میں سہولت کے لئے پی ٹی ڈی سی ایئرپورٹ پر سیاحتی معلومات مرکز قائم کرے گا تاکہ  ہوٹلز ، سیاحتی مقامات اور دیگر تمام بنیادی معلومات جامع انداز میں فراہم کی جا ئے۔

انہوں نے مزید بتایا کہ ہوائی اڈے کی صلاحیتیں بروئے کار لانے کے لئے بلوچستان کوسٹل ڈویلپمنٹ اتھارٹی نے ایک جامع منصوبہ بنایا ہے جس میں ساحل کے ساتھ ساتھ ان علاقوں کی نشاندہی کی ہے جنہیں سیاحتی مقامات کے طور پر ترقی دی جائے گی۔

بلوچستان کے شہر گوادر میں گوادر بندرگاہ میں چین کی مدد سے تعمیر ہونے والی ایسٹ بے ایکسپریس وے کی فائل فوٹو۔ (شِنہوا)

رانا نے مزید کہا کہ بلوچستان حیرت انگیز ساحلی مقامات کا حامل ہے اور اس کے ساحل کے ساتھ ایکو ٹورازم ریزورٹس، بیچ پارکس، فلوٹنگ جیٹی اور آرام دہ مقامات کو فروغ دینے کی کوششیں جاری ہیں تاکہ مقامی اور بین الاقوامی سیاحوں اور کاروبار کے لئے گوادر آنے والوں کی ضروریات کو پورا کیا جا سکے۔

سیاحوں کی سیکیورٹی بارے بات کرتے ہوئے انہوں نے کہا کہ سیکیورٹی خدشات کے پیش نظر ابتدائی مرحلے میں گروپ سیاحت کی اجازت دی جائے گی۔

انہوں نے کہا کہ سیاحوں کو اپنے سفری منصوبے ایک مخصوص سیاحتی پولیس فورس کے ساتھ شیئر کرنا ہوں گے جو حفاظتی اقدامات بڑھانے اور سیاحتی سرگرمیوں میں معاونت کے لئے قائم کی جائے گی۔

 اس مرحلے میں سیاحوں کو منظم گروپس میں سفر کرتے ہوئے سیکیورٹی مہیا کی جائے گی۔

اسلام آباد (شِنہوا) ایک پاکستانی عہدیدار نے کہا ہے کہ صوبہ بلوچستان میں نئے گوادر بین الاقوامی ہوائی اڈے کے افتتاح کے بعد یہ علاقہ مقامی اور بین الاقوامی سیاحتی مرکز بن سکتا ہے جو چین پاکستان اقتصادی راہداری (سی پیک) کے تحت چینی حکومت کا ایک عطیہ ہے۔

پاکستان ٹورازم ڈیویلپمنٹ کارپوریشن (پی ٹی ڈی سی) کے منیجنگ ڈائریکٹر آفتاب الرحمان رانا نے شِںہوا کے ساتھ ایک انٹرویو میں کہا کہ حالیہ برسوں میں بلوچستان میں مقامی سیاحت میں قابل ذکر اضافہ ہوا ہے اور ہوائی اڈے کے فعال ہونے سے جغرافیائی فاصلوں میں کمی ہوگی جس سے گوادر اور اس کے اطراف کے علاقوں میں سیاحوں کی آمد کی راہ ہموار ہوگی۔

انہوں نے کہا کہ سیاحت میں سہولت کے لئے پی ٹی ڈی سی ایئرپورٹ پر سیاحتی معلومات مرکز قائم کرے گا تاکہ  ہوٹلز ، سیاحتی مقامات اور دیگر تمام بنیادی معلومات جامع انداز میں فراہم کی جا ئے۔

انہوں نے مزید بتایا کہ ہوائی اڈے کی صلاحیتیں بروئے کار لانے کے لئے بلوچستان کوسٹل ڈویلپمنٹ اتھارٹی نے ایک جامع منصوبہ بنایا ہے جس میں ساحل کے ساتھ ساتھ ان علاقوں کی نشاندہی کی ہے جنہیں سیاحتی مقامات کے طور پر ترقی دی جائے گی۔

بلوچستان کے شہر گوادر میں گوادر بندرگاہ میں چین کی مدد سے تعمیر ہونے والی ایسٹ بے ایکسپریس وے کی فائل فوٹو۔ (شِنہوا)

رانا نے مزید کہا کہ بلوچستان حیرت انگیز ساحلی مقامات کا حامل ہے اور اس کے ساحل کے ساتھ ایکو ٹورازم ریزورٹس، بیچ پارکس، فلوٹنگ جیٹی اور آرام دہ مقامات کو فروغ دینے کی کوششیں جاری ہیں تاکہ مقامی اور بین الاقوامی سیاحوں اور کاروبار کے لئے گوادر آنے والوں کی ضروریات کو پورا کیا جا سکے۔

سیاحوں کی سیکیورٹی بارے بات کرتے ہوئے انہوں نے کہا کہ سیکیورٹی خدشات کے پیش نظر ابتدائی مرحلے میں گروپ سیاحت کی اجازت دی جائے گی۔

انہوں نے کہا کہ سیاحوں کو اپنے سفری منصوبے ایک مخصوص سیاحتی پولیس فورس کے ساتھ شیئر کرنا ہوں گے جو حفاظتی اقدامات بڑھانے اور سیاحتی سرگرمیوں میں معاونت کے لئے قائم کی جائے گی۔

 اس مرحلے میں سیاحوں کو منظم گروپس میں سفر کرتے ہوئے سیکیورٹی مہیا کی جائے گی۔

اسلام آباد (شِنہوا) ایک پاکستانی عہدیدار نے کہا ہے کہ صوبہ بلوچستان میں نئے گوادر بین الاقوامی ہوائی اڈے کے افتتاح کے بعد یہ علاقہ مقامی اور بین الاقوامی سیاحتی مرکز بن سکتا ہے جو چین پاکستان اقتصادی راہداری (سی پیک) کے تحت چینی حکومت کا ایک عطیہ ہے۔

پاکستان ٹورازم ڈیویلپمنٹ کارپوریشن (پی ٹی ڈی سی) کے منیجنگ ڈائریکٹر آفتاب الرحمان رانا نے شِںہوا کے ساتھ ایک انٹرویو میں کہا کہ حالیہ برسوں میں بلوچستان میں مقامی سیاحت میں قابل ذکر اضافہ ہوا ہے اور ہوائی اڈے کے فعال ہونے سے جغرافیائی فاصلوں میں کمی ہوگی جس سے گوادر اور اس کے اطراف کے علاقوں میں سیاحوں کی آمد کی راہ ہموار ہوگی۔

انہوں نے کہا کہ سیاحت میں سہولت کے لئے پی ٹی ڈی سی ایئرپورٹ پر سیاحتی معلومات مرکز قائم کرے گا تاکہ  ہوٹلز ، سیاحتی مقامات اور دیگر تمام بنیادی معلومات جامع انداز میں فراہم کی جا ئے۔

انہوں نے مزید بتایا کہ ہوائی اڈے کی صلاحیتیں بروئے کار لانے کے لئے بلوچستان کوسٹل ڈویلپمنٹ اتھارٹی نے ایک جامع منصوبہ بنایا ہے جس میں ساحل کے ساتھ ساتھ ان علاقوں کی نشاندہی کی ہے جنہیں سیاحتی مقامات کے طور پر ترقی دی جائے گی۔

بلوچستان کے شہر گوادر میں گوادر بندرگاہ میں چین کی مدد سے تعمیر ہونے والی ایسٹ بے ایکسپریس وے کی فائل فوٹو۔ (شِنہوا)

رانا نے مزید کہا کہ بلوچستان حیرت انگیز ساحلی مقامات کا حامل ہے اور اس کے ساحل کے ساتھ ایکو ٹورازم ریزورٹس، بیچ پارکس، فلوٹنگ جیٹی اور آرام دہ مقامات کو فروغ دینے کی کوششیں جاری ہیں تاکہ مقامی اور بین الاقوامی سیاحوں اور کاروبار کے لئے گوادر آنے والوں کی ضروریات کو پورا کیا جا سکے۔

سیاحوں کی سیکیورٹی بارے بات کرتے ہوئے انہوں نے کہا کہ سیکیورٹی خدشات کے پیش نظر ابتدائی مرحلے میں گروپ سیاحت کی اجازت دی جائے گی۔

انہوں نے کہا کہ سیاحوں کو اپنے سفری منصوبے ایک مخصوص سیاحتی پولیس فورس کے ساتھ شیئر کرنا ہوں گے جو حفاظتی اقدامات بڑھانے اور سیاحتی سرگرمیوں میں معاونت کے لئے قائم کی جائے گی۔

 اس مرحلے میں سیاحوں کو منظم گروپس میں سفر کرتے ہوئے سیکیورٹی مہیا کی جائے گی۔

پیرس (شِنہوا) چین کے 2 شہروں چھاؤ ژو اور چھونگ چھنگ کو اقوام متحدہ کی تعلیمی، سائنسی اور ثقافتی تنظیم (یونیسکو) نے یونیسکو کے تخلیقی شہروں کے نیٹ ورک (یو سی سی این) میں شامل  کرنے کے لئے  منتخب لیا ہے۔

یونیسکو کے ایک اعلامیہ کے مطابق یو سی سی این نیٹ ورک میں شمولیت کے لئے 2 چینی شہروں سمیت دنیا بھر سے 53 دیگر شہروں کا انتخاب کیا گیا ہے۔

یونیسکو کے مطابق نئے شہروں کا انتخاب ان کی ترقیاتی حکمت عملی میں ثقافت وتخلیقی صلاحیتیں بروئے کار لانے اور انسانوں پر مرکوز شہری منصوبہ بندی میں جدید طریقوں کے استعمال پر ان کے مضبوط عزم کا اعتراف ہے۔

چین کی جنوب مغربی بلدیہ چھونگ چھنگ کا ایک دلکش نظارہ۔ (شِنہوا)

چھاؤ ژو اور چھونگ چھنگ کو بالترتیب مہمان نوازی اور ڈیزائن میں تخلیقی شہر کا درجہ دیا گیا ہے۔

یونیسکو کے ڈائریکٹر جنرل آندرے ازولے نے بتایاکہ ہمارے تخلیقی شہروں کے نیٹ ورک میں شامل شہر ثقافتی رسائی بڑھانے ، شہری لچک اور ترقی میں تخلیقی صلاحیتوں کی طاقت متحرک کرنے میں سب سے آگے ہیں۔

یونیسکو نے کہا ہے کہ نئے نامزد شہرماحولیاتی تبدیلی، بڑھتی عدم مساوات اور شہری علاقے میں اضافے جیسے ابھرتے خطرات کا سامنا کرنے میں نیٹ ورک کے دیگر ارکان کے ساتھ تعاون کریں گے۔ توقع ہے کہ 2050 تک دنیا کی 68 فیصد آبادی شہری علاقوں میں رہائش پذیر ہوگی۔

بیجنگ (شِنہوا) چینی وزارت خارجہ کے ترجمان نے کہا ہے کہ چین مسئلہ فلسطین کے جلد از جلد جامع، منصفانہ اور دیرپا حل کے لیے انتھک کوششیں جاری رکھے گا۔

ترجمان وانگ وین بن  سے ایک پریس بریفنگ میں سوال پوچھا گیا تھا کہ اسرائیل نے اقوام متحدہ کی جنرل اسمبلی کے 28 اکتوبر کو منعقدہ ہنگامی خصوصی اجلاس میں اکثریت سے منظور کردہ غزہ میں جنگ بندی کے اقوام متحدہ کے مطالبے کو یکسر مسترد کردیا ہے۔

اس کے جواب میں وانگ نے کہا کہ اقوام متحدہ کی جنرل اسمبلی کی قرارداد میں فوری، پائیدار اور مستحکم انسانی جنگ بندی، بین الاقوامی قوانین کی پاسداری، شہریوں کے تحفظ اور شمالی غزہ کو خالی کرنے کے حکم کو منسوخ کرنے کا مطالبہ کیا گیا ہے۔ قرارداد فلسطینی شہری آبادی کی جبری منتقلی کی کسی بھی کوشش کو بھی مسترد کرتی ہے۔

وانگ نے کہا کہ یہ قرارداد دنیا کے بیشتر ممالک کے مضبوط مطالبے کی عکاس ہے۔

وانگ نے کہا کہ ایک طویل عرصے سے فلسطینی علاقوں پر غیر قانونی قبضہ ہے، ایک طویل عرصے سے فلسطینی عوام کے آزاد ریاست کے حق کو نظر انداز کیا جاتا رہا ہے۔ طویل عرصے سے ان کے بنیادی حقوق کی کوئی بنیادی ضمانت نہیں ملی اور یہ فلسطین۔ اسرائیل تنازع کی بنیادی وجہ ہے اور اس طرح کی تاریخی ناانصافی جاری نہیں رہنی چا ہئے۔

انہوں نے کہا کہ تمام ممالک کو اپنے دفاع کا حق ہے لیکن اس حق کا استعمال بین الاقوامی قانون خاص طور پر بین الاقوامی انسانی قانون کی پاسداری اور شہریوں کے تحفظ کی بنیاد پر ہونا چاہئے۔

بیجنگ (شِنہوا) چینی وزارت خارجہ کے ترجمان نے کہا ہے کہ چین مسئلہ فلسطین کے جلد از جلد جامع، منصفانہ اور دیرپا حل کے لیے انتھک کوششیں جاری رکھے گا۔

ترجمان وانگ وین بن  سے ایک پریس بریفنگ میں سوال پوچھا گیا تھا کہ اسرائیل نے اقوام متحدہ کی جنرل اسمبلی کے 28 اکتوبر کو منعقدہ ہنگامی خصوصی اجلاس میں اکثریت سے منظور کردہ غزہ میں جنگ بندی کے اقوام متحدہ کے مطالبے کو یکسر مسترد کردیا ہے۔

اس کے جواب میں وانگ نے کہا کہ اقوام متحدہ کی جنرل اسمبلی کی قرارداد میں فوری، پائیدار اور مستحکم انسانی جنگ بندی، بین الاقوامی قوانین کی پاسداری، شہریوں کے تحفظ اور شمالی غزہ کو خالی کرنے کے حکم کو منسوخ کرنے کا مطالبہ کیا گیا ہے۔ قرارداد فلسطینی شہری آبادی کی جبری منتقلی کی کسی بھی کوشش کو بھی مسترد کرتی ہے۔

وانگ نے کہا کہ یہ قرارداد دنیا کے بیشتر ممالک کے مضبوط مطالبے کی عکاس ہے۔

وانگ نے کہا کہ ایک طویل عرصے سے فلسطینی علاقوں پر غیر قانونی قبضہ ہے، ایک طویل عرصے سے فلسطینی عوام کے آزاد ریاست کے حق کو نظر انداز کیا جاتا رہا ہے۔ طویل عرصے سے ان کے بنیادی حقوق کی کوئی بنیادی ضمانت نہیں ملی اور یہ فلسطین۔ اسرائیل تنازع کی بنیادی وجہ ہے اور اس طرح کی تاریخی ناانصافی جاری نہیں رہنی چا ہئے۔

انہوں نے کہا کہ تمام ممالک کو اپنے دفاع کا حق ہے لیکن اس حق کا استعمال بین الاقوامی قانون خاص طور پر بین الاقوامی انسانی قانون کی پاسداری اور شہریوں کے تحفظ کی بنیاد پر ہونا چاہئے۔

بیجنگ (شِںہوا) چین میں غیرملکی مالی تعاون  سے چلنے والی کمپنیوں کی اکثریت ملک کے سازگار کاروباری ماحول سے مطمئن ہے۔

چائنہ کونسل فار دی پروموشن آف انٹرنیشنل ٹریڈ (سی سی پی آئی ٹی) کے رواں سال کی تیسری سہ ماہی میں کئے گئے ایک سروے کے مطابق چین میں ٹیکس ادائیگیوں، مارکیٹ تک رسائی اور تنازعات کے تصفیے بارے کاروباری ماحول کو چین میں کام کرنے والی غیر ملکی کمپنیوں نے وسیع پیمانے سراہا ہے۔

چائنہ کونسل فار دی پروموشن آف انٹرنیشنل ٹریڈ کے ترجمان ژانگ شین نے ایک پریس کانفرنس میں بتایا کہ سروے میں شامل 700 غیر ملکی مالی تعاون سے چلنے والے کاروباری اداروں میں سے تقریباً 90 فیصد اس کاروباری ماحول سے مطمئن ہیں۔

ترجمان نے کہا کہ غیر ملکی کمپنیاں چین میں اپنی ترقی سے متعلق پرامید ہیں، 80 فیصد سے زیادہ جواب دہندگان کو توقع ہے کہ 2023 میں سرمایہ کاری پر منافع مستحکم رہے گا یا بڑھ جائے گا۔

ژانگ نے کہا کہ چائنہ کونسل فار دی پروموشن آف انٹرنیشنل ٹریڈ چین میں زیادہ مارکیٹ و قانون پر مبنی اور بین الاقوامی کاروباری ماحول کو آسان بنانے میں اپنا کردار ادا کرتا رہے گا تاکہ غیر ملکی سرمایہ کار ملک میں ترقی کے مواقع سے فائدہ اٹھاسکیں۔

بیجنگ (شِںہوا) چین کی ریاستی کو نسل نے سنکیانگ آزمائشی آزاد تجارتی خطے (ایف ٹی زیڈ) کے قیام کا عمومی منصوبہ جاری کردیا ہے جو نئے دور میں اصلاحات اور کھلے پن کے فروغ میں ایک اہم اسٹریٹجک قدم ہے۔

منصوبے کے تحت ملک آزاد تجارتی خطے کو اپنے وسطی اور مغربی علاقوں میں اعلیٰ معیار کی ترقی کے فروغ میں ایک ماڈل کے طور پر تعمیر کرنے کی کوشش کرے گا اور سنکیانگ  مقامی اور بین الاقوامی مارکیٹوں کی "دوہری گردش" کو ضم کرنے کا ایک اہم مرکز ہوگا۔

آزاد تجارتی خطہ بیلٹ اینڈ روڈ انیشی ایٹو کے مرکزی علاقے کی تعمیر، ایشیا و یورپ کے درمیان "سنہری راستے" کی تعمیر اور چین کے مغرب خطے میں کھلے پن بارے ایک پل کا کردار ادا کرنے کے ساتھ  مشترکہ مستقبل کے ساتھ چین- وسط ایشیا برادری میں فعال طور پر حصہ بٹائے گا۔

یہ منصوبہ آزاد تجارتی خطے میں اصلاحات میں زیادہ خود مختاری دے گا جس سے اسے دیگر آزاد تجارتی خطے سے مختلف راہیں تلاش کرنے اور سنکیانگ یا سنکیانگ کی خاص صنعتوں کو فروغ اور توسیع کرنے کا اختیار ہوگا۔

اس منصوبے میں 25 پہلوؤں میں پرمخصوص اقدامات کی نشاندہی کی گئی ہے، اس میں اول درجے کا کاروباری ماحول پیدا کرنا، تجارتی سہولت کی سطح میں بہتری ، فوائد کے ساتھ روایتی صنعتوں میں وسعت اور اس کی مضبوطی اور ہمسایہ ممالک کے ساتھ اقتصادی و تجارتی تعاون میں اضافہ کرنا شامل ہے۔

منصوبے کے تحت ان اقدامات سے اسے ایک اعلیٰ معیار اور صلاحیت کے آزاد تجارتی خطے کے طور پر تعمیر کیا جائے گا جس میں ایک بہترین کاروباری ماحول، آسان سرمایہ کاری ، تجارت، فائدہ مند صنعتوں کا کلسٹر، وسائل کا اشترک ، مربوط اور موثر انتظام شاندار چمک اور قائدانہ اثرات ہوں گے۔

اس میں آزاد تجارتی خطے کی تعمیر میں خطرے کی روک تھام اور کنٹرول کو مضبوط بنانے ، قومی اور سماجی سلامتی کے تحفظ کی کوششوں پر بھی زور دیا گیا ہے۔